Լրահոս

Երեկ՝ սեպտեմբերի 28-ին, ողբերգական ավտովթար է տեղի ունեցել Սյունիքի մարզում։ Ժամը 22:30-ի սահմանում Կապան քաղաքի Հունան Ավետիսյան փողոցի թիվ 1 շենքի դիմաց բախվել են Իրանի Իսլամական Հանրապետության քաղաքացի 47-ամյա Մանսուր Ա.-ի վարած Mercedes մակնիշի բեռնատարն ու Սյունիքի մարզի բնակիչ 64-ամյա Ֆելիքս Ա.-ի վարած Opel մակնիշի ավտոմեքենան։

Մայր տաճարը կառուցվել է խաչաձև հիմքով և կենտրոնական գմբեթով` դառնալով համաշխարհային եկեղեցական ճարտարապետության մեջ առաջին խաչահիմն կենտրոնագմբեթ տիպի տաճարը:

Սեպտեմբերի 27-ին հերթական քրեորեն պատժելի դեպքն է տեղի ունեցել Երևանի Մամիկոնյանց փողոցում գործող «Երևանի ինֆորմատիկայի պետական քոլեջում»։ Այդ օրը՝ ժամը 12:30-ի սահմաններում ՀՀ Ներքին գործերի նախարարության Ոստիկանության Արաբկիրի բաժնում օպերատիվ տեղեկություններ են ստացվել, որ նշված քոլեջում դանակահարություն է տեղի ունեցել։

Ադրբեջանի ՊՆ հաղորդագրությունը չի համապատասխանում իրականությանը. ՀՀ ՊՆ

Եզրափակվեց Նյու Յորքում ՄԱԿ ԳԱ 79-րդ նստաշրջանի բարձրաստիճան քննարկումներին ՀՀ ԱԳ նախարար Արարատ Միրզոյանի գլխավորած պատվիրակության մասնակցության շաբաթը։ Այս մասին հայտնում են ՀՀ ԱԳՆ-ից:

ՀՀ վարչապետ Նիկոլ Փաշինյանն ինստագրամյան էջում տեսանյութ է հրապարակել, որում տիկնոջ՝ Աննա Հակոբյանի հետ պարում են դպրոցահասակ երեխաների հետ։

ՄաԱթոռ Սուրբ Էջմիածնի դիվանապետ, արքեպիսկոպոս Արշակ Խաչատրյանին լրագրողները հարցրին, թե՝ ՔՊ-ականներին և Փաշինյանին Մայր Տաճարի վերաօծմանը հրավիրելը արդյո՞ք նշանակում է, որ Եկեղեցին դադարում է իշխանության հրաժարականը պահանջել, վերաբերմո՞ւնք է փոխվել։

Կարմիր բլուրում հայ-ռուսական արշավախումբը առաջին անգամ հայտնաբերել է մոգական շրջանակից կազմված երկու դամբարան:

Քրիստոնեական բոլոր եկեղեցիներն ամեն տարի մեծ հանդիսավորությամբ նշում են Խաչին նվիրված տոները: Բայց ի տարբերություն մյուս եկեղեցիների, Հայ Եկեղեցին ունի նաև Խաչին նվիրված զուտ ազգային մի տոն, որը հայտնի է Վարագա Սուրբ Խաչ անունով: Այն միշտ տոնում են Խաչվերացից երկու շաբաթ հետո, այսինքն` սեպտեմբերի 25-ից մինչև հոկտեմբերի 1-ը հանդիպող կիրակի օրը

Էջմիածնում մեկնարկել է Մայր Տաճարի վերաօծման արարողությունը, կմատուցվի Հայրապետական Սուրբ Պատարագ։

Քամին՝արևելյան՝ 3-5 մ/վ, հոկտեմբերի 1-2-ին առանձին վայրերում սպասվում է քամու ուժգնացում՝ 18-23մ/վ արագությամբ։ Օդի ջերմաստիճանը սեպտեմբերի 29-30-ին աստիճանաբար կնվազի 2-4 աստիճանով։

Սեպտեմբերի 28-ին՝ ժամը 21:10-ին, Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Օրբելու փողոցում տեղի է ունեցել ՃՏՊ՝ բախվել են ավտոմեքենաներ, որոնցից մեկը կողաշրջվել է․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ Օրբելու փողոցի թիվ 9/2 հասցեի մոտակայքում բախվել են Lexus (վարորդ` Ք. Կ., ծնված 1996 թ․), Opel (վարորդ՝ Ս․ Մ․, ծնված 1974 թ․) և Mercedes-Benz (վարորդ` Ն․ Հ․, ծնված 1993 թ․) մակնիշների ավտոմեքենաները, ինչի հետևանքով Lexus մակնիշի ավտոմեքենան կողաշրջվել է․ տուժածներ չկան։ Փրկարարները սահմանազատել են տարածքը, հոսանքազրկել Opel մակնիշի ավտոմեքենան, փակել գազի բալոնի փականը և ուղղել Lexus մակնիշի ավտոմեքենան։

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

ԱՄՆ-ի հինգ նահանգներում «Հելեն» փոթորկի հետևանքով առնվազն 44 մարդ է զոհվել, հայտնում է Associated Press-ը։ Զոհերը Ֆլորիդայի, Ջորջիայի, Հյուսիսային և Հարավային Կարոլինայի բնակիչներ են, այս նահանգներում, ինչպես նաև Թենեսիում ջրհեղեղներ են, ավերվել են տներ, տապալվել են ծառեր։ Ջորջիայում, Ֆլորիդայում և Հարավային Կարոլինայում փոթորկի հետևանքով ավելի քան 3 միլիոն տնային տնտեսություններ մնացել են առանց էլեկտրականության։ 4-րդ աստիճանի ուժգնության «Հելեն» փոթորիկը այժմ թուլացել է, շարժվում է դեպի Կենտուկի և Թենեսի նահանգներ:

«Դրոշմ ինքնության» կարգախոսով է Մայր տաճարում այսօր Մյուռոնօրհնեք եղել: Եկեղեցին ուզում է, որ այն դառնա ազգի հավաքականության ու ամբողջ հայ ժողովրդի միասնականության խորհրդանիշ: Հավանաբար՝ այդ պատճառով են Էջմիածին հրավիրվել քաղաքական հակառակ ճամբարներում կանգնած ուժեր ու անհատներ:

Սեպտեմբերի 28-ին, ժամը 18:27-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ քաղաքացին Սևան քաղաքի հանգստյան տներից մեկի մոտակա անտառում մոլորվել է․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական և հատուկ ջրափրկարարական ջոկատներից մեկական մարտական հաշվարկներ: Ջրափրկարարները հանգստյան տներից մեկի մոտակա անտառում հայտնաբերել են մոլոր­ված քաղաքացուն (Վ․ Պ., ծնված 1954թ․)։

Այսօր՝ սեպտեմբերի 28-ին, ողբերգական դեպք է տեղի ունեցել Արարատի մարզում։ Ժամը 17։40-ի սահմաններում ՀՀ ներքին գործերի նախարարության ոստիկանության Արարատի մարզային վարչությունում և ոստիկանության Արարատի բաժնում օպերատիվ տեղեկություններ են ստացվել, որ Այգավան գյուղում, երկաթգծի հարևանությամբ գտնվող հատվածում քաղաքացին ծառից վայր է ընկել և գտնվում անգիտակից վիճակում, հայտնում է ֆոտոլրագրող Գագիկ Շամշյանը։ Պարզվել է, որ ժամը 19։30-ի սահմաններում Այգավան գյուղի բնակիչ 41-ամյա Գոռ Հ․-ն իրենց հողամասում, ըստ նախնական տեղեկությունների, ալյումինե աստիճանի վրա կանգնած ալյումինե խողովակով ընկուզենու ծառից ընկույզ թափ տալիս անզգուշաբար դիպչել է ծառի վրայով անցնող բարձր լարման հոսանքի մալուխին, էլեկտրահարվել և վայր ընկել, ինչն էլ դարձել մահվան պատճառ։ Դեպքի փաստով Վեդիի քննչական բաժնում նախաձեռնվել է քրեական վարույթ։ Քննիչի որոշմամբ նշանակվել է դիակի դատաբժշկական փորձաքննություն։

Հայաստանի Հանրապետության անկախության 33-րդ տարեդարձի առթիվ Աթենքում ՀՀ դեսպանությունը կազմակերպել է ընդունելություն-համերգ Հայաստանից հրավիրված «Կադանս» անսամբլի մասնակցությամբ: Այս մասին հայտնում են Հունաստանում Հայաստանի դեսպանությունից: Բացման խոսքով հանդես է եկել Հունաստանում ՀՀ արտակարգ և լիազոր դեսպան Տիգրան Մկրտչյանը, ով իր ելույթում անդրադարձել է Հայաստանի Հանրապետության անկախության գործընթացին, 2020թ․ Ադրբեջանի սանձազերծած լայնածավալ ագրեսիային և ԼՂ հայերի բռնի տեղահանությանը, տարածաշրջանում առկա իրավիճակին, Հայաստան-Հունաստան հարաբերությունների խորացման ուղղությամբ վերջին մեկ տարվա ընթացքում նախաձեռնված քայլերին։ «Ադրբեջանը, խախտելով Մարդու իրավունքների միջազգային դատարանի որոշումները, խախտելով 2020 թվականի նոյեմբերի 9-ի հրադադարի մասին հայտարարության բոլոր հոդվածները, այսօր էլ շարունակում է անտեսել մի շարք երկրների և միջազգային կազմակերպությունների կոչերը։ Եվ քանի դեռ անպատիժ են հայերի էթնիկ զտումները, հայկական մշակութային ժառանգության և տեղի բնակչության ունեցվածքի ոչնչացումը, Բաքվում 23 հայերի, այդ թվում՝ Լեռնային Ղարաբաղի նախկին ղեկավարության դեմ կեղծ դատավարությունները և անողոք ատելության խոսքը, Հայաստանի նկատմամբ ագրեսիվ ահաբեկումը կրում է շարունակական բնույթ։ Հայաստանը բազմիցս կրկնել է, որ պատրաստ է համապարփակ խաղաղության համաձայնագիր ստորագրել Ադրբեջանի հետ, սակայն դա հնարավոր չէ անել ցանկացած գնով և կասկածի տակ դնելով Հայաստանի ինքնիշխանությունն ու տարածքային ամբողջականությունը»,- իր ելույթում մասնավորապես նշել է դեսպանը:

