Լրահոս

Ուկրաինայի նախագահի գրասենյակի ղեկավարի պնդմամբ՝ բարեհաջող ընթանում է Ուկրաինայի զինուժի խոստացված հակահարձակումը, որ մի քանի ամիս է՝ պլանավորվում էր: 

Ոստիկանությունը մայիսի 26-ին Հայաստանի ողջ տարածքում ուժեղացած ծառայություն կիրականացնի՝ պայմանավորված «Վերջին զանգի» միջոցառումներով։

Քամին՝ հարավարևմտյան՝ 3-6 մ/վ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:

Մայիսի 24-ին Արցախի Հանրապետության արտաքին գործերի նախարար Սերգեյ Ղազարյանը պաշտոնական նամակներ է ուղարկել Հայաստանի Հանրապետությունում հավատարմագրված օտարերկրյա դեսպաններին, որում ներկայացրել է ԱՀ կառավարության մտահոգություններն Արցախի ժողովրդին սպառնացող գոյաբանական վտանգների կապակցությամբ։

Ազգային ժողովի փոխնախագահ Հակոբ Արշակյանը խորհրդարանի նիստում ելույթ ունենալով՝ մի քանի վայրկյան տևողությամբ ձայնագրություն միացրեց Ռոբերտ Քոչարյանից, որտեղ նա ասում է․ «Մենք մեկ անգամ չէ, որ հայտարարել ենք և շարունակում ենք հայտարարել, որ այդ տարածքների նկատմամբ վերահսկողության իմաստը զուտ ռազմական է, և պատերազմի ավարտից հետո, թշնամական գործողությունների դադարեցման պարագայում այդ տարածքները կվերադարձվեն»: Հակոբ Արշակյանն ասաց, որ Ռոբերտ Քոչարյանն այդ ժամանակ Արցախի նախագահն էր, և նրա խոսքը, ըստ էության, 7 շրջանների մասին էր:

Հայաստանը պատրաստ է կառուցողական երկխոսության՝ Եվրասիական տնտեսական միության (ԵԱՏՄ) շրջանակներում գազի ընդհանուր շուկայի գործունեության համար, Եվրասիական տնտեսական բարձրագույն խորհրդի նիստում հայտարարեց վարչապետ Նիկոլ Փաշինյանը։

Տիկին Գայանեի կալանքը, Արցախի և անկլավների հանձնման մասին հայտարարությունը ստվերեցին մայիսի 22- ի ասուլիսի ընթացքում վարչապետի արտաբերած հետևյալ միտքը. «Դուք հիշատակեցիք Եռաբլուրի դեպքը․ իսկ Դուք համոզվա՞ծ եք, որ ոստիկանությունն էդտեղ ապօրինություն է թույլ տվել։ Եթե հանցագործություն չկա, այդ գործը ի՞նչ հիմքով գնա դատարան»։ Այս մասին ֆեյսբուքի իր էջում գրել է փաստաբան Վահան Հովհաննիսյան։

Ադրբեջանն ու Պակիստանն ամրապնդում են ռազմական գործակցությունը: Պակիստանի դաշնային պաշտպանության նախարար Ասիֆ Մուհամեդ Հավաջան է այս մասին հայտնել՝ Ադրբեջանի բանակի գլխավոր շտաբի պետ Քերիմ Վելիևի հետ հանդիպման ժամանակ, որի ընթացքում քննարկել են համատեղ զորավարժություններ կազմակերպելու հարցը, ընդգծել ռազմական ու ռազմատեխնիկական գործակցության հետագա ընդլայնման կարևորությունը։ 

Ազգային ժողովի նախագահ Ալեն Սիմոնյանի կարգադրությամբ՝ օրենսդիր մարմնի աշխատակազմը կպարգևատրվի ամսական պաշտոնական դրույքի 50% չափով։

Մայիսի 23-ին Ռուսաստանի մայրաքաղաքում տեղի է ունեցել եռակողմ աշխատանքային խմբի հավաքը՝ Հայաստանի, Ադրբեջանի և Ռուսաստանի փոխվարչապետներ Մհեր Գրիգորյանի, Շահին Մուստաֆաևի և Ալեքսեյ Օվերչուկի գլխավորությամբ։ Նրանք ևս մեկ անգամ փորձել են տեղից շարժել տարածաշրջանում տնտեսական և տրանսպորտային կապերի ապաշրջափակման գործընթացը, գրում է kommersant.ru-ն:

Վաշինգտոնը կարծում է, որ մայիսի սկզբին Կրեմլի վրա անօդաչու թռչող սարքերով հարձակման հետևում կարող է կանգնած լինել Ուկրաինան: «Արմենպրես»-ն այս մասին տեղեկանում է BBC-ի ռուսական ծառայությունից:

Ուղիղ | ԵԱՏՄ նիստ՝ Փաշինյանի, Ալիևի ու Պուտինի մասնակցությամբ

Իրանի ռազմարդյունաբերության նոր նմուշն է ներկայացրել Իսլամական հանրապետության պաշտպանության նախարարությունը: «Հայբեր» հրթիռը 2000 կիլոմետր հեռահարություն ունի, ժամում՝ գրեթե 20.000 կմ արագություն: Նշվում է, որ իրանական նոր բալիստիկ հրթիռը անխոցելի է ռադիոէլեկտրոնային պատերազմներում:

ՀՀ վարչապետ Նիկոլ Փաշինյանը՝ վերջին օրերին հնչեցրել է հայտարարություններ, որոնք ամբողջությամբ հակասում են Արցախի հիմնահարցի խաղաղ ու արդարացի լուծման վերաբերյալ նույն Նիկոլ Փաշինյանի ու նրա քաղաքական թիմի ստանձնած պարտավորություններին: Այս մասին հայտարարություն է տարածել «Ապրելու երկիր» կուսակցությունը։

ՀՀ ՊԵԿ հետաքննության և օպերատիվ հետախուզության, ներքին անվտանգության վարչություններն ու Հարավային մաքսատուն-վարչությունը, տնտեսական հանցագործությունների դեմ պայքարի շրջանակում, համատեղ բացահայտել են Իրանի Իսլամական Հանրապետությունից հանցավոր սխեմայի միջոցով, առանց մաքսային վճարների վճարման` խոշոր քանակի ապրանքների ներմուծման դեպք:

«Քաղաքացիական պայմանագիր» խմբակցության քարտուղար Արթուր Հովհաննիսյանին դատարանը պարտավորեցրել է ներողություն խնդրել մեր հեռուստաընկերությունից՝ «5-րդ ալիքի» գործարար համբավն արատավորող գրառման համար: 

Մոսկվայում ընթանում է Եվրասիական տնտեսական բարձրագույն խորհրդի հերթական նիստը, որին մասնակցում է ՀՀ վարչապետ Նիկոլ Փաշինյանը:

Հայլուր 15։30 Մոսկվայում առնվազն 2 փաստաթուղթ կստորագրեն Փաշինյանն ու Ալիևը. ռուսական մամուլ

Երեկ՝ մայիսի 24-ին, մահվան ելքով վրաերթ է տեղի ունեցել Սյունիքի մարզում։ Ժամը 22։30-ի սահմաններում Սյունիքի մարզի բնակիչ 25-ամյա Ալիկ Ե․-ն իր վարած BMW մակնիշի ավտոմեքենայով Քաջարան քաղաքի Տերյան – Խանջյան փողոցների խաչմերուկում վրաերթի է ենթարկել հետիոտն՝ Սյունիքի մարզի բնակիչ 43-ամյա Կարեն Մ․-ին։ Այս մասին հայտնում է shamshyan.com-ը:

Թուրքիայի նախագահական ընտրություններում ընդդիմության միասնական թեկնածու Քեմալ Քըլըչդարօղլուն դատի է տվել երկրի գործող նախագահ Ռեջեփ Թայիփ Էրդողանին՝ նախընտրական արշավի ժամանակ կեղծ հոլովակ օգտագործելու համար։ Այս մասին թվիթերյան էջում գրել է Քըլըչդարօղլուի փաստաբանը։