Լրահոս

Մոսկվայում Փաշինյանը շեշտել է, որ Լեռնային Ղարաբաղի հակամարտությունը լուծված չէ և այդ հարցի լուծման գործում Ռուսաստանը առանցքային դեր ունի: Դաշնության նախագահը քայլերը համաձայնեցնելու մասին է ասել, նաև հիշեցրել է, որ առաջիկայում տեղի է ունենալու ԱՊՀ գագաթնաժողովը:

Փաշինյան-Պուտին հանդիպումից մեծ ակնկալիքներ պետք չէ ունենալ: Անկախ վերլուծաբանները միաձայն պնդում են, որ Հայաստանը վերածվել է տարանցիկ գոտու: Մեզ հետ չեն բանակցում, այլ պարզապես տեղեկացնում են սպասվելիք իրադարձությունների մասին:

12 հոկտեմբերի 2020, օր 16-րդ Որքա՞ ն էր թեժացել իրավիճակը, ինչ անդառնալի կորուստների առջև էր կանգնած հայկական կողմը, որ Փաշինյանն այդ օրը որոշեց հանդիպել ոչ միայն Հայաստանում հավատարմագրված դիվանագիտական կորպուսի, այլ նույնիսկ արտախորհրդարանական ուժերի հետ:

Ալեն Սիմոնյանը հայտարարել է, որ տեղեկություն ունի Ադրբեջանում պահվող հայ կին գերու մասին: Նա ցավում է, որ Ադրբեջանը չի հաստատում այդ տեղեկությունը: Իսկ բոլոր գերիները, ըստ Սիմոնյանի, կվերադառնան, երբ թշնամու հետ ապաշրջափակվեն ճանապարհները:

Հայտնում ենք Ձեզ, որ Արցախյան 44-օրյա պատերազմի տարելիցի հետ կապված, Հայաստանի Հանրապետական կուսակցության Երևանի երիտասարդական կազմակերպությունը (Երևանի խորհուրդ) կազմակերպում է ստորագրահավաք՝ Երևան քաղաքում Շուշիի փողոց անվանակոչելու պահանջով:

Դատավոր Աննա Դանիբեկյանը չի թույլատրել «Հայաստան» խմբակցության պատգամավոր Արմեն Գևորգյանին բյուջե վերադարձնել մոտ 405 հազար դրամը, որ պատգամավորի հաշվին Ազգային ժողովն էր փոխանցել, որպեսզի նա մասնակցի ԵԽԽՎ աշնանային նստաշրջանին:

Ռուսաստանի նախագահ Վլադիմիր Պուտինի եւ Հայաստանի վարչապետ Նիկոլ Փաշինյանի բանակցությունների ձեւաչափը ենթադրում է զրույց եւ աշխատանքային ճաշ: Այդ մասին լրագրողներին հայտարարել է ՌԴ-ի նախագահի մամուլի քարտուղար Դմիտրի Պեսկովը։

Քիչ առաջ ողբերգական դեպք է տեղի ունեցել Երևանում։ Ժամը 16։00-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել Երևանի 1-03 շտապօգնության բժիշկների հերթապահ խմբից, ովքեր հայտնել են, որ կանչով մեկնել են Մալաթիա-Սեբաստիա վարչական շրջանի Սեբաստիա 141/5 հասցեում գործող «Երևան սիթի» սուպերմարկետ, որտեղ վերելակի մոտ հայտնաբերել են տղամարդու դի։

«Հայաստան» դաշինքից Արթուր Ղազինյանը յոթերոդ անգամ չի ընտրվել Պաշտպանության և անվտանգության հանձնաժողովի փոխնախագահ: Ընդդիմադիրները նիստին չեն մասնակցել:

Անհայտ տղամարդը կրակ է բացել անցորդների ուղղությամբ Կիևի արվարձանում, ինչի հետևանքով 27-ամյա տղամարդ է ոտքից վիրավորվել: Այս մասին հայտնում է ՏԱՍՍ գործակալությունը՝ հղում անելով ոստիկանության հաղորդագրությանը:

Աբովյանի գիշերօթիկ դպրոցում ապաստանած արցախցիներին երեք ամիս ժամանակ են տվել դպրոցի շենքը լքելու համար։ Աշխատանքի և սոցիալական հարցերի նախարարությունից այսօր ասել են, որ եթե հիմա դուրս գան, ապա 4 ամիս կստանան 68 հազար դրամ, եթե մինչև հունվար մնան պետությունը կացության համար չի վճարի։ Ի դեպ, այս ձմեռ գիշերօթիկը չեն ջեռուցելու։

«Եթե Փաշինյանը Մոսկվայից վերադառնա մեզ համար նվազագույն կորուստներով, դա արդեն հաջողություն է»,- ասում է քաղաքագետ Երվանդ Բոզոյանը: Քաղաքագետը մեծ սպասելիքներ չունի Փաշինյան-Պուտին այսօրվա հանդիպումից:

Առողջապահության նախարարությունը օրենքի նախագիծ է մշակում, որով ժամանցի վայրեր մտնելու համար պետք կլինի պարտադիր պատվաստում կամ ՊՇՌ թեստի բացասական պատասխան:

Հայաստանի մարդու իրավունքների պաշտպանը պարզել է, որ Ադրբեջանի զինված ուժերը ներխուժել են Սյունիք դեռ պատերազմի ժամանակ՝ նախորդ տարվա հոկտեմբերին: Թաթոյանը քարտեզի վրա ցույց է տվել այն հատվածները, որտեղ ադրբեջանցիները սահմանն ապօրինի հատելով առաջ են եկել: Խոսքը մասնավորապես Սյունիքի մարզի Կապան համայնքի Ծավ գյուղի սահմանային հատվածի մասին է:

Ամենայն հայոց կաթողիկոս Գարեգին Երկրորդը կարծում է, որ Հայաստանը դժվարին ժամանակները կհաղթահարի Ռուսաստանի և Ռուս ուղղափառ եկեղեցու աջակցությամբ: ՌԻԱ Նովոստիի փոխանցմամբ ՝ այս մասին կաթողիկոսն ասել է Մոսկվայի և Համայն Ռուսիո պատրիարք Կիրիլի հետ հանդիպմանը։

ՀՀ ոստիկանությունում 2021թ. հոկտեմբերի 12-ին, ժամը 01:43-ին, քաղաքացուց ահազանգ է ստացվել այն մասին, որ Երևան քաղաքի Հաղթանակ թաղամասի Ամառանոցային փողոցում գտնվող տներից մեկի հյուրին ավտոմեքենան կայանելու համար դանակահարել են:

Վարչապետի մամուլի խոսնակը տեղեկացնում է, որ Նիկոլ Փաշինյանն աշխատանքային այցով ժամանել է ՌԴ։ Հիշեցնենք, որ այսօր Մոսկվայում նախատեսված է Փաշինյան-Պուտին հանդիպումը։