Ի՞նչ է առաջարկելու Էրդողանը Պուտինին․ Անկարայից մանրամասնել են

Թուրքիայի նախագահ Ռեջեփ Թայիփ Էրդողանը Ռուսաստանի առաջնորդ Վլադիմիր Պուտինի հետ զրույցի ընթացքում կհնչեցնի Անկարայի առաջարկներն Ուկրաինայի վերաբերյալ։ 

Այս մասին շաբաթ օրը՝ մարտի 5-ին, հայտարարել է Թուրքիայի ղեկավարի պաշտոնական ներկայացուցիչ Իբրահիմ Քալընը։

«Միացյալ Նահանգները, ՆԱՏՕ-ի մյուս դաշնակիցների հետ միասին, սկսել են մի շարք լուրջ տնտեսական պատժամիջոցներ կիրառել Ռուսաստանի դեմ: Մենք արդեն հայտնել ենք մեր դիրքորոշումն այս հարցում (որ Անկարան չի ծրագրում պատժամիջոցներ Ռուսաստանի Դաշնության դեմ.-խմբ.)։

Մենք շատ առանձնահատուկ հարաբերություններ ունենք Ռուսաստանի հետ, հատուկ հարաբերություններ ունենք նաև Ուկրաինայի հետ։ Երկուսն էլ մեր ծովային հարեւաններն են։ Մենք կարծում ենք, որ շատ կարևոր է խոսել երկու կողմերի հետ»,- նրա խոսքերն է մեջբերում TRT Haber-ը։