Լրահոս

Ապրիլի 23-ին վիճաբանություն և ծեծկռտուք է տեղի ունեցել Սյունիքի մարզում։ Ժամը 02։10-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կապանի բաժնում տեղեկություն է ստացվել, որ աստիճաններին վայր ընկնելու հետևանքով «գլխուղեղի ցնցում, ակնակապճի շրջանի հեմատոմա» ախտորոշմամբ հարազատի ուղեկցությամբ «Կապան» բժշկական կենտրոն բուժօգնության է տեղափոխվել մի քաղաքացի։ Shamshyan.com-ի հաղորդմամբ՝ հիվանդանոց է մեկնել ոստիկանության Կապանի բաժնի օպերատիվ խումբը, որտեղ պարզվել է, որ տուժածը Սյունիքի մարզի բնակիչ 20-ամյա Հրաչիկ Պ․-ն է։ Ոստիկանության Կապանի բաժնի ծառայողների կողմից ձեռնարկված միջոցառումների արդյունքում պարզվել է, որ Հրաչիկ Պ․-ին մարմնական վնասվածքները պատճառել են Սյունիքի մարզի բնակիչներ 21-ամյա Տիգրան Լ․-ն, 17-ամյա Ն․ Բ․-ն, 17-ամյա Ն․ Հ․-ն, 15-ամյա Վ․ Ա․-ն և 16-ամյա Շ․ Գ․-ն՝ Կապան քաղաքի թիվ 5 միջնակարգ դպրոցի հարակից տարածքում՝ ծեծի ենթարկելու հետևանքով։ Ֆոտոլրագրողի տեղեկություններով վերոնշյալ անձինք նույն օրը ոստիկանների կողմից հայտնաբերվել են և տեղափոխվել ոստիկանության Կապանի բաժին։ Դեպքի փաստով ոստիկանության Կապանի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Սյունիքի մարզային քննչական վարչություն:

Երևանում ոչ միայն եվրապաշտոնյաների, այլև Ուկրաինայի նախագահի՝ Ռուսաստանի հասցեին հնչեցրած սպառնալիքները աննկատ չի թողնելու Մոսկվան, որքան էլ ՔՊ-ականները պնդեն, թե «Ռուսաստանի հետ հարաբերությունները զարգացնում են բոլոր ոլորտներում», համոզված է ընդդիմությունը:

Իշխանությունը փոխում է ամեն ինչ, բայց` ոչ բոլորին։ «Ռոբերտ Քոչարյան. Ինչպես որ կամ» երկմասանոց մեծ ֆիլմի բացառիկ ցուցադրությունը՝ «5»-ի եթերում Մայիսի 6-ին՝ ժամը 21։30-ին

«Մայիսի 5-ին Ռուսաստանի արտաքին գործերի նախարար Սերգեյ Լավրովը հեռախոսազրույց է ունեցել ԱՄՆ պետքարտուղար Մարկո Ռուբիոյի հետ։ Արտաքին գործերի նախարարները քննարկել են միջազգային հարաբերությունների ներկայիս իրավիճակը և ռուս-ամերիկյան հարաբերությունները, ինչպես նաև քննարկել երկկողմ շփումների ժամանակացույցը», - հայտնել է նախարարությունը։

«Մեր խնդիրն այն է, որ ԱՄՆ-ը, մի կողմից, վարում է մեր երկրի նկատմամբ առավելագույն ճնշման քաղաքականություն, մյուս կողմից՝ ակնկալում է տեսնել Իրանին բանակցությունների սեղանի շուրջ և, ի վերջո՝ կապիտուլյացիա միակողմանի պահանջների առջև, սակայն նման հավասարումն անհնար է և անիրատեսական», - ասված է հաղորդագրության մեջ։ Իրանի նախագահն այս մասին հայտարարել է Իրաքի վարչապետի թեկնածու Մուհամեդ Ալի ազ-Զեյդիի հետ հեռախոսազրույցի ընթացքում։ ԱՄՆ-ը և Իսրայելը փետրվարի 28-ին սկսել են հարվածներ հասցնել Իրանի տարածքում գտնվող օբյեկտներին, ագրեսիայի զոհ է դարձել ավելի քան 3 հազար մարդ։ Վաշինգտոնը և Թեհրանը ապրիլի 8-ին հայտարարեցին երկշաբաթյա հրադադարի մասին։ Դրանից հետո Իսլամաբադում անցկացված բանակցություններն ավարտվեցին անարդյունք։

