Լրահոս

Ադրբեջանի հետ խաղաղության մասին Երևանի կառավարական շենքերից հնչող թեզերը ամեն անգամ ջարդվում են հենց սահմանի վրա: Արցախի օմբուդսմենը որպես ապացույց օրինակ է բերում հենց երեկվա միջադեպը: Արցախի Մաճկալաշեն գյուղից գերի ընկած 31-ամյա քաղաքացու ձեռքերն ու ոտքերը ադրբեջանցիները կապել են: Ձեռքով, ոտքով, փայտով խփել: Երիտասարդը հոգեկան շեղումներ ունի:

Ազգային ժողովի ընտրություններից հետո պատերազմում պարտված իշխանության առաջին քայլերից մեկը կլինի  նույն այդ պատերազմի հանգամանքները քննող խորհրդարանական հանձնաժողով ստեղծելը: Ինչո՞ւ է հենց նման որոշում կայացվել, եթե ամիսներ շարունակ Նիկոլ Փաշինյանի թիմը մերժում էր  44-օրյա պատերազմում պարտության պատճառները պարզելու ընդդիմության բոլոր առաջարկները:

Կառավարության դիմաց օգտագործված գործիքներ վաճառողներն այսօր բողոքի ակցիա են արել և հանդիպում պահանջել Նիկոլ Փաշինյանի հետ: «Մենք ենթարկվում ենք Փաշինյանի խոսքին, ուրիշ ոչ ոքի պրիզնատ չենք գալիս»,- հայտարարել են առևտրականները, որոնց մեկ ամիս առաջ կենտրոնի թաղապետարանը արգելել է «Դինամո» մարզահամալիրի տարածքում առևտրով զբաղվել: Բողոքավորների խոսքով՝՝՝ այդ տարածքում 120 առևտրական էր աշխատում:

Ռուս խաղաղապահները Մարտակերտի շրջանի Սրխավենդ գյուղում խրամատ են փորել: Խաղաղապահ զորակազմի սպաները զինծառայողներին մարտավարական գործողությունների են պատրաստում: Սովորեցնում են տարբեր քողարկումների միջոցով մանևրել տեղանքում, անհրաժեշտության դեպքում՝ դուրս գալ տեղակայման վայրից:  Սրխավենդի ուսումնական կենտրոնում ռուս սպաները ցուցադրում են, թե ինչպես են գործնականում  ապահովում Լեռնային Ղարաբաղի անվտանգությունը, կանխում հրադադարի հնարավոր խախտումները՝ շփման գծի ողջ երկայնքով:

Ադրբեջանը Սյունիքում կտրուկ գործողությունների չի գնում իրանական գործոնի պատճառով: Հայ փորձագետները կարծում են, որ Թեհրանը զսպաշապիկ է թուրք-ադրբեջանական տանդեմի համար:

Հաշվի առնելով հետընտրական շրջանում Արցախի շուրջ ստեղծված իրավիճակը, Արցախին առնչվող բազմաթիվ նոր խնդիրները և մարտահրավերները՝ անվտանգայինից մինչև սոցիալական, մշակութայինից մինչև տնտեսական, ճիշտ եմ համարում ԱԺ մշտական հանձնաժողովների շարքում ստեղծել Արցախի հարցերով մշտական հանձնաժողով։

Լեռնային Ղարաբաղի` այժմ Բաքվի վերահսկողության տակ գտնվող Ջրականի (Ջաբրայիլ) շրջանում  հակահետևակային ականի պայթյունի հետևանքով ադրբեջանցի է վիրավորվել:

Մայրաքաղաքում այսօր, հուլիսի 29-ին, 31-ին, օգոստոսի 1-ին՝ երեկոյան ժամերին, հուլիսի 28-ին ժամանակ առ ժամանակ սպասվում են անձրև և ամպրոպ, ամպրոպի ժամանակ հնարավոր է քամու ուժգնացում 18-20մ/վ արագությամբ: Հուլիսի 30-ին սպասվում է առանց տեղումների եղանակ։

Պաշտոնական Երևանը հակադարձում է Ադրբեջանի արտգործնախարար Ջեյհուն Բայրամովին՝ շեշտելով, որ 2020 թ. նոյեմբերի 9-ի և 2021 թ. հունվարի 11-ի՝ Հայաստան-Ռուսաստան-Ադրբեջան ձևաչափով ընդունված հայտարարությունների ամբողջական կատարմանը խոչընդոտում է ոչ թե Հայաստանը, այլ Ադրբեջանը:

Պատերազմական գործողությունների ընթացքում զոհված և անհետ կորած համարվող զինծառայողների աճյունների որոնողական աշխատանքները հուլիսի 27-ին փրկարարական մեկ ջոկատով իրականացվում են Մարտակերտի շրջանի՝ Մատաղիսի ուղղությամբ, որը գտնվում է Ադրբեջանի վերահսկողության ներքո:

ՀՀ քննչական կոմիտեի զինվորական քննչական գլխավոր վարչության կայազորային վարչությունում ՀՀ քրեական օրենսգրքի 360.1-րդ հոդվածի 2-րդ մասի 3-րդ կետով հարուցված քրեական գործով կատարված նախաքննությամբ պարզվել է, որ 2021թ. հուլիսի 26-ին՝ ժամը 22։26-ի սահմաններում, ՊԲ N զորամասի պարտադիր ժամկետային զինծառայող Սարգիս Ժիրայրի Գրիգորյանը կրակային դիրքում իրեն ամրակցված ԱԿ տեսակի ինքնաձիգից ինքն իրեն կրծքավանդակի ձախ շրջանում արձակել է մենահատ կրակոց և ստացել մահացու հրազենային վնասվածք:

Իտալիան՝ հետեւելով Ֆրանսիայի օրինակին նույնպես գնում է սահմանափակումների ճանապարհով, ինչը իտալացիների սրտով չէ: Նրանք փողոց են դուրս եկել՝ ընդդեմ կանաչ անձնագրի: Իտալացիները կարծում են, որ իշխանությունը խտրականություն է դնում վակցինացվածների եւ չվակցինացվածներից մեջ, ինչը մարդու իրավունքների խախտում է:

Տնտեսական շահը կարող է թուլացնել Արեւմուտք-Ռուսաստան հարաբերությունների լարվածությունը եւ Ուկրաինայի հարցով վերանայման առիթ դառնալ: Ռուսական գազը Եվրոպա կհասնի առանց ուկրաինական տարածք մտնելու, ինչից ֆինանսական մեծ կորուստ է կրելուԿիեւը:

Քաջարանի քաղաքապետի՝ կալանավորման դեմ բողոքի քննությունն անցել է առանց փաստաբանների ներկայության: Մանվել Փարամազյանի պաշտպանները ի նշան դատավոր Արմեն Դանիելյանի դեմ բողոքի լքել են նիստերի դահլիճը: Նրանք չեն վստահում դատավորին, որը մերժել է ՝ իրենց ինքնաբացարկի միջնորդությունը: Արմեն Դանիելյան տարիներ շարունակ վատագույն դատավարն է ճանաչվում, որ իշԽանության ցանկացած պատվեր կատարում է:

Կալիֆորնիայում եկ շաբաթ առաջ բռնկված անտառային հրդեհները սպառնում են դառնալ Միացյալ նահանգների պատմության մեջ ամենախոշորը: Երկր արեւմտյան ափում մոլեգնած Դիքսին՝ Մոնտանայի Թռչող կրակներին է միացել այրելով 70 հազար հեկտարից ավելի տարածք: