Լրահոս

ՀՀ սննդամթերքի անվտանգության տեսչական մարմնի Երևանի կենտրոնի տեսուչները  ստուգում են անցկացրել  «Գոլդեն Չոյս» ՍՊԸ-ին պատկանող մսամթերքի արտադրությունում (ք․ Երևան), որի ընթացքում առկա արտադրատեսակներից կատարվել է նմուշառում և ներկայացվել լաբորատոր փորձաքննության:

Այսօր՝ նոյեմբերի 28-ին, արտակարգ դեպք է տեղի ունեցել Երևանում։ Ժամը 14։00-ի սահմաններում Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն ահազանգ է ստացվել, որ Նար Դոսի փողոցի թիվ 20 հասցեում գործող «Պարտեզ» հյուրանոցային համալիրում օտարերկրացին հյուրանոցի աշխատակցին պայուսակ է փոխանցել, որի մեջ, հավանաբար հնարավոր է՝ պայթուցիկ սարք լինի։

Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել Է, որ ՆԱՏՕ-ն չի ստեղծվել Խաղաղ օվկիանոսում գործողությունների համար, քանի որ Հյուսիսատլանտյան դաշինք Է: Այս մասին հաղորդում է «Արմենպրես»-ը՝ վկայակոչելով Political Lore պարբերականին:

Վերջապես լավ նորություն հայ թատերական աշխարհի համար:

Նոյեմբերի 27-ին ոստիկանության Տարոնի բաժին էր դիմել Վանաձոր քաղաքի 67-ամյա մի բնակիչ և հայտնել էր, որ ժամը 16.30-ից 18.00-ն ընկած ժամանակահատվածում, օգտվելով դուռը բաց լինելու հանգամանքից, փախցրել են Նարեկացու փողոցում կայանված իր «Օպել Աստրա» մակնիշի մեքենան:

Խորհրդարանի «Հայաստան» խմբակցության ղեկավար Սեյրան Օհանյանը ՀԱՊԿ առաջակությունների մանրամասները չգիտի: Այսօր նա լրատվամիջոցներին ասել է, որ ինչ էլ լինի, Հայաստանի իշխանությունը չպետք է ձեռքերը ծալած նստի ու սպասի, որ ՀԱՊԿ անդամ որևէ պետության զինվոր գա ու պաշտպանի երկրի սահմանները:

Հնդկական զենքի մասին բացառիկ մանրամասներ է այսօր լրագրողներին պատմել Հնդկաստանում Հայաստանի դեսպանը: Յուրի Բաբախանյանի խոսքով՝ Ատագսների, Պինակաների ու Ակաշների՝ Հայաստան հասնելու ժամկետը գաղտնիք է, բայց ռազմական համագործակցությունը խորացնելու շատ հնարավորություններ կան: Նաև այդ պոտենցիալը բացահայտելու համար է կազմակերպվել հայ-հնդկական առաջին գիտաժողովը:

Կենսաբանական և թունավոր զենքի արգելման կոնվենցիայի անդամ պետությունների՝ նոյեմբերի 28-ին Ժնևում բացվող 9-դ խորհրդաժողովի ընթացքում առաջիկա երեք շաբաթվա ընթացքում կքննարկվի այդ փաստաթղթի իրականացման ընթացքը և կմշակվեն որոշումների և հանձնարարականների նախագծեր դրա հետագա կատարելագործման համար: Այս մասին հաղորդում է «Արմենպրես»-ը՝ վկայակոչելով ՏԱՍՍ գործակալությանը:

Զինվորի տանն աղոթատեղի է հիմնվել: Բայց երկնային հրաշքը բժիշկների միջոցով է պատերազմից վերքերով վերադարձած տղաներին հասնում: Դրա համար աղոթելուց բացի նաև վերազինվում է Զինվորի տունը: Հիմա արդեն ասեղնաբուժության նոր, մեծ սրահ կա այնտեղ:

Նոյեմբերի 21-28-ն ընկած ժամանակահատվածում Արցախի ԱԻ պետական ծառայության կենտրոնական ու տարածքային ստորաբաժանումների 911 ճգնաժամային կառավարման կենտրոններում գրանցվել է 982 զանգ, որից 27-ը՝ տեխնածին, 19-ը՝ կենցաղային բնույթի կանչեր են:

Հանրապետության նախագահ Վահագն Խաչատուրյանի մասնակցությամբ նախագահական նստավայրում տեղի  է ունեցել Հակակոռուպցիոն դատարանի դատավոր Լիլի Դրմեյանի երդման արարողությունը:

Ուկրաինայի նախագահ Վլադիմիր Զելենսկին, նկատի ունենալով լույսի, ջրի անջատումները, հայտարարել է, որ ուկրաինացիներին ծանր շաբաթ է սպասվում: Միևնույն ժամանակ, նա նշել է, որ ուկրաինական շրջանների մեծ մասում արդեն վերականգնվել են էլեկտրաէներգիայի մատակարարումները: Ուկրաինացիները հիմա խմբերով տաքանում են այն տներում, որոնք անլույս չեն:

Նոյեմբերի 21-ից 27-ն ԱԻՆ ՓԾ ճգնաժամային կառավարման ազգային կենտրոնում գրանցվել է 473 դեպք, որից 212-ը արտակարգ, այդ թվում՝ 135 հրդեհի, 1 փլուզման, 13 ինքնասպանության փորձի դեպք, 60 ճանապարհատրանսպորտային պատահար, ինչպես նաև՝ 159 կենցաղային կանչ. տուժել է 133 մարդ։

Նոյեմբերի 28-ից դեկտեմբերի 3-ը Ռաբաթում (Մարոկկոյի Թագավորություն) կանցկացվի ՅՈՒՆԵՍԿՕ-ի ոչ նյութական մշակութային ժառանգության պահպանության հարցերով միջկառավարական կոմիտեի 17-րդ նստաշրջանը: Այս մասին տեղեկացնում են ԿԳՄՍ նախարարությունից:

Վրաստանի նախկին նախագահ Միխեիլ Սաակաշվիլիի բժշկական հետազոտության արդյունքում նրա օրգանիզմում մկնդեղ է հայտնաբերվել։ «Tert.am»-ի փոխանցմամբ՝ այս մասին նոյեմբերի 28-ին լրագրողներին հայտնել է քաղաքական գործչի փաստաբան Շալվա Խաչապուրիձեն։

ՀՀ աշխատանքի և սոցիալական հարցերի նախարարի մամուլի խոսնակ Զառա Մանուչարյան Ֆեյսբուքի իր էջի գրառմամբ տեղեկացնում է, որ պայմանավորված եկամտի ավելացմամբ (օրինակ՝ աշխատավարձ, կենսաթոշակ կամ ամսական պարբերականությամբ վճարվող որևէ այլ եկամուտ) քաղաքացին կարող է դուրս մնալ անապահովության գնահատման համակարգից․ ընթացակարգը նոր չէ, գործում է համակարգի ներդրման պահից։

Նոյեմբերի 28-ին ՀՀ պաշտպանության նախարար Սուրեն Պապիկյանի գլխավորությամբ անցկացվել է աշխատանքային խորհրդակցություն, որին մասնակցել է ՀՀ ՊՆ, ԶՈՒ և ԶՈՒ ԳՇ ղեկավար կազմը, բանակային զորամիավորումների հրամանատարական կազմը:

Նիկոլի անձնական օգտագործման դեսպան աշխատող Էդմոն Մարուքյանն այսօր Թվիտերում հիմնավորել է, թե ինչու «Լեռնային Ղարաբաղ» եզրույթը պիտի շարունակել օգտագործել։

Քաղաքական գիտությունների դոկտոր, Մոսկվայի Միջազգային հարաբերությունների պետական համալսարանի (МГИМО) պրոֆեսոր Վիկտոր Սողոմոնյանը 2023 թվականի փետրվարին Երևանում դասընթացներ կանցկացնի:

Հայլուր 15։30 Պեմզաշենի սպանդի մեղադրյալի նկատմամբ դատահոգեբուժական փորձաքննություն է նշանակվել