Լրահոս

Եթե կոմունալները վճարելու այս պարտադրանքը չվերանայվի, երկիրը կանցնի «գալադովկայի» ռեժիմի: Պարտադրված հացադուլի մասին են ակնարկում խորհրդարանական ընդդիմադիր խմբակցությունները: Հանրային ծառայությունները կարգավորող հանձնաժողովի հայտարարության տեքստում խնդիրներ անգամ իմքայլականներն են տեսնում:

Երկու տարի առաջ այս օրը Հայաստանի 3-րդ նախագահը հրաժարական տվեց: Սուրբ Աթոռում Հայաստանի նախկին դեսպան Միքայել Մինասյանը վերլուծել է այդօրվանից հետո պատահածը ու կարծում է, որ սպասված դրական տեղաշարժ տեղի չի ունեցել: Մարդիկ չեն սկսել ավելի լավ ապրել, բայց իշխանությունը դրա մասին մտածելու փոխարեն շարունակում է զբաղվել քրեական գործեր թխելով: Մինասյանի փաստաբանները նրա դեմ բացված գործը քաղաքական մեղադրանք են համարում:

Խորհրդարանական ուժերը դիմում են իրավապահներին համացանցում բռնության սպառնալիք պարունակող գրառում արած մարդուն պատասխանատվության կանչելու պահանջով: Ատելության խոսքի հեղինակը ուսուցիչ է, որը կարծում է, թե վարչապետի հրաժարականը պահանջողներին պետք է մորթել:

Ի վերջո ի՞նչն է կանգնեցնելու կարմիր շոշափուկներով իդեալական կլոր ու անխոցելի թվացող թագավարակը: Աշխարհն ինչ ասես չի փորձում: Ֆրանսիայում քննարկում են ամենաանհավանական միֆ թվացող տարբերակն անգամ՝ նիկոտինով բուժումը: Դեռ ավելի խելքին մոտ է թվում ոչ թե դեղ, այլ պատվաստանյութ գտնելու հնարավորությունը, որովհետև առողջացած մարդկանց արյան պլազմայում հակամարմիններ կան, մնում է ճիշտ օգտագործել դրանք:

ՀՀ երկրորդ նախագահ Ռոբերտ Քոչարյանի պաշտպան Հովհաննես Խուդոյանը նոր միջնորդություն է ներկայացրել Երևան քաղաքի ընդհանուր իրավասության դատարան՝ խնդրելով վերացնել Ռոբերտ Քոչարյանի նկատմամբ ընտրված խափանման միջոց կալանավորումը։

Աշխարհում ամենաշատը կորոնավարակակիր ու մահվան դեպքեր կա Միացյալ նահանգներում: Հայլուրը բացառիկ կադրեր ունի Սուրբ Հովսեփի հիվանդանոցից, որտեղ վիրուսի դեմ պայքարում են ծայրահեղ ծանր վիճակում գտնվող մարդիկ:

Ամերիկայում աշխատանք փնտրողների բողոքի ցույցերը դեռ չավարտված, հիմա էլ մարդիկ փողոց են դուրս եկել հանուն անազատության մեջ գտնվողների: Միչիգանում կրքերը բորբոքվել են, երբ բանտում մահվան դեպքերը ավելացել են: Վաշինգտոնի բանտարկյալներն էլ նստացույց են անում:

Աշխարհում ամենաշատը վարակված երկրներից մեկը, մեր հարեւան Իրանը մեղմացնում է կարանտինային ռեժիմը, մարդիկ արդեն կարող են աշխատանքի գնալ: Բայց իրանցիները չափից շատ զգուշավոր են, իրանցի տաքսիստները բողոքում են, որ ուղեւոր չունեն։

Ամերիկայից ավելի լավ վիճակում է Եվրոպան: Իտալիայում, Իսպանիայում, Գերմանիայում մարդիկ հիմա կարող են նաեւ դուրս գալ գրախանութ: Չնայած Հին աշխարհում վիրուսի նահանջն էական չէ: Կարանտինային ռեժիմը ուրախացրել է միայն պորտուգալացիներին:

Կորոնավիրուսը հաղթահարած Քնարիկ Հարությունյանը հիվանդանոցից դուրս գրվելուց վայրկյաններ հետո, իր ծանր ապրումների մասին պատմել է մեր թղթակցին: Նա նաեւ, շատ հուզված, պատմել է բժիշկների տիտանական աշխատանքի մասին:

Ռուսաստանի արտգործնախարարի սկանդալային հայտարարությունը, թե բանակցությունների սեղանին խնդրի լուծման փուլային տարբերակն է դրված՝ պետք է հերքի կամ հաստատի վարչապետ Նիկոլ Փաշինյանը: Խորհրդարանական ընդդիմությունը սա համարում է հանրային պահանջ: Լուսավոր Հայաստանը եւ Բարգավաճ Հայաստանը բավարարված չեն մեր արտգործնախարարի կիսա-հերքումից: Իշխանական պատգամավորը շարուանում է պնդել, որ ն այսօր սեղանին ոչ մի փաստաթուղթ չկա: