Լրահոս

Հոկտեմբերի 4-ին, ժամը 07:35-ին Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Նոր Կյանք- Տափերական ավտոճանապարհին տեղի է ունեցել ՃՏՊ. կա արգելափակված քաղաքացի:

Վարչապետ Նիկոլ Փաշինյանը հոկտեմբերի 3-ին որոշում է ստորագրելԱԽ գրասենյակում նոր նշանակման մասին:

Քիչ առաջ վթարվել է Էջմիածնի տարածաշրջանը սնող 600 մմ-ոց ջրատարը՝ վայրկյանում 100 լիտր ջրի կորստով: Այս մասին տեղեկացնում է «Վեոլիա ջուրը»:

Միացյալ Նահանգներն Իսրայելի հետ քննարկում է Իրանին հակահարված հասցնելու տարբերակներ: Այսպիսի հայտարարություն է արել ԱՄՆ նախագահ Ջո Բայդենը: Մասնավորապես քննարկվում է Իրանի նավթային օբյեկտներին հարվածելու սցենարը: «Մենք դա քննարկում ենք»,- ասել է Սպիտակ տան ղեկավարը: Հատկանշական է, որ ԱՄՆ նախագահի այս հայտարարությունից հետո նավթի համաշխարհային գները բարձրացել են: Brent տիպի նավթի գինը օգոստոսի 30-ից ի վեր առաջին անգամ ավելացել է 3,8 դոլարով՝ դառնալով 78 դոլար՝ մեկ բարելի դիմաց: Մերձավոր Արևելքում լարվածության աճը մտահոգել է նավթ արտահանող երկրներին:

Հոկտեմբերի 4-ին Ադրբեջանի նախագահ Իլհամ Ալիևը կնոջ հետ այցելել է օկուպացված Արցախ, մասնակցել Ջրականում (Ջաբրայիլ) կառուցված բնակելի համալիրի բացմանը և նոր տներ տեղափոխված բնակիչներին նվիրել բնակարանների բանալիները։ Այս մասին հայտնում է ադրբեջանական APA գործակալությունը։

Իշխանությունը չներեց ՀՀ երրորդ նախագահ Սերժ Սարգսյանի գործով արդարացնող վճիռ կայացրած դատավորին. վերջինիս լիազորությունները «էական կարգապահական խախտման հիմքով դադարեցվել են»։ Այս մասին գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը։

Իրանի ԱԳ նախագահ Աբբաս Արաղչին պատվիրակության հետ ժամանել է Լիբանան: Այս մասին հայտնում է Mehr գործակալությունը:

Իսրայելի ռազմաօդային ուժերն այս գիշեր փորձել են չեզոքացնել «Հըզբոլլահի» նոր առաջնորդին: Նրանք հարվածել են խմբավորման՝ Բեյրութում գտնվող բունկերներից մեկին: Հաշեմ Սաֆի ադ-Դինի ողջ լինելու մասին դեռ տեղեկություն չկա: Իսրայելական որոշ լրատվամիջոցներ գրում են, թե Հորդանան գետի արևմտյան ափին էլ սպանվել է ՀԱՄԱՍ-ի հրամանատարը: Վերջին մեկ օրում Լիբանանում ավիահարվածների հետևանքով 37 խաղաղ բնակիչ է զոհվել, 151-ը՝ վիրավորվել: ՑԱԽԱԼ-ը հարավային Լիբանանի 35 բնակավայրերի բնակիչներին կոչ է արել շտապ տարհանվել: Լիբանան-Իսրայել սահմանին գտնվող «Էլ-Մասնա» անցակետի ուղղությամբ Իսրայելի հրթիռային հարվածների հետևանքով Բեյրութ-Դամասկոս միջազգային մայրուղով երթևեկությունը դադարեցվել է: «Ցանկացած ներխուժում Լիբանանի տարածք կամ դրա մասնակի օկուպացիա իրենից կներկայացնի ոտնձգություն համա-արաբական ազգային անվտանգության դեմ»,-այս մասին հայտարարել են Արաբական պետությունների լիգայի անդամները: Այսօր Բեյրութ է մեկնել Իրանի արտգործնախարար Աբբաս Արաղչին: Նա հանդիպելու է Լիբանանի կառավարության անդամների հետ:

ՆԳՆ ոստիկանությունից տեղեկացնում են, որ հոկտեմբերի 3-ին՝ երեկոյան ժամը 19:00-ին, «Գյումրի» բժշկական կենտրոնից ոստիկանություն հաղորդում է ստացվել, որ «պարանոցի կտրած-ծակած վերք» ախտորոշմամբ բուժօգնության է դիմել 32-ամյա մի տղամարդ:

Կոռուպցիոն սկանդալի կենտրոնում է հայտնվել ՔՊ-ական Հովիկ Աղազարյանը: Գործը կապված է մանր եղջերավոր անասունների հետ: News.am-ն է պարզել, որ դրանց արտահանման հարցում ենթադրյալ հովանավորչություն է արել ՔՊ-ական պատգամավորը: Կա քրեական վարույթ: Քննչական կոմիտեից չի հաջողվել ճշտել՝ գործի մանրասմաները:

Բարձրագույն դատական խորհուրդն իր այսօրվա՝ հոկտեմբերի 4-ի նիստում Երևանի ընդհանուր իրավասության քրեական դատարանի դատավոր Արտուշ Գաբրիելյանի նկատմամբ խիստ նկատողություն հայտարարեց՝ բավարարելով ՀՀ արդարադատության նախարարության միջնորդությունը։

Աշխատանքային այցով Հայաստան ժամանած ՆԱՏՕ-ի միջազգային ռազմական շտաբի պետ, գեներալ-լեյտենանտ Յանուշ Ադամչակի գլխավորած պատվիրակությունը հոկտեմբերի 3-ին ՀՀ ՊՆ վարչական համալիրում երկկողմ հանդիպումներ է ունեցել ՀՀ պաշտպանության նախարարի առաջին տեղակալ, ԶՈՒ գլխավոր շտաբի պետ, գեներալ-լեյտենանտ Էդվարդ Ասրյանի ու ՀՀ ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանի հետ: Այս մասին տեղեկացնում են ՀՀ ՊՆ-ից:

ՀՀ կրթության, գիտության, մշակույթի և սպորտի նախարարությունը մեկնարկում է «Տարվա լավագույնները» մրցույթի շրջանակում իրականացվող 2024-2025 ուսումնական տարվա «Ամսվա լավագույններ» (հոկտեմբեր) մրցութային հայտերի ընդունումը: Այս մասին տեղեկացնում են ԿԳՄՍՆ-ից:

Արևմուտքը փորձում է հասնել նրան, որ Հայաստանը դուրս գա ՀԱՊԿ-ից, ասել է ՌԴ Անվտանգության դաշնային ծառայության տնօրենը: Ըստ Ալեքսանդր Բորտնիկովի՝ Արևմուտքը սպառազինությունների արտոնյալ մատակարարումների և անվտանգության երաշխիքների դիմաց է փորձում հասնել դրան: «ՀԱՊԿ-ից դուրս գալը Հայաստանը կդնի ՆԱՏՕ-ից ավելի մեծ կախվածության մեջ Բաքվի հետ հետագա հարաբերությունների հարցում։ Իսկ դա ակնհայտորեն չի նպաստի տարածաշրջանի կայունությանը»,- ասել է Բորտնիկովը:

Դավթաշեն վարչական շրջանում բարդի տեսակի 45 ծառի ապօրինի հատման դեպքով Բնապահպանության և ընդերքի տեսչական մարմնում հարուցված վարչական վարույթի շրջանակներում արձանագրվել է 45 հատ 8-17սմ կոճղի տրամագիծ ունեցող «Արագաաճ բարդի» տեսակի հատված ծառ։

ՊՎԾ ղեկավար Ռոմանոս Պետրոսյանը գրել է. «Հայրենիքն ինձ համար սկսվում է Չինարիից, ավելի կոնկրետ՝ սահմանագլխին վեր խոյացող Խորանաշատ վանական համալիրից, բառի ուղիղ եւ փոխաբերական իմաստներով…

«Վարչապետը հայտարարում է, որ տիրապետում է պետական դավաճանության մասին այնպիսի տվյալների, որի մասին իրավապահ մարմինները տեղյակ չեն, իսկ իրավապահ մարմինները քրեական գործ չեն բացում»,- գրել է քաղաքագետ Ստեփան Դանիելյանը՝ անդրադառնալով Նիկոլ Փաշինյանի՝ հոկտեմբերի 2-ին ԱԺ-ում արած հայտարարությանը։

Երևանի ընդհանուր իրավասության քրեական դատարանի դատավոր Վահե Միսակյանի լիազորությունները դադարեցվեցին։

«Քանի որ մի թերթոն անընդհատ անուն ազգանունս տեղի անտեղի օգտագործում է իր դիտելիությունը ապահովելու համար, ես էլ նպաստեմ դրան։

«Սույն  թվականի սեպտեմբերի 20-ին Ադրբեջանի նախագահ Իլհամ Ալիևը, այցելելով Ադրբեջանի վերահսկողության տակ գտնվող Շուշի, ներկա է գտնվել «Դրոշի հրապարակի» բացմանը, որը կառուցվել է դեռևս 2021 թվականին՝ Ադրբեջանի կողմից ոչնչացված Հայոց ցեղասպանության զոհերին նվիրված հուշակոթողի վայրում։ Համաձայն ադրբեջանական լրատվականների տարածած տեղեկատվության՝ «Դրոշի հրապարակի» մոտ կառուցվելու է նաև «հաղթանակի թանգարանը»՝ նվիրված 44-օրյա պատերազմում Ադրբեջանի տարած հաղթանակին: Նշենք, որ  այստեղ է կառուցվում նաև Ադրբեջանի «հաղթանակը» մատնանշող Շուշիի նոր մզկիթը, որի հիմնարկեքը կատարվել էր դեռևս 2021 թվականի մայիսին Ադրբեջանի նախագահի կողմից: