Լրահոս

Իսկ ինչպես ավելի զգոն լինել եթե հենց այս լարված օրերին արձակուրդ վերցնելով քարոզարշավ անող վարչապետը էլի նախկիններին է մեղադրում: Փաշինյանն այսօր նորից 80-ականների զենքերն է հիշել: Ի տարբերություն վարչապետի, այդ զենքերով կռվածները, Փաշինյանի խոսքերը, քարոզչական հնարք են համարում:

Հայ-ադրբեջանական սահմանի վերջին սրացումների համար փորձագետները տարբեր պատճառներ են տեսնում: Սիրիայում ռուս-թուրքական հակամարտությունից մինչև նավթի գների անկում, որ կարող էր ստիպել Ադրբեջանի իշխանություններին շեղել ժողովրդի ուշադրությունը սոցիալական հարցերից:
Բայց գլխավոր մտահոգությունը մեկն է. թե Տավուշում Ադրբեջանի դիվերսիոն գործողությունները, թե Նախիջևանի հատվածից ադրբեջանական կրակոցները խոսում են թուրք-ադրբեջանական տանդեմի ակտիվացման մասին, մինչդեռ Հայաստանի ներքաղաքական օրակարգում միայն մեկ հարց է՝ հանրաքվեն:

Իրականում ինչ պայմաններում է ապրում ոտ ու ձեռք ունեցող, առողջ տղամարդու ընտանիքը ինչպես առաջին հայացքից ախտորոշել էր վարչապետը:

«5-րդ ալիք» հեռուստաընկերության սեփականատեր Արմեն Թավադյանն ազատ կարձակվի։ ՀՀ վերաքննիչ դատարանը որոշեց բավարարել փաստաբանների վերաքննիչ բողոքը և մերժել քննիչի միջնորդությունը կալանքը երկարացնելու մասին։

ՀՀ ազգային անվտանգության ծառայությունը, հավատարիմ լինելով քաղաքացիների հիմնարար սահմանադրական իրավունքներին, մասնավորապես կյանքի իրավունքը տարբեր սպառնալիքներից պաշտպանելու գործառութային սկզբունքին, հետևողական պայքար մղելով անձնական և հասարակության հարաբերություններում բռնության կիրառումն ի սպառ բացառելու ուղղությամբ, հանցավորության դեմ պայքարում օրենքով իրեն վերապահված գործառույթների շրջանակներում ձեռնարկված օպերատիվ-հետախուզական միջոցառումների և քննչական գործողությունների արդյունքում ստացել է փաստական տվյալներ ՀՀ քաղաքացիների պատվիրված սպանություններ նախապատրաստելու, ապօրինի կերպով հրազեն ձեռք բերելու և մի խումբ անձանց կողմից պահելու, կեղծ փաստաթղթերի օգտագործմամբ ՀՀ պետական սահմանը պարբերաբար հատելու վերաբերյալ։

Հին թե նոր Հայաստանում իրենց հանդեպ վերաբերմունքի տարբերութուն չեն զգում փաստաբանները: Պալատի նախագահը այսօր խորհրդարան է տարել առաջարկների փաթեթ, որ պետք է օգնի ուժեղացնել փաստաբանների դիրքերը:

Լիդիան Արմենիա ընկերության 15 աշխատակից Կառավարության դեմ դատական հայց է ներկայացրել: Նրանք սպառնում են գործը հասցնել Եվրոպական բարձր ատյաններ: 2 տարի է՝ Ամուլսարի հանքը չի շահագործվում, Լիդիանի աշխատակիցներն էլ մնացել են անգործ ու անփող:

Կորոնավիրուսի համաճարակի եվրոպական գլխավոր օջախից՝ Իտալիայից, հայաստանիցները վերադառնում են հայրենիք: Կեսօրին մի օդանավ եկել է Միլանից, իսկ երեկոյան սպասվում է Հռոմ-Երեւան չվերթի ինքնաթիռի վայրէջքը: Հայաստանի Առողջապահական և աշխատանքի տեսչական մարմինը հայտնել է, թե անվտանգության հատուկ միջոցառումներ են ձեռնարկվել «Զվարթնոց» օդանավակայանում, որպեսզի հնարավորինս բացառվի Իտալիայից ժամանածների շփումն այլ ուղևորների հետ:  

115 երկիր ախտահարած վիրուսը հասել է նաև Հնդկաստան: Այդ երկրում երկուշաբթի օրվա տվյալով կա 55 վարակակիր, բայց ազգային գույների ու երջանկության տոնը՝ հոլին երկար քննարկումներից հետո չի չեղարկվել: Մարդիկ գարնանային գույներով են ներկել իրենց դեմքերի բժշկական դիմակները:

Հայկական երկրորդ հանրապետությունում էլ է քարոզարշավ: Նոր նախագահ ու նոր խորհրդարան պետք է ընտրի արցախցին: Ոչ պատերազմ ոչ խաղաղություն ապրող մարդիկ բոլոր նախընտրական ծրագրերում նախ անվտանգային հարցերի պատասխաններ են փնտրում:

Այսօր արձակուրդ գնալու ու հանրաքվեի քարոզարշավին մասնակցելու մասին է հայտարարել մարզպետ Ռոմանոս Պետրոսյանը: Նա փորձ ունի ընտրատեղամասերում աշխատելու: Երևի հիշում եք, Աբովյանի քաղաքապետի ընտրությանը, մարզպետը ցուցակներ էր առգրավում տեղամասերից, պնդում, որ խախտումներ են եղել: Այնուամենայնիվ պարտվեց իմքայլական թեկնածուն, վարչապետն ասաց, որ հաղթել է ժողովրդավարությունը, քաղաքապետի պաշտոնում վերընտրվեց Բարգավաճ Հայաստանի սատարած թեկնածուն: Հիմա նրա գլխին մութ ամպեր են կուտակվում: Ռոմանոս Պետրոսյանը այսօր այս ու մյուս սկանդալներին է անդրադարձել:

Դաժան ծեծի ենթարկված փոխգնդապետ Արա Մխիթարյանի հայրը, հարազատներն եւ ընկերները շարունակում են արդարադատություն պահանջել: Իրենց որդուն ծեծելու համար կասկածվողներից մեկը, կարծում են, չպետք է ազատ արձակվեր գրավի դիմաց: Մխիթարյանները նաև չեն համոզվում, թե դեպքի հետ որևէ կապ չունի պատահածից հետո հրաժարական տված մարզպետ Տրդատ Սարգսյանը: 

Բելգիայում տարածվող կորոնավիրուսի պատճառով աշխատանքային այցի ժամանակ ձեռքսեղմումներից հրաժարված վարչապետ Փաշինյանը այսօր Իրանի հետ սահմանակից Սյունիքի մարզում շատ ջերմ ու շատ մոտիկից շփվել է մարդկանց հետ, որ համոզի ապրիլի 5-ին ընտրատեղամաս գնալ ու այո ասել սահմանադրական մեկ դրույթ փոխելու համար նշանակված հանրաքվեին: Չնայած վարչապետն արձակուրդում է մարզեր է մեկնել պետական ուղղաթիռով: Հանրաքվեի ,Ոչ քարոզչական կողմի ներկայացուցիչները վստահ են, որ քաղաքացի Փաշինյանն այսպես չարաշահել է պաշտոնական դիրքը:

Հայհոյախոսություններից հեռու մնալու համար բավական է շատ կարդալ, բայց եթե Մալաթիա-Սեբաստիայում եք ապրում, այս օրերին ավելի լավ է չգնաք այդ վարչական շրջանի կենտրոնական գրադարան: Այնտեղ հիմա ընթերցասերների սիրտ չունեն: Մեկ տարվա տնօրենը չի հավանել տարեց աշխատակիցներին, նրանց անվանել է ծերակույտ, մի քանիսին տուն ճանապարհել ու փոխարենը ընդունել նոր աշխատողներ: Գրադարանում գործադուլ է, իսկ տնօրենը կտրականապես հերքում է բոլոր մեղադրանքները: