Լրահոս

Հայաստանում կորոնավիրուսով վարակված 8 մարդկանցից 7-ը մեկուսացված է Նորքի ինֆեկցիոն հիվանդանոցում: Նորքում են մնալու նաեւ վերջին 3 օրերի մեկուսացվածները: Ի դեպ այս պահին մեկուսացվածների հստակ թիվ չկա: Նորքի ինֆեկցիոնը վերապրոֆիլավորել է, այդտեղ կմնան միայն կորոնավիրուսով կասկածվողներն ու վարակվածները, հիվանդանոցի մյուս պացիենտներին տեղափոխել են այլ բժշկական կենտրոններ: Վերջին երկու վարակվածի մասին այսօր առողջապահության նախարարը հայտնեց: Նրանք մարտի 11-12-ին մեկուսացվածներից են:

Այսօր Ադրբեջանը գնդացրով կրակել է Իջեւանի մարտական դիրքերի ուղղությամբ: ՊՆ-ից հայտնում են, որ հակառակորդի կրակոցները լռել են հայկական կողմի պատասխան կրակոցներից հետո միայն։ Տավուշի ուղղությամբ կրակոցներն ինտենսիվացան մարտի սկզբից: Հայ-ադրբեջանական սահմանին տիրող իրավիճակին անդրադարձել է նաեւ Ռուսաստանի արտաքին գործերի մամուլի խոսնակը: Մարիա Զախարովան կողմերին զսպվածության կոչ արել: Հայ-ադրբեջանական սահմանին Բաքվի սադրանքներին անդրադարձել է նաեւ Արցախի արտգործնախարարությունը:  

Կորոնավիրուսի տարածման հետեւանքով տնտեսությանը սպառնացող վտանգներն անխուսափելի են: Տնտեսագետները պնդում են, որ հիմնական հարվածն իր վրա է վերցնելու փոքր բիզնեսը: Կոչ են անում կենտրոնական բանկին վարկերի տոկոսադրույքները երկու ամսով կասեցնելու որոշում ընդունել: Հակառակ տնտեսագետների պնդումների վարչապետը վիրուսից տնտեսության համար դրական ակնկալիքներ ունի:

Բրազիլիայի նախագահ Ժաիր Բոլսոնարուի կորոնավիրուսի ստուգման առաջին թեստը դրական է: Ռուսական մամուլը հղում անելով բրազիլական լրատվամիջոցներին հիշեցնում են, որ կորոնավիրուսով վարակվել է Բրազիլիայի նախագահի աշխատակազմի հանրային հաղորդակցության ղեկավարը , ինչից հետո նախագահը եւ նրա կինը թեստ են հանձնել: Այս տեղեկությունը պաշտոնապես դեռ չեն հաստատել: Ինչպես գիտեք, Բրազիլիայի նախագահի տիկնոջ հետ մարտի 6-ին հանդիպել էր Հայաստանի վարչապետի տիկին Աննա Հակոբյանը: Վարակը հաստատվել է նաեւ Կանադայի վարչապետ Ջասթին Թրյուդոյի կնոջ մոտ: Երբ կինը վերադարձել էր Մեծ Բրիտանիայից ու վիրուսի ախտանշաններ ունեցել՝ Թրյուդոն ինքնամեկուսացվել էր:

Պայմանավորված ներկայիս իրավիճակով` «Նորք» ինֆեկցիոն հիվանդանոցը վերապրոֆիլավորվել է և այսուհետ սպասարկելու է միայն կորոնավիրուսային հիվանդության կասկածով և հաստատված պացիենտներին:

Ն.Ս.Օ.Տ.Տ. Արամ Ա. Կաթողիկոսը ֆեյսբուքյան իր էջում հաղորդագրություն է տարածել.

Մարտի 13-ի, ժամը 14։00-ի դրությամբ Հայաստանում իրականացվել է Կորոնավիրուսային հիվանդության 292 հետազոտություն` 8 դրական արդյունքով, որից 2-ը հաստատվել է քիչ առաջ: Պացիենտները հոսպիտալացված են ինֆեկցիոն հիվանդանոցում: Ջերմում է միայն թոքաբորբով հիվանդը, մնացած 7-ը գանգատներ չունեն:

Կորոնավիրուսի կանխարգելման նպատակով իրականացվող միջոցառումների շրջանակում Հայաստանի Հանրապետության կենտրոնական բանկը ևս մեկ անգամ հորդորում է հնարավորինս լայնորեն օգտվել անկանխիկ վճարամիջոցներից և առցանց բանկային ծառայություններից:

Իրենց հեղափոխության պահապաններ կոչող երիտասարդներն այցելում են վարչապետի հասցեին վատ խոսքեր ասողներին ու սպառնում ներողություն խնդրել՝ հակառակ դեպքում կպատժվեն: Համացանցում նման մի տեսանյութի տարածումից հետո իրավաբանները հեղափոխության պաշտպաններից պաշտպանվելու հորդորով դիմեցին իրավապահներին: Պատգամավոր Անի Սամսոնյանը դատախազություն է դիմել: Երիտասարդների գործողությունները դատապարտել է վարչապետ Փաշինյանը:

Ինչպես պաշտպանվել կիբերհարձակումներից:

Եղեգնաձորում ծեծված սպայի հարազատներն այսօր ցույց են արել կառավարության դիմաց: Գործադիրի մի որոշման փոփոխության համար պայքարը շարունակում են նաեւ ՁԻԱՀ-ի կենտրոնի շահառուներն ու բժիշկները:

Արցախում նախագահի ու խորհրդարանի ընտրությունների քարոզարշավի ակտիվ փուլն է: Նախագահի 14 թեկնածուները շարունակում են հանդիպումները ընտրողների հետ:

Առողջապահության նախարարը հավատացնում է, որ նոր կորոնավիրուսով վարակված 3 նոր անձանց սերտ շփման ամբողջ շրջանակը հայտնաբերված է: Չնայած կոնորավիրուսի դեմ պայքարին թափ հաղորդելու միջազգային հորդորներին եւ հասարակական պահանջին, կառավարությունը դեռ չունի ուսումնական հաստատությունները փակելու որոշում: Հանրաքվեի քարոզարշավն էլ չեն ընդհատի՝ վարչապետ Փաշինյանն ասել է դրա կարիքը չկա:

Ադրբեջանում կորոնավիրուսից առաջին մահն է գանցվել: 51-ամյա կինը Իրանից էր վերադարձել երկիր ու բացի կորոնավիրուսից այլ հիվանդություններ էլ է ունեցել: Մեր մյուս հարեւան Վրաստանում կորոնավիրուսով վարակվածների թիվը հասել է 25-ի: