Լրահոս

Բաքուն օկուպացված Արցախում սպասում է ռուսական ներդրումներին և ուրախ կլինի տեսնել ռուսական ընկերությունների ժամանումը։ Այդ մասին «ՌԻԱ նովոստի»-ին և «Russia Today» միջազգային մեդիա խմբի գլխավոր տնօրեն Դմիտրի Կիսելևին տված հարցազրույցում ասել է Իլհամ Ալիևը։

Պարզվում է, որ Երևանն օդի աղտոտվածությամբ աշխարհի ամենավտանգավոր քաղաքներից է, այս մասին գրել է փաստաբան Վարազդատ Հարությունյանը:

Այսօր՝ դեկտեմբերի 18-ին, ողբերգական ավտովթար է տեղի ունեցել Վայոց ձորի մարզում: Ժամը 02:30-ի սահմաներում Սյունիքի մարզի բնակիչ 50-ամյա Արման Մանգասարյանը իր վարած «KamAZ» մակնիշի ավտոմեքենայով Երևան-Երասխ-Մեղրի ավտոճանապարհի 109 կմ հատվածում՝ Արենի գյուղի վարչական տարածքում, դեռևս անհայտ հանգամանքներում, դեպի Երևան ընթանալիս դուրս է եկել երթևեկելի գոտուց դեպի աջ, բախվել հողաթմբերին և ճամփեզրի ժայռին, ինչի հետևանքով ավտոմեքենան մասամբ հայտնվել է երթևեկելի գոտում:  

Երևանյան հերթական բունտը կարմիր գծերի դեմ է: Մեքենան կենտրոնում կայանելու գինը շեշտակի բարձրացնելուց գրեթե մեկ տարի անց քաղաքը չի բեռնաթափվել, պնդում են վարորդները: Նրանք բողոքում են, որ Երևանում մեքենա կայանելը ավելի քաոսային է դարձել:

Դեկտեմբերի 14-ի ժամը 18-ին «Աբովյան» բժշկական կենտրոնից ՆԳՆ ոստիկանության Կոտայքի մարզի օպերատիվ կառավարման կենտրոն հաղորդում է ստացվել, որ կտրած-ծակած վերքերով բուժօգնության են տեղափոխվել 21-ամյա երկու երիտասարդ, որոնցից մեկը՝ Բյուրեղավանի, մյուսը՝ Աբովյանի բնակիչ:

Դեկտեմբերի 18-ին, ժամը 00:35-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Իջևան քաղաքի Նար-Դոս թաղամասի վերջնամասում այրվում է կայանած ավտոմեքենա։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ դեկտեմբերի 18-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Քամին արևմտյան 4-9մ/վ, դեկտեմբերի 19-ին առանձին շրջաններում սպասվում է քամու ուժգնացում՝ 17-20մ/վ արագությամբ, դեկտեմբերի 18-ին՝ 15-20մ/վ, առանձին շրջաններում՝ մինչև 25-30մ/վ արագությամբ։

«Հրապարակ» թերթը գրում է. «Նախկին իշխանական, ներկայում քաղհալածյալ պատգամավոր Հովիկ Աղազարյանը գիրք է գրում, որն անվանելու է «Երկրի իրական կողմը»: Եթե հիշում եք, ընդհատակում գտնվելու ժամանակ՝ 2008-2009 թվականներին, Նիկոլ Փաշինյանը «Երկրի հակառակ կողմը» վերնագրով գիրք էր գրել։ Ինչո՞ւ «իրական կողմը», հակադրվո՞ւմ եք Փաշինյանին՝ հարցրինք Աղազարյանին։ «Բացարձակ հակադրում չի լինելու, գիրքը լինելու է ինքնակենսագրական, եւ հիմնական մասը նվիրված է լինելու իմ այն հեռախոսի պարունակությանը, որն այսօր գտնվում է չգիտեմ որտեղ»,- ասաց նա։

«Հրապարակ» թերթը գրում է. «Պարզվում է՝ ՄԻՊ Անահիտ Մանասյանը ոչ միայն իրեն Հայաստանի լավագույն իրաբավանն է համարում, այլեւ դիցուհի` բառի ամենաիսկական իմաստով: Մեզ պատմեցին, որ Մանասյանն արծաթյա զարդ է պատվիրել՝ թեւնոց, որի վրա պատվիրել է փորագրել «Դիցուհի»։

Հայաստանում տեղեկատվական տեխնոլոգիաների զարգացման մի նոր քայլ է անում OVIO-ն՝ Դալան տեխնոպարկի հետ: 2026-ին Հայաստանում շահագործման հանձնվող տեխնոպարկում կգործի OVIO-ի՝ արտոնյալ պայմաններով ինտերնետ ծառայությունը:

«Հրապարակ» թերթը գրում է. «Գյումրու փրայմերիզի արդյունքներով հաղթած անկուսակցական Սարիկ Մինասյանին Նիկոլ Փաշինյանի հետ հանդիպումից եւ համայնքի ղեկավարի ժամանակավոր պաշտոնակատար նշանակվելուց անմիջապես առաջ ՔՊ-ից զանգել են եւ տեղեկացրել, որ 7 թեկնածուներով պետք է Երեւան գնան, եւ զգուշացրել են, որ ՔՊ կուսակցությանն անդամագրվելու դիմումը հետը տանի` վարչապետն է ասել։

«Իրավունք» թերթը գրում է. «ՔՊ-ում շարունակվում են ներքին խմորումները։ Մասնավորապես, ըստ իշխանական աղբյուրների, վերջին շրջանում ակտիվացել են կին պատգամավորները։

«Իրավունք» թերթը գրում է. «Գլխավոր դատախազը հունվարի 20-ին կգա ԱԺ ու կառաջարկի Հովիկ Աղազարյանին զրկել անձեռնմխելիությունից, որից հետո նրան կա´մ կկալանավորեն, կա´մ կենթարկեն տնային կալանքի: Այս մասին հայտարարել է Աղազարյանի փաստաբան Հակոբ Ճաղարյանը:

«Իրավունք» թերթը գրում է. «Աշտարակի ոստիկանապետ Սերգեյ Մարտիրոսյանն ազատման դիմում է գրել: Ներքին գործերի նախարարությունը շտապել է տեղեկացնել, որ ոստիկանապետի պաշտոնանկությունը կապված չէ Արագածոտնի մարզպետ Սերգեյ Մովսիսյանի օգնական Արմեն Մարկոսյանին թմրանյութ պահելու, օգտագործելու եւ շրջանառելու կասկածանքով բերման ենթարկելու աղմկոտ թեմայի հետ:

«Ժողովուրդ» օրաթերթը գրում է. «ՔՊ-ն Նիկոլ Փաշինյանի հրահանգով Ասլանյանին հեռացրեց ոչ միայն խմբակցությունից, այլ նաեւ կուսակցությունից։

«Ժողովուրդ» օրաթերթը գրում է. «ՀՀ վարչապետ Նիկոլ Փաշինյանի աշխատակազմի ղեկավար Արայիկ Հարությունյանի կոռուպցիոն հակումները քննարկվել են կուսակցության՝ վերջերս կայացած վարչության, ապա ակտիվի նիստում:

«Ժողովուրդ» օրաթերթը գրում է. «ՔՊ-ականները, ովքեր դեռ մարդկային «բարև»-ի մակարդակով շփում ունեն ՔՊ-ից հեռացված Հովիկ Աղազարյանի հետ, մինչ օրս շարունակում են ջանքեր գործադրել, նաև ստիպել, որոշներն էլ բարեկամաբար համոզել Աղազարյանին, որ վայր դնի մանդատը եւ հեռանա խորհրդարանից:

Դեկտեմբերի 17-ին, ավտովթար է տեղի ունեցել Արագածոտնի մարզում: Ժամը 13:20-ի սահմաններում Երևան-Գյումրի ավտոճանապարհի 60-րդ կմ հատվածում՝ Սասնաշեն բնակավայրի վարչական տարածքում, բախվել են «BMW X5», «Chevrolet», «Opel Astra» և «ՎԱԶ 21014» մակնիշի ավտոմքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի հոսպիտալացվել է «Թալին» բժշկական կենտրոն: Վթարի փաստով ՊԾ Արագածոտնի մարզի գումարտակում փաստաթղթեր են ձևակերպվում, որտեղ էլ պարզվում է վարորդների և վիրավորի ինքնությունը: Ֆոտոլրագրողը հայտնում է, որ բախման հետևանքով «BMW X5»-ը մասամբ կողաշրջվել է, նրա և «Opel»-ի անվահեծաններից մեկը կոտրվել է:

Երևանի քաղաքապետարանի ենթակայության տակ գործող «Երևան ավտոբուս» ՓԲԸ-ի վարորդներն Oragir.News-ի հետ զրույցում բողոքում են, որ 1 կամ 2 օր բացակայության համար իրենց աշխատավարձերից պահվում է մի քանի անգամ շատ գումար, քան իրենց 1 օրվա հասույթն է։ Վարորդներից մեկը, ում անունն իր իսկ խնդրանքով չենք նշում, ասաց, որ իր գործընկերը վարում է 16 համարի երթուղին սպասարկող «Ժոնգթոնք» մակնիշի կապույտ ավտոբուսը, 14 օրվա փոխարեն 13 օր է աշխատել, բայց 40․000 դրամ քիչ աշխատավարձ են վճարել։ «Մենք ստանում ենք մոտ 310․000 աշխատավարձ, ընդամենը 1 օր է բացակայել, այն էլ նախապես տեղեկացրել է, աշխատավարձ է ստացել 268․000 դրամ՝ 42․000 դրամ պակաս։ Մենք օրը 40․000 աշխատո՞ւմ ենք, որ այդքան գումար են պահել մարդու աշխատավարձից»,- ասաց մեր զրուցակիցը։ Oragir.News-ը խնդրի վերաբերյալ պարզաբանում ստանալու նպատակով կապ հաստատեց Երևանի քաղաքապետարանի լրատվության վարչություն, որտեղից պատասխանեցին՝ տվյալ վարորդը բացակայել է ոչ թե 1, այլ 2 օր։ «Տվյալ վարորդն աշխատել է 12 օր ու ստացել է 12 օրվա լիարժեք աշխատավարձ։ Դա փաստաթղթավորված է, լրիվ հիմքերով, կարող ենք որպես ապացույց տվյալ փաստաթուղթը տրամարդել։ 309․500 դրամը, որ բաժանեք 14 օրվա վրա, կստանաք այնքան գումար, որքան, որ ստացել է տվյալ վարորդը»։