Լրահոս

Այսօրվա գնահատմամբ՝ հանրապետության հովտային գոտում, այդ թվում Արարատյան դաշտում ամենացածր ջերմաստիճանը սպասվում է ապրիլի 1-ի լույս 2-ի գիշերն օդում՝ 0…-2 աստիճան, հողի մակերևույթին՝ -3…-4 աստիճան, որը կդիտվի լուսադեմին, ժամը 05։00-07։00 ընկած ժամանակահատվածում։

Պլացեբոն ակնհայտ բուժիչ հատկություններ չունեցող նյութ է, որը կարող է օգտագործվել որպես դեղամիջոց կամ քողարկել դեղամիջոցը: Նման դեղամիջոցի օգտագործման շնորհիվ բարելավման երևույթը կոչվում է պլացեբո էֆեկտ։ Այս ազդեցությունը կարելի է նկատել մի շարք հոգեկան հիվանդությունների, ցավային համախտանիշի, բրոնխիալ ասթմայի, Պարկինսոնի հիվանդության, գրգռված աղիքի համախտանիշի, սրտի կորոնար հիվանդության և զարկերակային հիպերտոնիայի դեպքում: Պլացեբոյի օգտագործման ազդեցությունն այնքան հուսալի չէ, որքան իրական դեղամիջոցների օգտագործման ազդեցությունը: Պլացեբոն՝ պայմանավորված պլացեբո էֆեկտով, կարող է հանգեցնել վիճակի որոշակի սուբյեկտիվ բարելավման, սակայն այն հազվադեպ է բուժում հիվանդությունը: Մարդը կարող է զգալ վիճակի բարելավում, ինչը պայմանավորված չէ այն հանգամանքով, որ հիվանդությունը «նահանջել է»։ Օրինակ, հիվանդը կարող է իրեն ավելի լավ զգալ հոմեոպաթիայի օգտագործման ֆոնի վրա, որը գործում է հենց պլացեբոյի էֆեկտի շնորհիվ: Պլացեբոյի օգտագործման պատմությունը կլինիկական բժշկության մեջ սկսվել է շատ վաղուց։ Բժիշկ Մատվեյ Մուդրովը, ով ապրել է 18-19-րդ դարերում, օգտագործում էր պարզ, ոսկու և արծաթի փոշիներ, որոնք մեղմացնում էին հիվանդների ցավը։ Միայն բժշկի մահից հետո պարզ դարձավ, որ աղացած կավիճը ծառայել է որպես այս փոշիների հիմնական բաղադրիչ։ Այսօր պլացեբոն օգտագործվում է տարբեր իրավիճակներում։ Նախ, պլացեբոները օգտագործվում են հիվանդի ցավը թեթևացնելու համար, երբ արդյունավետ դեղամիջոցներ չկան: Երկրորդ, այն նախատեսված է այն վիճակի հնարավոր բարելավման համար, երբ առկա դեղամիջոցի արդյունավետության վերաբերյալ վստահություն չկա: Երրորդ, այն օգտագործվում է անտեղյակությունից, օրինակ, երբ բժիշկը դեղ է նշանակում՝ համոզված լինելով դրա արդյունավետության մեջ, բայց դեղը չի գործում։ Երրորդ իրավիճակը ամենավտանգավորն է, քանի որ առաջին հայացքից անվտանգ թվացող դեղամիջոցները կարող են ունենալ թաքնված կողմնակի ազդեցություններ, որոնք նկատվում են երկար ժամանակ անց։ Պլացեբո էֆեկտի իրականացման գործում ներգրավված են մեծ թվով տարբեր նեյրոֆիզիոլոգիական մեխանիզմներ՝ էնդոկանաբինոիդ համակարգ, դոպամիներգիկ, էնդորֆին համակարգեր։ Հետաքրքիր է, որ պլացեբոն ավելի արդյունավետ է թվում, երբ կիրառվում է պարենտերալ ճանապարհով, օրինակ՝ կաթիլային կաթիլների միջոցով: Եթե ​​դեղամիջոցի ընդունումը զգայուն է հիվանդների նկատմամբ, ապա դրա ազդեցությունն ավելի բարձր է: Նույն միգրենով պլացեբոյի անալգետիկ ազդեցությունը 7%-ով ավելի բարձր է, եթե բժիշկը ներարկում է, և դեղը դեղահատի տեսքով չի առաջարկում: Պլացեբոն արդյունավետությամբ կարող է համեմատելի լինել այն հիվանդությունների դեպքում, որոնց կյանքի որակի նվազումը հիմնականում պայմանավորված է հոգեկան խանգարումներով և ցավով: Բայց մենք պետք է հիշենք, որ ֆիզիկական վիճակի նման բարելավումը միշտ չէ, որ թարգմանվում է ֆիզիոլոգիական պարամետրերի բարելավման: Օրինակ՝ պլացեբոյի էֆեկտը հայտնվել է Երկրորդ համաշխարհային պատերազմի ժամանակ։ Երբ դեղերը վերջացան, ռումբերից ցնցված զինվորներին մորֆինի անվան տակ աղի լուծույթ ներարկեցին, և դա նվազեցրեց ցավը։ Բայց միշտ չէ, որ պայմանավորված աղի լուծույթի գործողության մեխանիզմն ունի զուտ հոգեբանական հիմք: Օրինակ, մի շարք ուսումնասիրություններում գիտնականները, ցավը թեթևացնելու համար, նաև նյարդաթելերին բերել են ոչ թե ցավազրկողներ, այլ աղի լուծույթ։ Պարզվել է, որ աղի լուծույթը կարող է ինչ-որ կերպ ազդել նյարդաթելերի վրա, ինչպես նաև թեթևացնել ցավը։ Եթե ​​դեղամիջոցի հիմնական նպատակը ցավը թեթևացնելն է, ապա պլացեբոն կարող է աշխատել և հասնել ցանկալի արդյունքի: Պլացեբոն կարող է օգտագործվել ցավը թեթևացնելու համար, սակայն պլացեբոն դժվար թե բուժի հիվանդությունները: Օրինակ՝ հոմեոպաթիան, որը գործում է միայն պլացեբոյի էֆեկտի շնորհիվ, օգնում է բարելավել հիվանդության ընկալման հոգեբանական պատկերը, բայց դրա հետ մեկտեղ ոչ մի դեպքում չի կարելի խուսափել դրանից։

«Կրակոց՝ իր իսկ ոտքին». այսպես են նկարագրում քաղաքագետները Չինաստանի՝ Ռուսաստանի հետ հնարավոր ռազմական դաշինքի մեջ մտնելը: Պեկինը հայտարարել էր, որ պատրաստ է համագործակցել ռուսական բանակի հետ: Քաղաքագետները կարծում են՝ Չինաստանը այսպիսի հայտարարություն է արել ընդամենը Միացյալ Նահանգներին քաղաքական շանտաժի ենթարկելու համար:

Ազգային ժողովի «Հայաստան» խմբակցության պատգամավորներ Գեղամ Մանուկյանը, Աննա Գրիգորյանը, Արթուր Սարգսյանն ու Արթուր Խաչատրյանը ադրբեջանական ներխուժումից հետո իրավիճակը տեղում տեսնելու համար մեկնել են Գորիս՝ Տեղ գյուղ: Մանուկյանը քիչ առաջ ուղիղ եթերում է պատմել տեսածը:

Այսօր ավելի քան 3 ժամ Բելառուսի նախագահն իր ժողովրդին բացատրել է, որ անկախության կորստի շեմին է կանգնած իրենց երկիրը: Լուկաշենկոն ահազանգել է, թե ՆԱՏՕ-ականները Բելառուսը կործանելու համար հարձակում են նախապատրաստում իրենց դեմ: Լուկաշենկոն, ռուս-ուկրաինական պատերազմին անդրադառնալով, հայտարարել է, որ բոլոր հարցերը պետք է ու հնարավոր է լուծել բանակցությունների սեղանի շուրջ, ինչին ի պատասխան՝ Կրելմի խոսնակը վստահեցրել է, որ հատուկ օպերացիան հիմա միակ միջոցն է Ռուսաստանի համար իր առջև դրված նպատակներին հասնելու համար:

Արցախի տեղեկատվական շտաբը ներկայացրել է Արցախի կառավարության տեղեկագիրը 28-30.03.2023թ. դրությամբ։ Արցախի բոլոր բուժհաստատություններում պլանային վիրահատությունների դադարեցման պատճառով մոտ 980 քաղաքացի զրկվել է վիրահատվելու միջոցով առողջական խնդիրների լուծման հնարավորությունից։ Մինչ այսօր Կարմիր Խաչի միջազգային կոմիտեի միջնորդությամբ և ուղեկցությամբ Արցախից Հայաստան է տեղափոխվել 229 հիվանդ՝ համապատասխան բուժում ստանալու համար։ Ընդ որում՝ հնարավոր չէ հիվանդներին տեղափոխել պառկած վիճակում, քանի որ ադրբեջանական կողմը խոչընդոտում է Արցախի ռեանիմոբիլի շարժը, իսկ Կարմիր խաչը չունի ռեանիմոբիլ և սովորական մեքենաներով է իրականացնում հիվանդների տեղափոխությունը՝ բոլորը նստած վիճակում։ Շրջափակման հետևանքով իրենց տներ չեն կարողացել վերադառնալ ընդհանուր առմամբ շուրջ 3,900 անձինք, ներառյալ՝ 570 երեխա, որոնց մի մասն արդեն վերադարձել է տուն՝ Կարմիր խաչի և ՌԴ խաղաղապահների աջակցությամբ: Ստեփանակերտ-Գորիս մայրուղով ոչ մի քաղաքացի ազատորեն չի երթևեկել, և մարդկանց երկկողմանի տեղաշարժի դեպքերը նվազել են շուրջ 186 անգամով, եղածն էլ միայն Կարմիր խաչի ու ՌԴ խաղաղապահների աջակցությամբ (110 օրվա ընթացքում մարդկանց 269,500 -ի փոխարեն՝ 1,453 մուտք և ելք): Արգելափակված ճանապարհով Արցախի քաղաքացիների ոչ մի մեքենա չի անցել, իսկ Կարմիր խաչի և ռուս խաղաղապահների մեքենաների շարժը գրեթե 46 անգամ ավելի քիչ է եղել, քան պետք է լիներ առանց շրջափակման (110 օրվա ընթացքում 101,200-ի փոխարեն՝ 2,234 մեքենայի մուտք և ելք, այն էլ՝ միայն Կարմիր խաչի և ՌԴ խաղաղապահների կողմից): Շուրջ 12 անգամ ավելի քիչ կենսական նշանակության ապրանք է ներկրվել միայն Կարմիր խաչի և ռուս խաղաղապահների կողմից, քան իրականում պետք է լիներ առանց շրջափակման (110 օրվա ընթացքում մոտ 44,000 տոննայի փոխարեն՝ 3,823 տոննա): Շրջափակման ընթացքում Ադրբեջանը հանրագումարային 44 օր շարունակ լրիվությամբ կամ մասնակիորեն ընդհատել է Հայաստանից Արցախ գազամատակարարումը, իսկ էլեկտրամատակարարումը լրիվությամբ խափանված է արդեն 81 օր շարունակ: Դա հանգեցրել է օրական վեցժամյա հովհարային ու լրացուցիչ վթարային անջատումների և բազմաթիվ հիմնարկների գործունեության փակման կամ կրճատման: 782 տնտեսվարող սուբյեկտ (ընդհանուրի 18.3%-ը) շրջափակման պայմաններում աշխատելու անհնարինության պատճառով կասեցրել է իր գործունեությունը, իսկ մնացած տնտեսվարողները գործում են մասնակի ծավալով կամ պետական աջակցությամբ։ Շրջափակման և կենսական ենթակառուցվածքների խափանման պատճառով շրջափակման մեկնարկից առ այսօր փաստացի աշխատանքը և եկամտի աղբյուրը կորցրել է նախնական հաշվարկներով շուրջ 9,800 մարդ (ներառյալ՝ պետական աջակցությամբ աշխատատեղի ժամանակավոր պահպանման դեպքերը), որը մասնավոր հատվածում աշխատողների 50 տոկոսից ավելին է։ Դադարել են 32,6 կիլոմետր ճանապարհի, տասնյակ կիլոմետր ջրագծի, հազարավոր հեկտար հողատարածքների ոռոգման համակարգերի, 3,717 բնակարանների, ավելի քան 40 սոցիալական և արտադրական ենթակառուցվածքների շինարարական աշխատանքները։ Շրջափակման ընթացքում Արցախի Հանրապետության տնտեսությանը հասցվել է շուրջ 210 մլն ԱՄՆ դոլարի վնաս՝ հանգեցնելով մոտ 23 տոկոսի չափով ՀՆԱ-ի կանխատեսված տարեկան ցուցանիշի (903 մլն դոլար) չապահովմանը:

Ֆրանսիացիների հայամետ դիրքորոշումից գրգռվող Ադրբեջանը վտանգավոր է համարում նաև հայ-իրանական եղբայրությունը: Այդ երկրի գերատեսչությունները մեկը մյուսին հերթ չտալով հայտարարում են, թե Հայաստան-Իրան դաշնակցությունն է պատճառը, որ Թեհրանը խոսում է Հայաստանի սահմանների անփոփոխելիության մասին: Այս ֆոնին՝ Իրանը պատրաստվում է փոխել Հայաստանում իր դեսպանին: Ոչ պաշտոնական տեղեկություններով՝ Ադրբեջանում ևս Իրանը նոր դեսպան կնշանակի:

Մարտի 31-ին, ժամը 19։54-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Գավառ-Մարտունի ավտոճանապարհի մոտ 8-րդ կմ-ին տեղի է ունեել ՃՏՊ. կան տուժածներ: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Գավառ-Մարտունի ավտոճանապարհի 8-րդ կմ-ին «Nissan Tiida» մակնիշի ավտոմեքենան (վարորդ՝ Վ. Ս., ծնված 1989 թ.) դուրս է եկել ճանապարհի երթևեկելի հատվածից և հայտնվել ճամփեզրյա ձորակում։ Մինչ փրկարարների կանչի վայր հասնելը՝ ուղևորներ Մ. Ս.-ն (ծնված 2013 թ.) և Մ. Ս.-ն (ծնված 2015 թ.) տեղի ուժերով տեղափոխվել են Մարտունի քաղաքի ԲԿ, իսկ Գ. Ս.-ն (ծնված 1985 թ.)՝ Գավառ քաղաքի ԲԿ, որտեղ վերջինիս առողջական վիճակը գնահատվել է միջին ծանրության։ Փրկարարները հոսանքազրկել են ավտոմեքենան և փակել գազի բալոնի փականը: Ավտոմեքենան ձորակից դուրս բերելու համար անհրաժեշտ է հատուկ տեխնիկա։

Խաչատուրովին ու ընդդիմադիր պատգամավորին կալանավորելու փոխարեն թուրքի առաջխաղացումը կանգնեցրու,կապիտուլյանտ։ Նիկոլ,բա ինչու՞ նախկինների ժամանակ թուրքը շվշվացնելով Տեղ գյուղ չէր մտնում։ Գնա մեռի էլի: Քո ապրելն ու՞մ է պետք։ Ավելի լավ է մարդ նամուսով մեռնի,քան քո նման ապրի։ Թուրքը մտելա Հայաստան,իսկ դու ու քո թայֆեն պատգամավոր եք ձերբակալում ու շոուներ բեմադրում։ Ո՞վ էք դուք։ Հա՞յ,թե՞՝ թուրքի ստրուկ։ 800 հեկտարի համար սաղ եղած-չեղածդ ճղում էիր,բա գործիր,արա։ Թե՞ քո ուժը միայն ընդդիմադիրներին բռնելու համար է։ Ասել մեր բիձա Վաղոյին՝ պրանեմ էդ թավուր ուժդ։

Ինչպե՞ս ադրբեջանցիները անխոչընդոտ մտան Հայաստանի տարածք: Ինչո՞ւ նրանց չկանգնեցրին հայ սահմանապահները, որոնք, ըստ վարչապետի երեկվա հայտարարության, պետք է կանգնեին Տեղ, Կոռնիձոր գյուղերի մոտ՝ Հայաստանի սահմանին: Ընդդիմադիր քաղաքական ուժերը թիվ մեկ պատասխանատու և մեղավոր են համարում Նիկոլ Փաշինյանին, որի թողտվությամբ՝ մեր երկրի տարածքում Ադրբեջանը նոր պլացդարմ է ձևավորում հետագա սադրանքների համար:

Քիչ առաջ հավաստի աղբյուրի լրատվականը տարածել է Մհեր Սահակյանին վարկաբեկելու նպատակ հետապնդող տեսանյութ։ Տեսանյութն ակնհայտորեն մոնտաժված է, որտեղ ներկայացված են ժամանակագրորեն միմյանց հակասող կադրեր։ Այսպես, ըստ տեսանյութի, դեպքը տեղի է ունեցել 11։15-ին։ Հաջորդ կադրում երևում է վազող մարդու կադր ժամը 11։08-ին, իսկ ահա երրորդ կադրում պատկերված են ԱԺ միջացքները ժամը 11։25 րոպեին։ Հիշատակության արժանի է հատուկ պահպանվող պետական շենքի ներքին տեսագրությունների հայտնվելը հավաստի աղբյուրի լրատվականում։ Ինչևէ, հիմա էլ վահագնալեքսանյանները և տարոնչախոյանները մեզ ուզում են համոզել, որ Մհեր Սահակյանը ԱԺ միջանցքներում 《վազել է》շուրջ 17 րոպե։ Քանի կար, ասում էին 《թաքնվել է զուգարանում》, հիմա էլ ասում են`《վազելով փախել է》` հերքելով զուգարանում թաքնվելը։ Հասկանում ենք` հարվածը ծանր է եղել և ցավոտ։ Սպասում ենք տարոնչախոյանական հաջորդ կապկումներին։

Մինչ քպ-ականները ԱԺ-ում սադրանքներ են կազմակերպում, «Հայաստան» խմբակցության մի քանի պատգամավորներ այցելել են Տեղ գյուղ և փաստում են, որ ԱԱԾ հաղորդագրությունն ամբողջապես չի նկարագրում Սյունիքում ստեղծված իրավիճակի լրջությունը։ 🔴Զուգահեռ «Հայաստան» և «Պատիվ ունեմ» խմբակցությունները հեռավար հանդիպում են ունեցել Արցախի հանրապետության ԱԺ բոլոր ուժերի ներկայացուցիչների հետ։ Քննարկման առանցքում է եղել Արցախում ստեղծված ռազմաքաղաքական իրադրությունը, շրջափակման և նոր էսկալացիայի հավանականության պայմաններում հնարավոր անելիքների ու ներդաշնակեցված գործելու հետ կապված հարցեր: Քննարկվել է միջազգային հարթակներում Արցախի հետ կապված անելիքներն առավել համակարգված ներկայացնելու, Արցախում ստեղծված իրավիճակը համակողմանի ներկայացնելու անհրաժեշտությունը, ինչպես նաև Արցախի դիրքորոշումը միջազգային հանրության համար ընկալելի դարձնելու կարևորությունը: Պայմանավորվածություն է ձեռք բերվել առաջիկայում շարունակել քաղաքական խորհրդակցությունները: ՔՊ-ն, իհարկե, չի մասնակցել հանդիպմանը։ Արցախի և Հայաստանի շահերը պաշտպանելն իրենց արգելված է։ Ոչ իշխանական ուժերն, իրենց սահմանափակ ռեսուրսներով, փորձում են ոչ միայն դիմակայել իշխող ուժի պարբերական հարձակումներին, այլև, ըստ էության, տարբեր ճակատներում անում են պետության գործը։

Արյան շրջանառության համակարգը, որը նաև կոչվում է ​սրտանոթային համակարգ​, բջիջներին հասցնում է թթվածին, սննդանյութեր և հորմոններ, որոնք այդ բջիջներն օգտագործում են էներգիայի, աճի և վերականգնման համար:​​ Արյան շրջանառության համակարգը նաև բջիջներից հեռացնում է ածխաթթու գազը և նյութափոխանակության արգասիքները: Արյան շրջանառության համակարգի առանցքային տարրերը, որոնք ապահովում են արյան շրջանառություն հետևյալն են՝ արյուն, որը կազմված է արյան բջիջներից և պլազմայից, սիրտ՝ քառախոռոչ մկանային օրգան, որն արյունը մղում է դեպի մարմնի բոլոր շրջանները, արյունատար անոթներ՝ զարկերակների, մազանոթների և երակների ցանց, որը տեղափոխում է սրտի կողմից արտամղված արյունը: Երբ արյունը մուտք է գործում մազանոթներ, սերտորեն շփվում է հյուսվածքների և բջիջների հետ՝ տալով թթվածին ու սննդանյութեր և վերցնելով ածխաթթու գազ ու նյութափոխանակության արգասիքներ: Այժմ, լինելով թթվածնից աղքատ, արյունը տեղափոխվում է երակներով և վերադառնում սրտի աջ նախասիրտ, որտեղից էլ շրջանությունը կրկին մեկնարկում է: Արյան շրջանառության համակարգի հետ կապված հիմնական հիվանդությունները Սրտանոթային հիվանդությունները ներառում են սրտի և արյունատար անոթների հետ կապված բոլոր հիվանդությունները և առողջական վիճակները: Հիվանդությունների մեծ մասը զարգանում է, երբ արյունատար անոթների պատին կուտակվում են ճարպային նյութեր՝ ձևավորելով վահանիկներ, որոնք նեղացնում են այդ անոթները (աթերոսկլերոզ)։ Աթերոսկլերոզն առաջացնում է սրտի իշեմիկ հիվանդություն: Արյան հոսքի դանդաղումը կրճատում է սրտամկանի համար մատչելի թթվածինը և սննդանյութերը: Սա կարող է առաջացնել կրծքահեղձուկ (ստենոկարդիա) կամ սրտամկանի ինֆարկտ: Վերջինս պահանջում է անհետաձգելի բժշկական հսկողություն և բուժում: Սրտամկանի ինֆարկտի ամենահաճախ հանդիպող ախտանիշը կրծոսկրի շրջանի կամ կրծքավանդակի ձախ կեսի ցավերն են: Երբ զարկերակի խցանման կամ պատռվելու հետևանքով ընդհատվում է գլխուղեղի մի մասի արյունամատակարարումը, զարգանում է ինսուլտ: Ինսուլտը նույնպես կյանքին սպառնացող վիճակ է և պահանջում է անհետաձգելի բուժօգնություն և հսկողություն: Երբ սիրտն արյունն արտամղում է դեպի զարկերակներ, արյունն այս անոթների պատի վրա ստեղծում է ճնշում: Արյան կամ զարկերակային ճնշումը որոշում է հենց այդ ճնշումը: Բազմաթիվ բժիշկներ առողջ արյան ճնշում համարում են 90/60 մմ ս.ս.-ից բարձր և 140/90 մմ ս.ս.-ից ցածր արյան ճնշումը: Բարձր արյան ճնշումը, որը հայտնի է նաև որպես հիպերտենզիա, կարող է բարձրացնել սրտանոթային հիվանդությունների առաջացման ռիսկը: Այն արյան շրջանառության համակարգի ամենատարածված ախտաբանական վիճակն է:

Ադրբեջանցիները ժամ առ ժամ են ավելի ամրանում Սյունիքում՝ հենց գյուղացիների արտերում: Տելեգրամ ալիքների տարածած լուսանկարներում երևում են թշնամու նոր կահավորած դիրքերը Տեղ գյուղում: Պաշտոնապես չհաստատված տեղեկություններով՝ Հայաստանի ինքնիշխան տարածքից ևս 40 հեկտար է հայտնվել ադրբեջանական վերահսկողության տակ: Ո՛չ ԱԱԾ-ն, ո՛չ պաշտպանության նախարարությունը դեռ ոչինչ չեն հայտնում ադրբեջանցիների հետ ենթադրյալ բանակցությունների մասին, որոնք հայկական կողմը պետք է որ վարեր «էսկալացիա թույլ չտալու տրամաբանությամբ»:

Թբիլիսիի կենտրոնում գտնվող «Ամբասադորի» հյուրանոցում հրդեհ է բռնկվել։ Ինչպես տեղեկացնում է «Արմենպրես»-ը, այս մասին հայտնում է «Սպուտնիկ-Վրաստան»-ը։ Նախնական տվյալներով՝ հրդեհը բռնկվել է քառահարկ շենքի երրորդ և չորրորդ հարկերում։ Վրաստանի ՆԳՆ-ն հայտարարել է, որ հյուրանոցում բռնկված հրդեհը մեկուսացվել է: Դեպքի վայրում հրշեջ-փրկարարական ծառայությունները շարունակում են աշխատանքը: Նշվում է, որ հյուրանոցում գնտվող բոլոր քաղաքացիները տարհանվել են։ Զոհերի մասին առայժմ տեղեկություններ չկան, հայտնի չէ նաև հրդեհի պատճառը:

Մարտի 30-ին Էրեբունու բաժնի քրեական հետախույզները ապօրինի զենք-զինամթերք ձեռք բերելու և պահելու վերաբերյալ օպերատիվ տեղեկություններն իրացրին պարեկային ծառայության Երևանի գնդի և Երևան քաղաքի վարչության 3-րդ հատուկ գումարտակի ծառայողների հետ։ Նրանք նույն օրը երեկոյան մայրաքաղաքի Տիգրան Մեծի պողոտայում հայտնաբերեցին, ձերբակալեցին ու ոստիկանության Էրեբունու բաժին տեղափոխեցին 46-ամյա մի երևանցու։ Նրա խուզարկությամբ պայուսակում հայտնաբերվեցին թմբուկավոր ատրճանակ ու փամփուշտներ։ Նախաձեռնվել է քրեական վարույթ։ Հանգամանքները նախաքննությամբ պարզվում են։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Բլոկբաստեր կանվանե՞ր Հայաստանի վարչապետն այն, ինչ այսօր տեղի է ունեցել Ազգային ժողովում: Սկանդալային ծեծկռտուքը «Հայաստան» խմբակցության պատգամավոր Մհեր Սահակյանի ու ՔՊ-ական Վլադիմիր Վարդանյանի միջև ավարտվել է Սահակյանին բերման ենթարկելով ու Վարդանյանի՝ հոնքի պատռված վերքով: Վարդանյանի թիմակիցները պնդում են, թե Սահակյանը հարվածելուց հետո փախել է, «Հայաստան» խմբակցության պատգամավորները վստահեցնում են՝ Սահակյանին իրավապահները բերման են ենթարկել իրենց աշխատասենյակից: Ընդդիմությունը պնդում է, որ ՔՊ-ականն է հրահրել ծեծկռտուքը:

2024-ի նախագահական ընտրություններին ընդառաջ՝ խարդախության 30 հոդվածով մեղադրանք է առաջադրվել ԱՄՆ 45-րդ նախագահ Դոնալդ Թրամփին: Քաղաքական հետապնդում է անվանել Թրամփը իր դեմ հարուցված գործը, քանի որ կարծում է՝ ուզում են խանգարել իրեն կրկին ԱՄՆ նախագահ դառնալ:

Մարտի 30-ին, ժամը 01.35-ին, հիվանդանոցից ոստիկանության Շենգավիթի բաժին հաղորդում է ստացվել, որ շտապօգնության խումբը Սևանի փողոցից որովայնի պատռած վերքով բուժօգնության է տեղափոխել 69-ամյա մի տղամարդու: Հիվանդանոց օպերատիվ խումբ է մեկնել: Ըստ հիվանդանոց տեղափոխվածի 71-ամյա եղբոր՝ նա վնասվածքը ստացել էր աշխատավայրում էլեկտրական տաքացուցիչի վրա ընկնելու հետևանքով: Այս մասին հայտնում են ոստիկանությունից։ Ոստիկանության Երևան քաղաքի վարչության և Շենգավիթի բաժնի քրեական հետախույզների օպերատիվ-հետախուզական միջոցառումների և քննչական գործողությունների արդյունքում, սակայն, այլ բան է պարզվել: Գիշերվա ժամը մեկի սահմաններում հիվանդանոց տեղափոխվածի աշխատավայրում եղբայրները վիճաբանել են, այդ ընթացքում ավագ եղբայրը դանակահարել էր կրտսերին: Բացատրական աշխատանքի շնորհիվ 71-ամյա տղամարդը ներկայացել է քննչական բաժին և տվել խոստովանական ցուցմունք: Դանակն առգրավվել է: Նախաձեռնվել է քրեական վարույթ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: