Թրամփը հայհոյել է Նեթանյահուի հետ ՀԱՄԱՍ-ի գործարքը քննարկելիս

ԱՄՆ նախագահ Դոնալդ Թրամփը հայհոյել է Իսրայելի վարչապետ Բենիամին Նեթանյահուի հետ Համասի հետ կնքված համաձայնագրի վերաբերյալ հեռախոսազրույցի ժամանակ, հաղորդում է Axios-ը՝ հղում անելով իր աղբյուրներին։

«Ես չեմ հասկանում, թե ինչու եք դուք միշտ այդքան... դժգոհ», - ասել է Թրամփը՝ ի պատասխան Նեթանյահուի այն պնդման, որ Համասի կողմից Ամերիկայի նախագահի պայմաններին համաձայնությունը «ոչինչ չի նշանակում»։

Axios-ի աղբյուրները պնդում են, որ Թրամփը Նեթանյահուին կոչ է արել «ընդունել հաղթանակը»:

Շաբաթ օրը Իսրայելի կառավարական աղբյուրը «ՌԻԱ Նովոստի»-ին հայտնել է, որ Իսրայելը պատրաստվում է բանակցողների պատվիրակություն ուղարկել՝ քննարկելու Գազայի հատվածում հակամարտության կարգավորման Թրամփի ծրագրի առաջին փուլի իրականացման մանրամասները, որը վերաբերում է իսրայելցի պատանդների եւ պաղեստինցի բանտարկյալների ազատ արձակմանը:

Պաղեստինյան ՀԱՄԱՍ շարժումը ուրբաթ օրը հայտարարել է բոլոր կենդանի իսրայելցի պատանդներին ազատ արձակելու և զոհվածների մարմինները Թրամփի ծրագրի համաձայն հանձնելու պատրաստակամության մասին: 

Ավելի վաղ ԱՄՆ նախագահը սպառնացել էր ամենասարսափելի հետևանքներով, եթե ՀԱՄԱՍ-ը մինչև կիրակի իր 20 կետից բաղկացած առաջարկին դրական պատասխան չտրամադրի: