Լրահոս

Սյունիքում կառուցված այլընտրանքային ճանապարհները իրանական բեռնատարների համար հարմար տարբերակներ չեն և չի բացառվում, որ Թեհրանն ու Բաքուն առաջիկայում համաձայնության գան և իրանական բեռնատարները նորից անցնեն Գորիս-Կապանի՝ Ադրբեջանին հանձնված հատվածով:

Երևանը վաղը կարող է նոր քաղաքապետ ունենալ: Հայկ Մարությանը, որ մինչև այս պահը որևէ կերպ չի մեկնաբանել իրեն պաշտոնանկ անելու ՔՊ-ականների որոշումը, խոստացել է վաղը խախտել լռության ուխտն ու դիմել երևանցիներին:

Այսօր հրապարակվել են կադրեր, թե ինչպես է Հայաստանը ռուս սահմանապահների միջնորդությամբ Բաքվին հանձնում երկու ադրբեջանցներին, որոնց մեր զինծառայողները գերեվարել էին Սյունիքի Ծղուկ գյուղի մարտական դիրքերում:

Հյուսիսային Կորեայի քաղաքացիներին արգելել են ծիծաղել, քանի որ առաջնորդներից Կիմ Չեն Իրի մահվան 10-րդ տարելիցի կապակցությամբ 11-օրյա սուգ է հայտարարված: Արգելվում է նաև տարեդարձներ նշել, ալկոհոլ օգտագործել:

«Օմիկրոնը» սպառնում է Եվրոպայում առողջապահական նոր ճգնաժամ առաջացնել: Մասնագետները կանխատեսում են, որ առաջիկա 2 ամսում օմիկրոնը կդառնա եվրոպական տարածաշրջանի ամենատարածված շտամը:

Մինչ Երևանը հայտարարում է, որ Թուրքիայի հետ հարաբերությունները կարգավորելու գործընթացում Ռուբեն Ռուբինյանն է ներկայացնելու Հայաստանը, Անկարայից հաջորդ քայլերի ու Քըլըչ-Ռուբինյան մոտ ապագայում սպասվող հանդիպման մասին են հայտնում: Փորձագետներին անհանգստացնում է Թուրքիայի շտապողականությունը: Անկարան երբեք չի հայտարարել, որ պատրաստ է հրաժարվել իր նախապայմաններից ու բանակցությունների է ուղարկում մի դիվանագետի, որը Հայաստանի անունից բանակցողի տարիքի չափ փորձառություն ունի:

Նոր ձևավորված ավագանիներում հետընտրական կրքերը չեն հանդարտվում: Ըստ ընդդիմության՝ բռնաճնշումները հասել են Թալին: Խոշորացված համայնքի ավագանու ընդդիմադիր երեք ուժերը բողոքարկում են՝ համայնքապետի ընտրության արդյունքը: Ըստ նրանց՝ ՔՊ-ական Տավրոս Սափեյանը սպառնալիքներով է ընտրվել:

Թուրքական լիրան 6 ամսում 50 տոկոսով արժեզրկվել է: Սա պատմական անկում են անվանում Անկարայում: Վերջին 20 տարում թուրքական արժույթն այսքան էժան չի եղել: Էրդողանը, սակայն, վստահ է, որ իր տնտեսական քաղաքականությունը շարունակվում է այնպես, ինչպես նախատեսել են:

Քանի որ պատերազմները չեն ավարտվում, կարևոր է, որ մարդիկ սովորեն սիրել կյանքը՝ անկախ իրավիճակից՝ բոլոր դժբախտ և ուրախ օրերով: Լույս է տեսել Հովիկ Աֆյանի 4-րդ գիրքը՝ «Քաղցր կյանքը»: Վեպն այն մասին է, թե ինչ կարող է լինել մի քաղաքում, որտեղ գերեզմանները տներից շատ են:

