Լրահոս

Վլադիմիր Պուտինը զանգահարել է Ռեջեփ Թայիփ Էրդողանին՝ հաստատելու, որ Մոսկվան կշարունակի օգնել Անկարային՝՝՝ անտառային հրդեհների դեմ պայքարում: Ռուսաստանը արդեն հինգ Իլ-76 ինքնաթիռ և երեք Մի-8 ուղղաթիռ է ուղարկել Թուրքիա: Հրդեհների շուրջ 100 օջախներից 80-նն արդեն մեկուսացրել են: Էրդողանը տուժած շրջանները հայտարարել է աղետի գոտի:

Բաքվի դատարանում հայ գերին հուզված խնդրել է իրեն արդարացնել, որովհետև տանը հիվանդ մայր ունի, որի խնամակալը ինքն է, բայց դատավորը 15 տարվա ազատազրկման է դատապարտել նրան:

«Սահման», «շփման գիծ» այս բառերն է օգտագործում մեր երկրի պաշտպանական գերատեսչությունը՝ բնորշելու համար այն գիծը, որ հիմա կա հայկական ստորաբաժանումների ու մեր երկիր ներխուժած և արդեն 2,5 ամիս մեր հողերն օկուպացնող թշնամական զորքի միջև:

Գեղարքունիքում շաբաթասկզբի հայ-ադրբեջանական էսկալացիայի, Արարտում դրան հաջորդած ու նախորդած փոխհրաձգությունների հետ գրեթե միառժամանակ թշնամին կրակել է նաև Սյունիքի ուղղությամբ: Սյունիքի, ուր առաջինը ոտք դրեցին ադրբեջանցիները մայիսի 12-ին, երբ 250 հոգանոց խմբով օկուպացրին Հայաստանի սահմանային որոշ հատվածներ:

Արծվիկ Մինասյանի խոսքով, «Հայաստան» դաշինքի օրակարգը չի փոխվել։ «Մեր խնդիրն է օգտագործել լծակները եւ բոլոր ուղղություններով կատարել քայլեր, որ այս իշխանությունը դադարի իշխանություն լինելուց», - ասում է նա։

Թուրքիայում կրակը երկինք է հասնում: Անտառային հրդեհների դեմ առնելու համար այդ երկիրը մոբոլիզացրել է բոլոր ուժերը: Թուրքական 42 շրջաններ է հասել կրակը: Դրանցից 27-ից տարհանել են բնակիչներին: Աղետի գոտում այրվել է տների մոտ 80 տոկոսը:

Պատերազմում մեր պարտությունից հետո հաճախ հայհոյախոսության թիրախ դարձող քայլականները այսօր կողմ են քվեարկել հայհոյանքը քրեականացնող օրինագծին: Իսկ ի՞նչն է հայհոյանք համարվում, ըստ օրենքի: Կապիտուլյանտը, անհայրենիքն ու Լենա Նազարյանի ասած՝ իդիոտկան, հայհոյանք են, թե՝ ո՞չ: Քայլական նախկին գործընկերներին հարցրել է Սոֆյա Հովսեփյանը:

ՀՀ ԱԺ պատգամավոր Թագուհի Թովմասյանը, անդրադառնալով անձին «ծանր վիրավորանք» հասցնելու՝ հայհոյելու կամ արժանապատվությունն այլ ծայրահեղ անպարկեշտ եղանակով վիրավորելու համար իշխանությունների կողմից նախաձեռնված պատժի խստացմանը, նշել է, որ իշխանությունը իրականում իմիտացիա է անում, թե իր համար անընդունելի է հայհոյանքը. «Նույն իշխանությունը և հայհոյում է, նույն իշխանության ներկայացուցիչները աշխատացնում են ֆեյք ակումբներ և այդ ֆեյքերով գրում են բացառապես հայհոյանքներ»:

Հայաստանի սահմաններում Ադրբեջանական զինուժի սադրանքների ֆոնին մեր պաշտպանական գերչատեսչությունը պատրաստվում է պահեստազորի եռամսյա հավաք կազմակերպել: Սեպտեմբերից դեկտեմբեր մոտ 900 պահեստազորային կմասնակցի վարժանքներին, որոնց արդյունավետությանը այդքան էլ չի հավատում «Ողջ մնալու արվեստը» հասարակական կազմակերպության ղեկավար Վովա Վարդանովը:

Առաջիկայում Մոսկվայում սպասվող «բավականաչափ ծանր» բանակցությունների մասին են այսօր հայտարարել Հայաստանի խորհրդարանում: Անկախ պատգամավոր Նաիրա Զոհրաբյանը մտավախություն ունի, որ կրկնվի 44-օրյա պատերազմից առաջ ու հետոյի իրավիճակը, երբ որևէ մեկը ոչինչ չգիտեր տեղի ունեցող իրադարձությունների մասին: Նա առաջարկել է խորհրդարան հրավիրել Նիկոլ Փաշինյանին և քննարկել իրավիճակը:

Գեղարքունիքի սահմանամերձ դարձած գյուղերի բնակիչներն են ամբողջ գիշեր ոտքի վրա եղել: Ադրբեջանական հետախուզական ԱԹՍ-ները սահմանի այդ կողմից փորձել են մտել Հայաստանի օդային տարածք: Դրանցից մեկը խոցել է մեր ՀՕՊ-ը: Իսրայելական «ԱէՐՈ-Ստար» անօդաչուն, ըստ պաշտպանության նախարարության, ընկել է Վանևան գյուղից 3 ու կես կիլոմետր դեպի հյուսիս:

2021 թվականի խորհրդարանական ընտրություններում «պողպատե մանդատ» ստացած իշխանությունն անցել է մարդու հիմնարար իրավունքների ու ազատությունների, ազատ խոսքի՝ բառի բուն իմաստով «պողպատյա» արգելքներ սահմանելու անընդունելի ու անթույլատրելի պրակտիկային։ Իր լիազորություններն ավարտող խորհրդարանն աշխատանքային վերջին օրը հապճեպ փոփոխություններ կատարեց մի շարք օրենքներում, որոնց իմաստը պաշտոնյաներին ուղղված հայհոյանքի քրեականացումն ու դրա համար նախատեսված անբնական տուգանքների սահմանումն է: