Լրահոս

Մեր նկարահանող խումբը այսօր էլ քաղաքում շրջելիս ՝ հանդիպել է շատ մարդկանց, որ 4 պատի մեջ փակված մնալ չեն կարող, որովհետև գործ չկա, փող էլ չկա: Բանկերի առաջ շատերը հերթ են կանգնում՝ վարկ ձևակերպելու հույսով՝ նույնիսկ չիմանալով հետո կարողանալու՞ են մարել բանկային պարտքը:

Եթե ուզում եք Ձեր փոքրիկ ներդրումն ունենալ, որ աշխարհի թոքերը շուտ մաքրվեն այս վիրուսից, պարզապես մնացեք տանը, հաճախ լվացեք ձեռքերը, ախտահանեք այն մակերեսները, որոնց հաճախ եք կպչում:

Ո՞ր մի ֆրանսահայի մտքով կանցներ, որ ինչ-որ վախերի պատճառով ինքը չի գնա վերջին հրաժեշտ տալու Պատրիկ Դևեջյանին: 

Ֆրանսիայի Կլամար քաղաքում ապրող հայերը կորոնավիրուսի օրերին բարության օրինակ են դարձել բոլորի համար: Մի քանի երիտասարդ իրենց գրպանի փողով դիմակներ են գնում եւ բաժանում հիվանդանոցներում: Այդ երկրում շատ սուր է բժշկական դիմակների դեֆիցիտը: Շաբաթական արտադրվում է ընդամենը 8 միլիոն դիմակ, այն դեպքում, երբ օգտագորվում է 40 միլիոնը: Ֆրանսիական կառավարությունը Չինաստանին պատվիրել է մեկ միլիարդ դիմակ:

ՀՀ երկրորդ նախագահ Ռոբերտ Քոչարյանի անունից ցավակցական հեռագիր է հղվել՝ սփյուռքահայ նշանավոր քաղաքական և պետական գործիչ Պատրիկ Դևեջյանի անժամանակ մահվան կապակցությամբ: Այս մասին տեղեկացնում է ՀՀ Երկրորդ Նախագահի գրասենյակը։

Վերջին քսանչորս ժամվա ընթացքում կորոնավիրուսային հիվանդության առկայության թեստավորման համար կատարվել էր նմուշառում: Թեստավորման արդյունքում մեկ զինծառայողի մոտ ախտորոշվել է կորոնավիրուս: Զինծառայողը նախապես մեկուսացված էր։

Մարտի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը ցավակցագիր է հղել սգակիր Դևեջյան ընտանիքին ֆրանսահայ ականավոր գործիչ Պատրիկ Դևեջյանի անժամանակ մահվան կապակցությամբ: Այս մասին տեղեկացնում է Մայր Աթոռի տեղեկատվական համակարգը։

Անհրաժեշտություն է առաջացել ժամանակակից տեխնոլոգիաների օգտագործմամբ պանդեմիայի կանխարգելման միջոցառումներ իրականացնել։ Այդ նպատակով ստեղծվել է հատուկ խումբ, որը ներառել է թե՛ հայաստանյան, թե՛ արտասահմանյան վելուծաբանների,փորձագետների։ ԱԺ արտահերթ նիստում ներկայացնելով օրակարգի առաջին հարցը, որը վերաբերվում էր Արտակարգ դրության իրավական ռեժիմի մասին ՀՀ օրենքում լրացումներ կատարելու մասին և էլեկտրոնային հաղորդակցության մասին ՀՀ օրենքում լրացումներ կատարելու մասին օրենքների նախագծերի փաթեթեը ասաց արդարադատության նախարար Ռուստամ Բադասյանը։

«5-րդ ալիքը» Արցախի Հանրային հեռուստաընկերության տնօրինության համաձայնությամբ, այսօր երեկոյան 22:00-ին ուղիղ եթերով կվերահեռարձակի Արցախի նախագահի թեկնածուների բանավեճը:

Սիրելի՛ արցախցիներ, ճակատագրական այս օրերին ուժ, անկոտրում կամք ու միասնականություն եմ մաղթում ձեզ։ Տասնամյակներ առաջ միասին մենք անմարդկային դժվարություններ ենք հաղթահարել, հաղթանակել ենք պատերազմում ու ինքնիշխան երկիր կառուցել։ Վստահ եմ՝ նույն միասնականությամբ կհաղթահարենք նաև այսօրվա մարտահրավերները։ 

Իտալիան աշխարհում առաջին երկիրն է կորոնավիրուսի զոհերի քանակով: Այստեղ վիրուսը 9 հազարից ավելի մարդու կյանք է խլել: Եվրոպան կորոնավիրուսից ամենաշատը տառապող աշխարհամասն է: Վարակակիրների գրեթե կեսը եվրոպացի է:

Հեռավար կրթությունը հանրապետության բոլոր աշակերտներին հասանելի դարձնելու համար 21 հազար համակարգիչ է պետք: Հաշվարկն արել է կրթության նախարարությունը և խնդրանքով դիմում է կազմակերպություններին, քաղաքացիներին օգնել հավաքել այդ համակարգիչները: Եթե տներում ունեք չօգտագործվող համակարգիչ, վաղվանից կարող եք տանել Երևանի Խաչիկ Դաշտենցի անվան թիվ 114 ավագ դպրոց: Ընդունման կետում կնայեն, եթե տեխնիկական չափանիշները բավարար լինեն, կվերցնեն: Այդ համակարգիչներից մեկն էլ գուցե հասնի վանաձորցի Ռիմա Ղարաբեկյանի ընտանիքին: Դպրոցական երեք երեխաների համար հեռավար կրթությունը շատ հեռվում է մնում, երբ սպառվում է հորաքրոջ աղջկա հեռախոսի փողը:

Համացանցում սկանդալային կադրեր են հայտնվել, թե Ադրբեջանում որտե՞ղ, ինչպե՞ս են ապրում մարդիկ, որոնք հնարավոր է կորոնավիրուս ունեն: Մեկուսացում ադրբեջանական ձեւով.

Ինտերնետում չափազանց վտանգավոր ֆլեշմոբ է տարածվում: Երիտասարդները լիզում են ամեն ինչ, նույնիսկ զուգարանակոնքը ցույց տալու համար, որ իրենք չեն վախենում կորոնավիրուսից: Այդ կադրերը քննարկում են աշխարհի ամենահայտնի թոք-շոուներում: Խիստ քննադատում ու բժիշկներին կոչ անում չզբաղվել այդ մարդկանց բուժմամբ: Համընդհանուր մեկուսացման պատճառով, կտրուկ ավելացել են նաեւ ընտանեկան բռնությունները: Սակայն հոգեբանների մի մասը շատ լավատես է եւ կարծում է, որ համաճարակը հաղթահարելուց հետո, աշխարհում հարաբերությունների ավելի մարդկային մշակույթ է ձեւավորվելու:

Կորոնավիրուսը բուժող դեղամիջոց է ներկայացրել Ռուսաստանը: Բժշկա-կենսաբանական դաշնային գործակալությունը ստեղծել է դեղամիջոց մեֆլոխինի հիմքով: Այն օգտագործում են մալարիան բուժելու համար: