Լրահոս

Պետական եկամուտների կոմիտեն Հայաստան ժամանող քաղաքացիներին հորդորում է՝ Հայաստանի Հանրապետություն տեղափոխել միայն իրենց կողմից ձեռքբերված և իրենց պատկանող Apple ապրանքանիշի նոր iPhone 16 մոդելի բջջային հեռախոսներ։

Պակիստանում Ռուսաստանի դեսպան Ալբերտ Խորևի ավտոշարասյունը պայթել է ականի վրա։ Այս մասին ռուսական դիվանագիտական առաքելությունն է հայտնել: Վիրավորվել են ոստիկաններ, դիվանագիտական կորպուսի ներկայացուցիչները չեն տուժել։ Վիրավոր ոստիկանները դիվանագետներին ուղեկցելիս են եղել, երբ ականը պայթել է: Նրանք բուժում են ստանում Խայբեր Պախտունխվայի հիվանդանոցում:

Հայաստանի շախմատի կանանց ընտրանու անդամները` Էլինա Դանիելյանը և Աննա Սարգսյանն առանձին մեդալներ են նվաճել շախմատի համաշխարհային Օլիմպիադայում:

Լուսադեմին Իսրայելի ռազմաօդային ուժերը 80 ավիահարված են հասցրել Լիբանանի հարավում և արևելքում գտնվող բնակավայրերի ուղղությամբ: Միաժամանակ, ըստ գործակալության, զանգվածային ռմբակոծության են ենթարկվել արևելյան Լիբանանի Բեքա և Հերմել շրջանների յոթ բնակավայրեր: Ռազմական գործողությանը մասնակցել են ռազմաօդային ուժերի բոլոր ջոկատների տասնյակ կործանիչներ։ Դրանից առաջ Իսրայելի պաշտպանության բանակը հայտարարել էր, որ բացահայտել է «Հըզբոլլահ»-ի լայնամասշտաբ հրթիռային հարձակման նախապատրաստությունը Իսրայելի վրա: Իսրայելի պաշտպանության նախարար Յոավ Գալանտը զանգահարել է ԱՄՆ պաշտպանության նախարար Լլոյդ Օսթինին և քննարկել իրավիճակը Իսրայելի և Լիբանանի սահմանին։

Սեպտեմբերի 22-ին ոստիկանության Կապանի բաժնում հաղորդում տված քաղաքացին հայտնել էր, որ Ձորք թաղամասում գտնվող իր մթերային խանութից գնումներ կատարած անծանոթ անձը վճարել է քսանհազարանոց հուշանվեր թղթադրամով:

Ծանրամարտի Եվրոպայի առաջնության կրկնակի չեմպիոն, եռակի արծաթե մեդալակիր, աշխարհի առաջնության բրոնզե մեդալակիր ծանրորդ Սամվել Գասպարյանն ավարտում է սպորտային կարիերան: «Արմենպրես»-ի հետ զրույցում այս մասին ասաց Սամվել Գասպարյանը: Սպորտային կարիերան ավարտելու որոշման պատճառը ծանրորդի ծնկների վնասվածքներն են:

Հայլուր 15։30 Ռևանշիստական ուժերից է վախենում Ալիևը. Ադրբեջանն անհանգիստ է

Ռուսաստանը չի մասնակցի Ուկրաինայի հարցով խաղաղության երկրորդ գագաթնաժողովին: Կրեմլը պնդում է, որ Ուկրաինան պետք է դուրս բերի իր զորքերը Դոնեցկի, Լուգանսկի, Զապորոժիեի և Խերսոնի շրջանների այն հատվածներից, որոնք Ռուսաստանը չի վերահսկում:

Երևանի Վազգեն Սարգսյան փողոցում՝ Կենտրոնական բանկի մոտ, քաղաքապետարանը ասֆալտից հետո թերի գծանշում է արել։ Բայց դա միակ խնդիրը չէ, գուցե հետո լրացնեն։ Բանն այն է, որ հետիոտնային անցումը, որը գծանշել են, ոչ թե հետիոտնին հասցնում է մայթ, այլ՝ «գազոնին» և ծառի։

Անդորրայի Իշխանապետության խորհրդարանի նախագահ Կառլես Էնսենյատ Ռեիգի գլխավորած պատվիրակությունն ԱԺ նախագահի տեղակալ Ռուբեն Ռուբինյանի ուղեկցությամբ սեպտեմբերի 23-ին այցելել է Ծիծեռնակաբերդի հուշահամալիր: Այդ մասին հայտնում են ԱԺ-ից:

Ամառային հանգստի ևս մեկ սեզոն անցյալում է: Սևանա լճի ավազանում և հարակից տարածքներում ավարտվել է ջրային պարեկների և փրկարարների ուժեղացված ծառայությունը։ Այն իրականացվում էր պարեկային մեքենաների, նավերի ու սկուտերների միջոցով, ինչպես նաև հետիոտնային հատվածներում։ Այդ մասին հայտնում են ՆԳՆ-ից:

Tert.am-ը ՆԳ նախարարությունից փորձեց ճշտել տեղեկատվությունը։ ՆԳՆ-ից Tert.am-ին հայտնեցին, որ ռուսական կողմն իրենց տեղեկացրել է հետախուզվողին հայտնաբերելու մասին։

Արդարադատության նախարար Գրիգոր Մինասյանն ընդունել է ԵՄ քրեական արդարադատության գործակալության (Եվրաջասթ) նախագահ Լադիսլավ Համրանի գլխավորած պատվիրակությանը։

Իսկ այսօր ոչինչ, ոչինչ չկա հիշելու... ուղղակի մեր տանը նախաճաշեցին ադրբեջանցի երեխաները և ճամփա ընկան մեր դպրոց ուրախ ձայներով խլացնելու անցյալի ողբաձայնը, որ հաստատ չեն մոռացել այս դպրոցի պատերը»։

Իրանում Տաբասի հանքահորում մեթանի պայթյունի հետևանքով զոհերի թիվը հասել է 51-ի, ևս 20-ը վիրավորվել են, անհետ կորածներ կան: Նշվում է, որ պայթյունի պահին ածխահանքում 69 աշխատող է եղել։ Փրկարարական աշխատանքները դժվարանում են, քանի որ 700 մ երկարությամբ ածխահանքը գտնվում է 250 մետր խորության վրա: Դժբախտ պատահարը տեղի է ունեցել Հարավային Խորասան նահանգում սեպտեմբերի 21-ի ուշ երեկոյան։ Իրանում եռօրյա սուգ է հայտարարվել: Պայթյունի կապակցությամբ ցավակցական ուղերձ է հղել Հայաստանի վարչապետը:

Ադրբեջանի համար թիվ 1 առաջնահերթությունն է ռազմական հզորության ավելացումը, հայտարարել է այդ երկրի նախագահ Իլհամ Ալիևը՝ ելույթ ունենալով Միլի մեջլիսում:

Ռոբերտ Քոչարյանի արդարացումից ավելի քան երեք տարի անց նրան առնչվող հայտնի գործի նոր դատաքննություն է սկսվել: Այսօր առաջին դատական նիստին երկրորդ նախագահը և նրա փաստաբանները ներկա չեն եղել: Երկրորդ նախագահի գրասենյակի ղեկավար Բագրատ Միկոյանը պարզաբանել է՝ «Դատական նիստի վերաբերյալ նախագահ Քոչարյանը ծանուցում չի ստացել»: Նրա խոսքով՝ Ռոբերտ Քոչարյանը մասնավոր այցով արտերկրում է, ուր մեկնել է սեպտեմբերի 18-ին՝ մինչև նիստի նշանակումը: Երկրորդ նախագահի գրասենյակի ղեկավարը նաև ասել է, որ Ռոբերտ Քոչարյանը մոտ օրերս վերադառնալու է և պատշաճ ծանուցման դեպքում՝ կներկայանա դատարան: Ի դեպ, քաղաքականապես հասուն համակարգիչը այս գործի քննությունը վստահել է 2018-ին «Քաղաքացիական պայմանագրի» ցուցակով Ազգային ժողովի պատգամավորի հայտ ներկայացրած դատավոր Սարգիս Պետրոսյանին:

Yerevan.Today-ին հայտնի են դարձել Ալեն Սիմոնյանի գլխավորած պատվիրակության՝ Կանադա այցի չեղարկման իրական պատճառները: Մեր աղբյուրները նշում են, որ Ալեն Սիմոնյանի գլխվորած պատվիրակությանը հրաժարվել են ընդունել Կանադայի հայ համայնքի տարբեր շրջանակներ։

«Սրբազան» անունը ստացած շարժումը հանուն իշխանափոխության պայքարի ակտիվ փուլ է սկսում: Այս մասին հայտարարել է շարժման առաջնորդ Բագրատ սրբազանը՝ կիրակի Մարզահամերգային համալիրում շարժման մեծ հավաքի ժամանակ: Հոկտեմբերի 2-ին՝ ժամը 18։30-ին, նա կոչ է արել աջակիցներին հավաքվել Հանրապետության հրապարակում պատրաստ լինելով աննահանջ պայքարի:

«ՀայաՔվե» նախաձեռնության հայտարարությունը՝ Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգի շուրջ․