Շվեյցարիան ողջունում և աջակցում է Չինաստանի և Բրազիլիայի խաղաղության նախաձեռնությունը Ուկրաինայում, քանի որ այն հիմնված է ՄԱԿ-ի արժեքների վրա, ՌԻԱ Նովոստիին ասել է Շվեյցարիայի արտաքին գործերի նախարարության հաղորդակցության բաժնի ղեկավար Նիկոլաս Բիդոն։ Ավելի վաղ Չինաստանի արտաքին գործերի նախարար Վան Ին ասել էր, որ Չինաստանը, Բրազիլիան և գլոբալ հարավի այլ համախոհ պետություններ մտադիր են ստեղծել բաց «Աշխարհի ընկերներ» հարթակ՝ ուկրաինական ճգնաժամը լուծելու համար։ «Հաշվի առնելով, որ չինացիների և բրազիլացիների կողմից մշակված նախաձեռնությունն այժմ փոփոխվել է՝ արտացոլելու ՄԱԿ-ի արժեքները, չին-բրազիլական խմբի կողմից կազմակերպված կոնկրետ դիվանագիտական ​​ջանքերը կարող են հետաքրքրել մեզ: Շվեյցարիան աջակցում է խաղաղության բոլոր նախաձեռնություններին, որոնք համապատասխանում են Բյուրգենշտոկի ոգուն: Մենք ողջունում ենք խաղաղության այս նախաձեռնությունը, որն առաջին հերթին ուղղված է խաղաղության հասնելուն»,- ասել է Բիդոն։ Հունիսի 15-16-ը Շվեյցարիայի Բուրգենստոկ քաղաքում տեղի է ունեցել Ուկրաինայի վերաբերյալ համաժողով։ Կրեմլը հայտարարել է, որ առանց Ռուսաստանի մասնակցության ուկրաինական հակամարտության իրավիճակի կարգավորման տարբերակներ փնտրելը բացարձակապես անտրամաբանական և ապարդյուն է։ Համաժողովի արդյունքների վերաբերյալ համատեղ կոմյունիկեն կոչ է անում Կիևին վերադարձնել Զապորոժիեի ԱԷԿ-ի նկատմամբ վերահսկողությունը, ինչպես նաև սև և Ազովի ծովերում ազատ տեղաշարժի, բոլոր ռազմագերիների փոխանակման և ազատ արձակման կոչեր է պարունակում: Փաստաթղթում խոսվում է նաև հակամարտությունը դադարեցնելու համար բոլոր կողմերի միջև երկխոսության անհրաժեշտության մասին։ Հանդիպման 91 մասնակիցներից միայն 76-ն են աջակցել կոմյունիկեին: Եզրափակիչ կոմյունիկեն չեն ստորագրել Հայաստանը, Բահրեյնը, Բրազիլիան, Հնդկաստանը, Ինդոնեզիան, Լիբիան, Մեքսիկան, Սաուդյան Արաբիան, Հարավային Աֆրիկան, Թաիլանդը և Արաբական Միացյալ Էմիրությունները: Ավելի ուշ Իրաքը, Հորդանանը և Ռուանդան հետ վերցրեցին իրենց ստորագրությունները կոմյունիկեից։ Ավելի վաղ ՌԴ նախագահ Վլադիմիր Պուտինը հանդես էր եկել ուկրաինական հակամարտության խաղաղ կարգավորման նախաձեռնություններով. Մոսկվան անհապաղ կդադարեցնի կրակը և կհայտարարի իր պատրաստակամությունը բանակցություններին Ռուսաստանի նոր շրջանների տարածքից ուկրաինական զորքերի դուրսբերումից հետո։ Բացի այդ, նա ավելացրել է, որ Կիևը պետք է հայտարարի ՆԱՏՕ-ին անդամակցելու և ապառազմականացում և ապաազգայնացում իրականացնելու իր մտադրություններից հրաժարվելու մասին, ինչպես նաև ընդունի չեզոք և միջուկային զենքից զերծ կարգավիճակ: ՌԴ նախագահը հիշատակել է նաև ՌԴ-ի դեմ պատժամիջոցների չեղարկման մասին։ Կուրսկի շրջանում Ուկրաինայի զինված ուժերի ահաբեկչությունից հետո Պուտինը նաև անհնար է անվանել բանակցել նրանց հետ, ովքեր «անխտիր հարվածներ են հասցնում քաղաքացիական անձանց, քաղաքացիական ենթակառուցվածքներին կամ փորձում են սպառնալիքներ ստեղծել միջուկային էներգիայի օբյեկտների համար»: ՌԴ նախագահի օգնական Յուրի Ուշակովն ավելի ուշ հայտարարել է, որ ուկրաինական կարգավորման վերաբերյալ Մոսկվայի խաղաղ առաջարկները, որոնք ավելի վաղ հնչեցրել էր ռուսական պետության ղեկավարը, չեղյալ չեն հայտարարվել, բայց այս փուլում, «հաշվի առնելով այդ արկածախնդրությունը», Ռուսաստանը չի խոսի Ուկրաինայի հետ:

Այսօր՝ սեպտեմբերի 28-ին, խոշոր ավտովթար է տեղի ունեցել Երևանում: Ժամը 20:15-ի սահմաններում Օրբելի փողոցում՝ Օրբելի թունելի սկզբնամասում՝ դեպի Բաղրամյան պողոտա տանող հատվածում, բախվել են Երևանի բնակիչ 28-ամյա Քրիստինե Կարապետյանի վարած «Lexus», Արագածոտնի մարզի բնակիչ 31-ամյա Նորայր Հակոբյանի վարած «Mercedes» մակնիշի և Երևանի բնակիչ 50-ամյա Սամվել Մկրտչյանի վարած «Opel» մակնիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան: Վարորդներին առաջինը օգնության են հասել վթարի հարևանությամբ բնակվող քաղաքացիներն ու մի քանի ավտոմեքենաների վարորդներ: Բախման հետևանքով «Lexus»-ը կողաշրջվել է, իսկ «Opel»-ի հետևի անվահեծաններից մեկը կոտրվել է: Վթարի փաստով ՊԾ Երևան քաղաքի գնդի 2-րդ գումարտակում փաստաթղթեր են ձևակերպվում: