Լրահոս

«Եվ այսպես, իշխանությունն արդեն երկու զիջմամբ արձագանքեց Ադրբեջանից հնչող շանտաժ/սպառնալիքին, իսկ թե զիջումների ցանկը որքանով կընդլայնվի` կերևա առաջիկայում:

Հունվարի 12-ին ՀՀ ՆԳՆ ոստիկանության Երևան քաղաքի վարչությունում տեղեկություններ են ստացվել, որ Երևանի բնակիչ 49-ամյա Յուրի Ու․-ն իր մոտ պահում է թմրամիջոց, զենք և այլ կասկածելի իրեր։ Այս մասին հայտնում է Shamshyan.com-ը։

Ցականյանը գեներալի կոչում էր ստացել  2024 թվականի մայիսի 24-ին՝ սահմանազատման և սահմանագծման գործընթացի ֆոնին:

Մոտ 4 ժամից Վաշինգտոնում Հայաստանի արտգործնախարար Արարատ Միրզոյանն ու ԱՄՆ պետքարտուղար Էնթոնի Բլինքենը ստորագրելու են Հայաստան-Միացյալ Նահանգների ռազմավարական գործընկերության մասին փաստաթուղթ: Փորձագետների խոսքով՝ դա կարող է քաղաքական օգուտներ տալ Հայաստանին, սակայն անվտանգության երաշխիքներ պետք չէ ակնկալել Վաշինգտոնից:

Հունվարի 14-ին ավտովթար է տեղի ունեցել Արարատի մարզում։ Ժամը 10։00-ի սահմաններում Արտաշատ քաղաքի Շահումյան փողոցում բախվել են «ՎԱԶ 2107» մակնիշի և «Toyota Corolla» մակնիշի ավտոմեքենաները։ Այս մասին հայտնում է Shamshyan.com-ը։

Սուր շնչառական վարակները չեն անհանգստացնում առողջապահության նախարարին: Նա հայտարարել է, որ սեզոնային հիվանդությունների ակտիվացման ռիսկ կա: Ավանեսյանն այսօր անդրադարձել է նաև աղմուկ հանած օնլայն դեղատոմսերին:

Եվրամիությունը մանրամասն կուսումնասիրի Հայաստանի անդամակցության հնարավոր դիմումը, այսօր հայտարարել է դաշինքի ընդլայնման հարցերով հանձնակատար Մարտա Կոսը՝ ելույթ ունենալով Բրյուսելում Եվրոպական խորհրդարանի արտաքին գործերի հանձնաժողովում, փոխանցում է Ազատությունը:

Հունվարի 14-ին, ժամը 15:29-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արտաշիսյան փողոցում գտնվող ավտոտնակներից մեկից ծուխ է նկատվում։

Հայլուր 20։30 Սպառնալից ցնցումների պահին ի՞նչ ընտրություն է անում Հայաստանը,ի՞նչ դիրք է բռնում Իրանը

«Ճանապարհային դեպարտամենտից» տեղեկացնում են՝ ժամը 19:35-ի դրությամբ Հրազդանի, Սևանի, Աշտարակի, Թալինի, Նաիրիի և Արարատի տարածաշրջաններում մառախուղ է, տեսանելիությունը՝ 50-100 մետր։

Մոսկվան, որ բավականին կոշտ է արձագանքում Հայաստանի՝ եվրաինտեգրման վերջին քայլին, հայ-ամերիկյան ռազմավարական գործընկերության շուրջ, կարծես, մեծ աղմուկ չի բարձրացնում: Վաշինգտոնի հետ համաձայնագիր կնքելը «Հայաստանի սուվերեն որոշումն է», ասել են Լավրովն ու Պեսկովը: Միևնույն ժամանակ, Ռուսաստանի արտգործնախարարը կարծիք է հայտնել, որ Միացյալ Նահանգները Հայաստանին կստիպի միանալ հակառուսական պատժամիջոցներին:

Քաղաքացիներն արդեն կարող են ներկայացնել եկամտային հարկի վերադարձի դիմումները։ Այս մասին հայտնում են ՊԵԿ տեղեկատվության և հասարակայնության հետ կապերի բաժնից։

ՀՀ կրթության, գիտության, մշակույթի և սպորտի նախարար Ժաննա Անդրեասյանը և Երևանի քաղաքապետ Տիգրան Ավինյանը կնքել են մշակույթի ոլորտում համագործակցության հուշագիր: Համաձայն հուշագրի՝ նախատեսվում է Հանրապետության 32 հասցեում գտնվող հուշարձան-շենքում հիմնել Գրականության և արվեստի թանգարանի մասնաճյուղ՝ նվիրված սփյուռքահայ նկարիչ, գորգանկարիչ, հողարվեստի ուղղության հիմնադիր Մարկոս Գրիգորյանին: Ստորագրման արարողությանը ներկա են եղել ԿԳՄՍ նախարարի տեղակալ Ալֆրեդ Քոչարյանը, Գրականության և արվեստի թանգարանի տնօրեն Սյուզաննա Խոջամիրյանը: Հուշագրի շրջանակում ԿԳՄՍ նախարարությունը և Երևանի քաղաքապետարանն իրենց լիազորությունների շրջանակում կօժանդակեն Հանրապետության 32 հասցեում գտնվող հուշարձան-շենքում Մարկոս Գրիգորյանի ստեղծագործությունների ցուցադրմանը` նվիրված արվեստագետի ծննդյան 100-ամյակին, որը լրանում է այս տարի: Նախատեսվում է նաև նրա կյանքին և գործունեությանը վերաբերող ժամանակավոր ցուցահանդեսների և միջոցառումների կազմակերպում: Երևանի քաղաքապետն ու ԿԳՄՍ նախարարը շրջել են հուշարձանի տարածքում, ծանոթացել պայմաններին և քննարկել նախատեսվող աշխատանքները: «Հուշագրի կետերից ամենաառանցքայինն այս շենքում Մարկոս Գրիգորյանին նվիրված թանգարանի հիմնումն է: Այս տարի նշվում է նրա 100-ամյակը, և սա լավագույն նվերը կլինի՝ մեծարելու նրա ստեղծագործական վաստակը»,- ասել է ԿԳՄՍ նախարարի տեղակալ Ալֆրեդ Քոչարյանը` հավելելով, որ հուշարձան-շենքի ճարտարապետությունը ոճային առումով համահունչ է Մարկոս Գրիգորյանի ստեղծագործություններին: Երևանի քաղաքապետ Տիգրան Ավինյանը կարևորել է համագործակցությունը և նշել է, որ Երևանի քաղաքապետարանի կողմից հատկացված թանգարանային տարածքում կիրականացվեն վերանորոգման և բարեկարգման աշխատանքներ: «Թանգարանը դառնալու է Երևանի կարևոր մշակութային վայրերից մեկը թե՛ տեղացիների, թե՛ զբոսաշրջիկների համար»,- վստահություն է հայտնել քաղաքապետը:

Լոս Անջելեսի հայաշատ Գլենդել քաղաքում արտակարգ իրավիճակի երկրորդ մակարդակ է հայտարարվել: Քաղաքապետ Էլեն Ասատրյանը հայտնել է, որ առաջիկա ժամերին ուժեղ քամիներ են սպասվում, ինչն ավելի է մեծացնում կրակի արագ տարածման վտանգը: Հրշեջ ինքնաթիռները Լոս Անջելեսը վարդագույն են «ներկում»: Հրդեհային հատուկ խառնուրդներ են կիրառվում կրակի տարածումը կասեցնելու համար:

Հունվարի 13-ին Գավառ քաղաքի բնակիչ 77-ամյա տղամարդը զանգահարել է Համայնքային ոստիկանության Գավառի բաժին և հայտնել, որ նույն օրը ոսկյա զարդերի իր խանութից մոտ կես ժամով բացակայել է սրահի դուռը բաց թողնելով՝ մտել մոտակա մթերային խանութ, այդ ընթացքում էլ գողացել են 12 միլիոն դրամի ոսկյա և ադամանդե զարդեր։ Տղամարդը մի քանի ոսկյա զարդ գտել է խանութի մոտակայքում: Գեղարքունիքի մարզի քրեական և Գավառի համայնքային ոստիկանների համատեղ միջոցառումների արդյունքում գողություն կատարելու հիմնավոր կասկածով ձերբակալվել և Գեղարքունիքի մարզային վարչություն է տեղափոխվել Գավառի բնակիչ 58-ամյա մի տղամարդ։ Բաժնում նա հայտնել է, որ ոսկյա զարդերի խանութ-սրահից գողությունը կատարել է ինքը, իսկ գողոնը թաքցրել է իր բնակարանում: Կազմված փաստաթղթերը ներկայացվել են Գավառի քննչական բաժին:

UFC-ի խառը մենամարտերի թեթև քաշային կարգի (70 կգ) դասակարգման առաջին համար, Հայաստանը ներկայացնող Արման Ծառուկյանը նշել է ինչպես է տոնելու հաղթանակը նույն քաշային կարգում գործող չեմպիոն Իսլամ Մախաչևի դեմ տիտղոսային ռևանշ-մենամարտում։ «Իհարկե, մենք ամբողջ գիշեր տոնելու ենք։ Ցանկանում եմ նշել ընտանիքիս, թիմիս հետ։ Հետո կմեկնեմ Հայաստան, Վրաստան, Ռուսաստան։ Կյանքիս մեծ մասն անցկացնում եմ այս վայրերում։ Ես պարզապես շնորհակալություն կհայտնեմ այն ​​մարդկանց, որոնք օգնեցին ինձ և թույլ կտամ, որ նրանք բռնեն գոտին: Բայց գոտին կմնա Ռուսաստանում»,- Armsport-ի փոխանցմամբ՝ ասել է Ծառուկյանը New York Post Sports-ին տված հարցազրույցում։ Մախաչևն ու Ծառուկյանը կմրցեն UFC թեթև քաշային կարգի չեմպիոնական գոտու համար UFC 311 մրցաշարում, որը կկայանա հունվարի 18-ին՝ լույս 19-ի գիշերը Լոս Անջելեսում:

Ռուսաստան ՀՀ ԱԳ նախարար Արարատ Միրզոյանի այց նախատեսվում է։ Այն պլանավորվել է ավելի քան 2 ամիս առաջ: Այս մասին NEWS.am–ին հայտնեց ՀՀ ԱԳՆ մամուլի խոսնակ Անի Բադալյանը։ Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Արարատ Միրզոյանը հրավիրվել է Ռուսաստան, և նրա այցը կարող է տեղի ունենալ մոտ ապագայում։ «Մեր երկխոսությունը Հայաստանի հետ շարունակվում է։ Արարատ Միրզոյանը հրավիրվել է Ռուսաստանի Դաշնություն։ Նա ընդունել է հրավերը, մենք սպասում ենք նրան։ Հուսով եմ՝ այցը շուտով կկայանա», - ընդգծել էր Լավրովը։

Երեխաների մոտ վնասվածքների առաջացման խնդրում էական նշանակություն ունեն նրանց անատոմիաֆիզիոլոգիական և  հոգեբանական առանձնահատկությունները, ֆիզիկական և մտավոր զարգացումը, կենցաղային հմտությունների անբավարարությունը, մեծ հետաքրքրասիրությունը և այլն:

ՏԿԵ նախարար Դավիթ Խուդաթյանը այսօր ընդունել է Հայաստանում Գերմանիայի Դաշնային Հանրապետության դեսպան Կլաուդիա Բուշի գլխավորած պատվիրակությանը։ «Ողջունել եմ հյուրերին և ընդգծել գերմանական կողմի հետ ունեցած համագործակցության կարևորությունը։ Առանձնացրել եմ Հայաստանում համատեղ իրականացվող մի շարք հաջող ծրագրեր, որոնց թվում է համայնքներում քաղաքացիների սպասարկման գրասենյակների հիմնումը, որտեղ մեր քաղաքացիները «մեկ պատուհան» սկզբունքով կարողանում են օգտվել մի շարք ծառայություններից։ Կարևորել եմ նաև միջտարածաշրջանային համագործակցությունը, ընդգծել եմ, որ Հայաստանի և Գերմանիայի միջև միջտարածաշրջանային համագործակցությունը բավական ընդգրկուն է։ Ակտիվ ընթացքի մեջ է Հայաստանի և Գերմանիայի մի շարք մարզերի ու քաղաքների միջև համագործակցությունը։ Հանդիպման ժամանակ անդրադարձ է կատարվել նաև էներգետիկ և ջրային ոլորտներում համագործակցության վերաբերյալ հարցերին, աշխատանքային այլ հարցերի ևս»,- ասված է գրառման մեջ։

Հայլուր 18։30 Արտակարգ դրություն է Գլենդելում. կատաղի վեճեր է բորբոքել ապոկալիպտիկ հրդեհը