Մայիսի 5-ին Երևանում՝ Հայաստան-ԵՄ անդրանիկ գագաթնաժողովի շրջանակներում, ՀՀ ԱԳ նախարար Արարատ Միրզոյանը հանդիպում է ունեցել Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասի հետ:

Նոր կրակոցներ ու ևս մեկ զոհ՝ Երևանոււմ: Բագրատունյաց փողոցից հրազենային վնասվածքներով հիվանդանոց տեղափոխված 40 տարեկան տղամարդը մահացել է: Դեպքի վայր է գնացել «Հայլուրը»: Հանցագործության վայրում չեն ճանաչում սպանվածին: Բայց շոկի մեջ են՝ օրը ցերեկով, իրենց քթի տակ մարդ են սպանել:

Ազգային ժողովի նախագահի տեղակալ Ռուբեն Ռուբինյանը մայիսի 5-ին հանդիպել է Լիտվայի Հանրապետության Սեյմասի փոխնախագահ Ռադվիլե Մորկունայտե-Միկուլենյենեի գլխավորած պատվիրակության հետ: Ողջունելով «Երեւանյան երկխոսություն» 2026 միջազգային համաժողովին մասնակցելու նպատակով Հայաստան ժամանած հյուրերին` Ռուբեն Ռուբինյանը կարեւորել է Հայաստան-Լիտվա սերտ համագործակցությունը: Քննարկվել են Հայաստան-Եվրամիություն հարաբերությունների խորացմանն ու ԵՄ վիզաների ազատականացման գործընթացին առնչվող հարցեր:

Ավելին, հատուկ ներկայացուցիչները մատնանշել են պատմական Անիի (Մետաքսի ճանապարհի) կամրջի համատեղ վերականգնման արձանագրության ստորագրումը։ Նրանք ընդգծել են, որ այդ նախաձեռնությունը կակտիվացնի երկկողմ համագործակցությունը, կընդլայնի ինստիտուցիոնալ կապը և նշանակալիորեն կնպաստի տարածարջանային զբոսաշրջությանը։

Այսօր նախագահական նստավայրում միանգամից մի քանի միջոցառումներ են միմյանց հաջորդել: Նախ Հայաստան-Եվրամիություն գագաթնաժողովն է եղել, հետո Երևանյան եկխոսությունն է շարունակվել, ապա Նիկոլ Փաշինյանը Էմանուել Մակրոնին է ընդունել: Ֆրանսիայի նախագահը մեր երկիր է ժամանել կիրակի, բայց այսօր է սկսել նրա պետական այցը Հայաստան:

2025 թվականի փետրվարի 28-ին Զելենսկին ժամանել էր Սպիտակ տուն՝ ԱՄՆ նախագահի հետ հանդիպման։ Լրագրողների ներկայությամբ տեղի ունեցած զրույցի ընթացքում նրանց միջև վիճաբանություն է սկսվել, որի ժամանակ ամերիկյան առաջնորդը Զելենսկուն մատնանշել է Միացյալ Նահանգների նկատմամբ անհարգալից վերաբերմունքը, իսկ ԱՄՆ փոխնախագահ Ջեյ Դի Վենսը՝ այն, որ նա մոռացել է շնորհակալություն հայտնել Վաշինգտոնին Կիևին ցուցաբերվող աջակցության համար։ Հանդիպման արդյունքներով նախատեսված մամուլի ասուլիսը չեղարկվել էր։

Հայ-թուրքական հարաբերությունների կարգավորման թուրք բանագնաց Սերդար Քըլըչը Երևանում իրեն տանն է զգում, բայց չի ասում, թե երբ է, ի վերջո, բացվելու Հայաստան-Թուրքիա սահմանը:

«Բաքվում տեղի է ունեցել Ջեյհուն Բայրամովի և Կայա Կալասի հանդիպումը։ Զրույցի ընթացքում ընդգծվել է Ադրբեջանի և Եվրոպայի միջև երկխոսության, նոր երկկողմ համաձայնագրի շուրջ բանակցոաւթյունների վերսկսման և գործընկերության առաջնահերթությունների վերաբերյալ փաստաթղթի շուրջ ընթացող բանակցությունների կարևորությունը», - ասված է գերատեսչության հայտարարության մեջ։ ԱԳՆ-ից հավելել են նաև, որ Բայրամովն ու Կալասը մտքեր են փոխանակել արդեն իսկ գոյություն ունեցող ծրագրերի և կառույցների շրջանակներում Ադրբեջան-ԵՄ համագործակցության զարգացման վերաբերյալ։

Հայլուր 20։30 Թուրք-եվրոպական օր՝ Երևանում. վտանգավոր ճանապարհ է դուրս եկել Հայաստանը

Երևանում վտանգավոր վազանցի հետևանքով ավտոբուսին բախված 19-ամյա երիտասարդը ոչ միայն պատասխանատվության չի ենթարկվել, այլև սոցիալական իր հարթակներից մանրամասներ է պատմում ապրիլի 23-ին Մյասնիկյան պողոտայում մեկ այլ մեքենայի, ապա ավտոբուսի հետ բախման մասին: Վթարի պահին կասեցված է եղել նրա վարելու իրավունքը:

ՀՀ Կենտրոնական ընտրական հանձնաժողովը մայիսի 5-ի արտահերթ նիստում սահմանել է Ազգային ժողովի 2026 թվականի հունիսի 7-ի հերթական ընտրություններում տեղամասային ընտրական հանձնաժողովների նախագահների և քարտուղարների պաշտոնները Ազգային ժողովում խմբակցություն ունեցող կուսակցությունների, կուսակցությունների դաշինքի միջև: Այս մասին հայտնում են ԿԸՀ-ից։ ՏԸՀ նախագահների ու քարտուղարների բաշխումն «Ընտրություններ» ավտոմատացված համակարգի միջոցով իրականացվել է հետևյալ համամասնությամբ` «Քաղաքացիական պայմանագիր» կուսակցություն` 1331-ական, «Հայաստան» կուսակցությունների դաշինք` 543-ական, «Պատիվ ունեմ» կուսակցությունների դաշինք` 131-ական։ Տեղամասային ընտրական հանձնաժողովում անդամներ նշանակելու մասին հայտերը Կենտրոնական ընտրական հանձնաժողով ներկայացվում են մայիսի 8-ից 13-ը ներառյալ՝ մինչև ժամը 18:00։ Հայտերն ուղարկվելու են խորհրդարանում խմբակցություն ունեցող կուսակցությունների/դաշինքների, ինչպես նաև ԸԸՀ-ների կողմից։ ԿԸՀ-ն ՏԸՀ ձևավորելու իրավասություն չունի։

Ինչպես գրում է պորտալը, մայիսի 3-ին ԱՄՆ-ը մասնավոր կարգով տեղեկացրել է Իրանին Օրմուզի նեղուցում Project Freedom («Ազատություն» նախագիծ) գործողության մեկնարկի մասին, որն ուղղված է նեղուցից նավերի անվտանգ դուրսբերմանը՝ իբր «հնարավոր էսկալացիայի ռիսկը նվազեցնելու» նպատակով։ Միևնույն ժամանակ, Axios-ը ուշադրություն է հրավիրել Պենտագոնի ղեկավար Փիթ Հեգսեթի խոսքերին, ով երեքշաբթի ավելի վաղ հայտարարել էր, թե Իրանի հետ հրադադարի ռեժիմը պահպանվում է՝ չնայած Օրմուզի նեղուցում ամերիկյան ռազմական գործողությանը։ Չնայած դրան՝ ամերիկյան և իսրայելական որոշ պաշտոնյաներ համոզված են, որ բանակցություններում փակուղու պահպանման դեպքում Թրամփը կարող է այս շաբաթվա վերջին պատերազմը վերսկսելու հրաման տալ, գրում է պորտալը։ ԱՄՆ-ը և Իսրայելը Իրանի դեմ պատերազմը սկսել են փետրվարի 28-ին։ Ապրիլի 7-ին ԱՄՆ նախագահը հայտարարեց Իսլամական Հանրապետության հետ երկշաբաթյա փոխադարձ հրադադարի մասին։ Իրանական կողմի տվյալներով՝ պատերազմի 40 օրվա ընթացքում ամերիկա-իսրայելական հարվածների հետևանքով զոհվել է 3,375 իրանցի։ Ապրիլի 11-ին Թեհրանի և Վաշինգտոնի պատվիրակությունները բանակցություններ վարեցին Իսլամաբադում, սակայն մի շարք հակասությունների պատճառով համաձայնության չեկան հակամարտության երկարաժամկետ կարգավորման հարցում։ Ապրիլի 21-ին ԱՄՆ նախագահը հայտարարեց Իրանի հետ հրադադարի ռեժիմը երկարաձգելու մտադրության մասին։ Ինչպես հաղորդել է Իրանի պետական հեռուստատեսությունը, Թեհրանը մտադիր չէ ճանաչել Վաշինգտոնի կողմից միակողմանիորեն հայտարարված հրադադարի երկարաձգումը և գործելու է իր շահերին համապատասխան։ Մայիսի 1-ին ամերիկյան վարչակազմի ղեկավարը պաշտոնապես տեղեկացրել է ԱՄՆ Կոնգրեսի ղեկավարությանը, որ Սպիտակ տունը Իրանի հետ պատերազմը համարում է ավարտված։ Սակայն այս քայլը, ըստ ամենայնի, բացատրվում էր գլխավորապես ներպետական օրենսդրության դրույթներին հետևելու անհրաժեշտությամբ, որոնք կարգավորում են ԱՄՆ զինված ուժերի կիրառումն արտասահմանյան հակամարտություններում։

Մայիսի 5-ին, ժամը 15։34-ին Կոտայքի մարզային օպերատիվ կառավարման կենտրոն ահազանգ է ստացվել, որ Երևան-Սևան ավտոճանապարհի գազալցակայաններից մեկի մոտակայքում տեղի է ունեցել ՃՏՊ, կա տուժած․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ բախվել են երկու «Ford», «Tesla», «Nissan» և «Jeep» մակնիշների ավտոմեքենաները: Փրկարարները հոսանքազրկել են ավտոմեքենաները, դադարեցրել վառելիքի արտահոսքը և երեք տուժածի մոտեցրել շտապօգնության մեքենային։

ՔՊ-ի վերարտադրությունը ձեռնտու է Ադրբեջանի ղեկավարությանը և կարող է վտանգավոր հետևանքներ ունենալ Հայաստանի համար, ահազանգում է խորհրդարանի ամենամեծ ընդդիմադիր ուժը և առաջիկա ընտրություններին ակտիվ մասնակցելու կոչ անում:

Ադրբեջանի արտաքին գործերի նախարար Ջեյհուն Բայրամովը դիմավորել է Եվրոպական միության արտաքին գործերի ու անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Կայա Կալասին։ Այս մասին նշված է ԱԳՆ-ի «X»-ի էջում կատարված հրապարակման մեջ։ Նշվում է, որ այցն ընդգծում է Ադրբեջանի և ԵՄ-ի միջև կապերի ու երկխոսության կարևորությունը՝ փոփոխվող տարածաշրջանային և գլոբալ դինամիկայի ֆոնին։ «Սա հնարավորություն է ստեղծում ընդլայնելու համագործակցությունը՝ հիմնված փոխադարձ հարգանքի և ընդհանուր շահերի վրա», - ասված է հաղորդագրության մեջ։