Ադրբեջանցի զինվորները Գորիս-Կապանի 21 կմ-ոց ճանապարհին են հայտնվել՝ գրավոր պայմանավորվածության փաստաթղթի հիման վրա: Այդ տեղեկությունը հայտնել է գլխավոր շտաբը՝ ըստ էության հերքելով Նիկոլ Փաշինյանի ավելի վաղ ասածը, թե բանավոր պայմանավորվածության արդյունքում են ադրբեջանցիները հայտնվել Սյունիքում:

Պաշտպանության նախարարությունը ո՛չ հերքում, ո՛չ հաստատում է Ծղուկ գյուղի դիրքերում երկու ադրբեջանցու գերեվարման մասին լուրը:

Չի բացառվում, որ թուրքական 3+3 պրոեկտի հաջորդ հավաքը Թուրքիայում լինի: Այդ երկրի արտգործնախարարն է ակնարկել դրա մասին: Չավուշօղլուն հույս ունի, որ այդ դեպքում Վրաստանն էլ կմասնակցի հանդիպմանը ու ֆորմատն ամբողջական կլինի՝ մի կողմից՝ Ադրբեջանը, Հայաստանը և Վրաստանը, մյուս կողմից՝ Ռուսաստանը, Թուրքիան ու Իրանը:

Դամմի մականունով հայտնի փոքրիկ ֆուտբոլիստի աստղային անունը թարգմանաբար նշանակում է ծծակ: Պատճառն այն է, որ փոքրիկ արգենտինացին առանց ծծակի խաղադաշտ դուրս չի գալիս:

Տոնական տրամադրությունը բարձր պահելու համար այս տարի Սանտա Կլաուսը նվերներ է տարել Պերուի կորոնահիվանդանոց:

Մահվան սպառնալիք՝ կյանքի ճանապարհին: Հայերին գլխատող Ադրբեջանը սպառնում է կտրել հայերի ոտքը՝ Արցախից: Ալիևի մաքսային հավակնությունները՝ Լաչինում: Ադրբեջանն ուզում է Հայաստանը միջանցք դարձնել՝ Թուրքիա գնալու համար: Փաշինյանը «դուխով» պատասխանում է, բայց միայն ֆեյսբուքում:

«Բայրաքթարից» հետո Թուրքիան բանագնաց կուղարկի Հայաստան: Որպես «իսկական գայլ»՝ հայտնի թուրք դիվանագետը կխոսի Երևանի հետ: Սպիտակ թղթով «թուրքական դիվերսիա»՝ Հայաստանի Ազգային ժողովում: Նախկին ԱԳ նախարարներն արձանագրում են՝ շահեր ունենք, բայց «շահելու բան չունենք»:

«Թուրք տղայի հաղթարշավը»՝ հայկական շուկայում: Պահեստազորի փոխգնդապետին կոշիկ են վաճառել, վրան գրված՝ «զաֆար թուրքօղլու»: Հայ առևտրականը վստահ է՝ թուրքը բարեկամ է, «բարիշել» պետք է:

Հայ-թուրքական հարաբերություններում ոչ մի քայլ առանց Բաքվի իմացության ու համաձայնության: Այսպես է պատկերացնում տարածաշրջանային խաղաղությունը Թուրքիայի իշախանությունը:

Լիրայի ռեկորդային արժեզրկումը ոգևորել է միայն Թուրքիայում հայտնված զբոսաշրջիկներին: Նրանք թուրքական շուկաները սրբում են:

Ռուսաստանը ՆԱՏՕ-ին և ԱՄՆ-ին առաջարկել է հարաբերությունները սկսել մաքուր էջից: Մոսկվայում կարծում են, որ անհրաժեշտ է պաշտոնապես հրաժարվել 2008թ. Բուխարեստի գագաթնաժողովի որոշումից, որով Ուկրաինան և Վրաստանը դառնալու են ՆԱՏՕ-ի անդամ։