Լրահոս

ՀՀ անկախության օրվա առթիվ ԱՄՆ նախագահի դեմոկրատ թեկնածու, երկրի գործող փոխնախագահ Քամալա Հարիսը հրապարակել է ուղերձ՝ ուղղված ամերիկահայությանը։ Դրանում Հարիսը աջակցություն է հայտնել «Լեռնային Ղարաբաղից տեղահանված հայերի՝ իրենց տներն անվտանգ վերադառնալու իրավունքին»։ Դեմոկրատ թեկնածուն նաև նկատել է․ «մենք երբեք չպետք է մոռանանք Հայոց ցեղասպանությունը», ինչպես նաև՝ հանձնառու է «Հայաստանի և իր հարևանների միջև ինքնիշխանությունը, անկախությունը և տարածքային ամբողջականությունը հարգող կայուն խաղաղությանը հասնելուն»:

«Մենք ապրում ենք ամենազավեշտալի ժամանակներում, երբ օրինակ Արցախն ազատագրած Ռոբերտ Քոչարյանի գրքով նկարվելը խնդրահարույց է, իսկ Հայաստանի վրա հարձակված ու այս պահին նոր հարձակում պատրաստող Թուրքիայի նախագահի քարոզչական գրքով ու նրա կողքին ժպիտով նկարվող դե-ֆակտո վարչապետը` «հմուտ դիվանագիտության» օրինակ:

Թուրքիայի նախագահը ՄԱԿ-ում իր ելույթի ժամանակ կրկին կոշտ քննադատել է Իսրայելի վարչապետին՝ Գազայում, իր խոսքով, ցեղասպանություն իրականացնելու ու Լիբանանի վրա հարձակվելու համար: Էրդողանը կոչ է արել ՄԱԿ անդամ պետություններին կանգնեցնել Նեթանյահուին, ինչպես ժամանակին կանգնեցրին Հիտլերին: «70 տարի առաջ, ինչպես Հիտլերին կանգնեցրեց մարդկությունը, այնպես էլ հիմա Նեթանյահուի դեմը պետք է առնի: Նեթանյահուի սպանությունների ցանցի վերջը պետք է տալ»,-ասել է Թուրքիայի նախագահը: «Լիբանանն անդունդի եզրին է»,- այսպիսի մտահոգիչ հայտարարություն է արել ՄԱԿ-ի գլխավոր քարտուղար Անտոնիո Գուտերեշը: «Լիբանանի ժողովուրդը, Իսրայելի ժողովուրդը և աշխարհի ժողովուրդները չպետք է թույլ տան, որ Լիբանանը դառնա նոր Գազա»,- Իքսի իր էջում գրել է Գուտերեշը:

ՀՀ կրթության, գիտության, մշակույթի և սպորտի նախարարությունը խոր վշտով հայտնում է, որ 92 տարեկանում կյանքից հեռացել է վիրահայ վաստակավոր թարգմանիչ, մշակույթի գործիչ Գիվի Շահնազարը: Այս մասին տեղեկացնում են ԿԳՄՍՆ-ից:

Հայաստանի ծանրամարտի երիտասարդական հավաքականի անդամ, 76 կգ քաշային Աննա Ամրոյանը երկամարտի 228 կգ արդյունքով բրոնզե մեդալ է նվաճել Իսպանիայի Լեոն քաղաքում ընթացող աշխարհի առաջնությունում: Այս մասին տեղեկացնում են ԿԳՄՍՆ-ից:

Սեպտեմբերի 24-ին Նյու Յորքում ՀՀ ԱԳ նախարար Արարատ Միրզոյանը հանդիպում է ունեցել Նիդերլանդների Թագավորության արտաքին գործերի նախարար Կասպար Վելդկամպի հետ: Այդ մասին հայտնում են ՀՀ ԱԳՆ-ից:

ՀՀ ՊՆ վարչական համալիրում ՀՀ պաշտպանության նախարար Սուրեն Պապիկյանի և Կիպրոսի պաշտպանության նախարար Վասիլիս Պալմասի համատեղ հայտարարությունից հետո Կիպրոսի պաշտպանության նախարարը ՊՆ վարչական համալիրի տարածքում անվանական եղևնի է տնկել։

Իսրայելի վարչապետը Հաագայի Միջազգային քրեական դատարանին հորդորել է իրեն հետապնդելու փոխարեն՝ Թուրքիայի և Պաղեստինի նախագահների համար ձերբակալության օրդեր տալ: Նեթանյահուն իրեն անվանել է դեմոկրատական ճանապարհով ընտրված առաջնորդ, որին անհիմն քննադատում է Միջազգային քրեական դատարանը: «ՄՔԴ դատախազ Քարիմ Խանը ՄԱԿ-ում հանդիպել է Թուրքիայի նախագահ Էրդողանին, որը հայտնի է քուրդ խաղաղ բնակիչների սպանությամբ, հանդիպել է նաև Պաղեստինի նախագահ Մահմուդ Աբասին, որը հերքում է Հոլոքոստը և վճարում է ահաբեկիչներին՝ հրեաներին սպանելու համար»,- հայտարարել է Իսրայելի վարչապետը։

Երևանի քաղաքապետարանից տեղեկացնում են, որ ճանապարհաշինական աշխատանքներով պայմանավորված՝ սեպտեմբերի 25-ին՝ ժամը 15:00-ից մինչև հոկտեմբերի 15-ը փակ է լինելու Շերամի փողոցի՝ Շերամի-Օհանովի խաչմերուկից մինչև Շերամի-Տիչինայի խաչմերուկն ընկած ճանապարհահատվածը:

ՄԱԿ-ի Գլխավոր ասամբլեայի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Գերմանիայի Դաշնային Հանրապետության ԱԳ նախարար Անալենա Բերբոքի հետ:

Միացյալ Նահանգները դեռ թույլ չի տալիս Ուկրաինային հեռահար զենքերով հարվածել Ռուսաստանի խորքերին: Սպիտակ տան Ազգային անվտանգության համակարգող Ջոն Քիրբին նշել է, որ Վաշինգտոնը դեռ պահպանում է ամերիկյան հեռահար հրթիռներով Դաշնությանը հարվածելու արգելքը: «Մեր նախագահի դիրքորոշումն այն է, որ ԱՄՆ-ի տրամադրած սպառազինությունը չպետք է օգտագործվի Ռուսաստանում գտնվող թիրախների դեմ»,-ասել է Քիրբին:

«Քայլիստների կողմից թմբկահարված Նիկոլ-Էրդողան հանդիպումը կայացավ Թուրքիայի սեփականություն հանդիսացող նյույորքյան «Թուրքական տուն» երկնքերում, որտեղ գտնվում են Նյու Յորքում Թուրքիայի հյուպատոսարանը և ՄԱԿ-ում Թուրքիայի ներկայացուցչությունը...

ՀՀ ԱԺ պատգամավոր Գեղամ Մանուկյանը գրում է․ «Նախօրեին, երեկոյան ուշ ժամի գրառումս, թե կառավարությունը ստում է, որ Փաշինյանը հանդիպել է Էրդողանին ուներ պարզ մի քանի հիմնավորում՝

Այսօր՝ սեպտեմբերի 25-ին, ՀՀ ներքին գործերի նախարարության ոստիկանության պարեկային ծառայության Երևան քաղաքի գնդի 2-րդ գումարտակի 3-րդ վաշտի պարեկները ՊԾ Երևան քաղաքի գնդի հատուկ պահպանվող տարածք են տեղափոխել «Toyota» մակնիշի «030 HH 01» համարանիշի ավտոմեքենան:

Նյու Յորքում երեքշաբթի հանդիպել են Հայաստանի ու Թուրքիայի ղեկավարները: Հանդիպումը տեղի է ունեցել Թուրքական տանը, ինչպես հայտնում է Թուրքիայի նախագահի էջը: Հայկական կողմը հայտնում է, որ զրուցակիցները մանրամասն անդրադարձել են Հայաստան-Թուրքիա հարաբերությունների կարգավորման գործընթացին: Ընդգծել են, որ կարգավորման գործընթացը պետք է շարունակել իրականացնել առանց նախապայմանների: Տարածաշրջանային հարցերը նույնպես հանդիպման օրակարգում են եղել: Փաշինյանը Էրդողանին տեղեկացրել է նաև հայ-ադրբեջանական հարաբերությունների կարգավորման ընթացքի մասին: Ի դեպ, թուրքական կողմի հրապարակած երեք լուսանկարներից կարելի է ենթադրել, որ Թուրքիայի նախագահը Հայաստանի վարչապետին է նվիրել իր գիրքը՝ «Ավելի արդար աշխարհ հնարավոր է» վերնագրով:

«6 տարում գոնե կարելի էր սովորել պաշտոնական հանդիպման ժամանակ նստելու էթիկան։

Սպասվում է, որ ԱՄՆ պետքարտուղար Էնթոնի Բլինքենը վաղը Նյու Յորքում կհանդիպի Ադրբեջանի և Հայաստանի ԱԳ նախարարներ Ջեյհուն Բայրամովի ու Արարատ Միրզոյանի հետ՝ առաջ մղելու այն, ինչը համարվում է խաղաղության բանակցությունների «վերջնական փուլ», «Թուրան»-ի վաշինգտոնյան թղթակցին հայտնել են իրավիճակին տեղյակ երկու աղբյուրներ:

Նախօրեին Նյու Յորքի «Թուրքական տանը» տեղի է ունեցել Հայաստանի վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը. Zartonk Media-ն որոշ տեղեկություններ է ներկայացրել կարևոր հանդիպման անցկացման վայրի վերաբերյալ:

ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում ավարտվել է 2024թ. ապրիլի 10-ին ավազակությամբ առանձնապես խոշոր չափի՝ 38,250կգ. քաշով ոսկյա ձուլակտորների և 293 մլն ռուբլի գումարի հափշտակության դեպքի քրեական վարույթով 8 մեղադրյալի մասով նախաքննությունը:

Հայլուր 12։30 Թուրքական տուն է գնացել Փաշինյանը. Էրդողանի խորհրդանշական նվերը