Հերթական անգամ փորձում են մեզ ստիպել ևս մի բնագիծ զիջել. իմ զորակցությունն եմ հղում Արցախում բնակվող մեր քույրերին ու եղբայներին. Հայկ Մարության

Երևանի նախկին քաղաքապետ Հայկ Մարությանն իր զորակցությունն է հայտնել Արցախի Հանրապետությունում բնակվող քույրերին ու եղբայներին։

«Արդեն յոթ օրից ավելի Արցախը Մայր Հայաստանին կապող կյանքի ճանապարհը փակ է: Ակնհայտ է, որ հերթական անգամ փորձում են մեզ ստիպել ևս մի բնագիծ զիջել, կասկածել մեր նպատակների արդարացիության վրա, թուլացնել մեր կամքը:

Դրան ի պատասխան՝ պետք է ցույց տանք մեր հաստատակամությունը, վերահաստատենք սեփական հողի վրա ապրելու մեր իրավունքը: Արցախի հայությունը դա արել է բազմիցս, սրանից ավելի թեթեւ ու ավելի բարդ պայմաններում:

Այս ծայրահեղ դժվար իրավիճակում ընտանիքիս հետ միասին իմ զորակցությունն եմ հղում Արցախի Հանրապետությունում բնակվող մեր քույրերին ու եղբայներին»,- ֆեյսբուքում գրել է Մարությանը։