Լրահոս

Ամերիկյան ավիաուղիների ինքնաթիռ է հրդեհվել Դենվերի օդանավակայանում: Կոլորադո Սփրինգսից Դալլաս չվերթ կատարող Boeing 737-800-ը ստիպված է եղել արտակարգ վայրէջք կատարել Դենվերում այն բանից հետո, երբ անձնակազմը հայտնել է շարժիչի հետ կապված խնդիրների մասին: Օդանավի շարժիչներից մեկը բռնկվել է վայրէջքից հետո դեպի տերմինալ շարժվելիս: Բոլոր 172 ուղևորներն ու անձնակազմի 6 անդամները արագ տարհանվել են: 20 մարդ թեթև վնասվածքներով հիվանդանոց է տեղափոխվել: Հայտնի է, որ վայրէջքից առաջ ինքնաթիռը մեկ ժամ օդում է եղել՝ չվերթից շեղվելու պատճառով: Շարժիչի բռնկման պատճառները պարզվում են:

Դուք պարտավոր եք ՀՀ քաղաքացիներին վերադարձնել ՀՀ և մի փորձեք հայ ժողովրդի վրա վաճառել, որ ձեր գործողությունների արդյունքում էն մարդիկ, ովքեր հայտնվել են Բաքվում գերության մեջ, այ ձեզ հաջողվել է 100-ից ավել մարդու վերադարձնել ՀՀ։ Այս մասին այսօր՝ մարտի 14-ին, ԱԺ-ում հայտարարեց ԱԺ «Հայաստան» խմբակցության պատգամավոր Ագնեսա Խամոյանը։

Մարտի 12-ին ոստիկանության Սյունիքի մարզի օպերատիվ կառավարման կենտրոնից Համայնքային ոստիկանության Կապանի բաժին ստացվել է ահազանգ, որ Վաչագան բանավանի «Ղրբանց» կոչվող տարածքում հրդեհաշիջման ընթացքում հայտնաբերվել են հատած ծառեր և ծառ հատելու գործիքներ:

Այսօր՝ մարտի 14-ին, ավտովթար է տեղի ունեցել Երևանում։ Ինչպես հայտնում է Shamshyan.com-ը, ժամը 00։20-ի սահմաններում Արմենակյան փողոցում Երևանի բնակիչ 39-ամյա Գևորգ Ե․-ն, իր վարած «BMW X6» մակնիշի ավտոմեքենայով, բախվել է քարե պարսպին և գազատար խողովակին։

Ըստ ոստիկանության օպերատիվ հաղորդագրությունների ամփոփագրերի՝ մարտի 13-14-ը ՆԳՆ ոստիկանության ստորաբաժանումները բացահայտել են հանցագործության 123 դեպք:

Տեղի է ունեցել վարչապետ Նիկոլ Փաշինյանի հեռախոսազրույցը ՌԴ նախագահ Վլադիմիր Պուտինի հետ։

Տարադրամի փոխարժեքները՝ ըստ rate.am-ի:

ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը Եվրասիական տնտեսական միության զարգացման գործում անձնական ներդրման համար Եվրասիական տնտեսական բարձրագույն խորհրդի 2024 թվականի դեկտեմբերի 26-ի N20 որոշմամբ պարգևատրվել է «Եվրասիական տնտեսական միությունը 10 տարեկան է» մեդալով։

Պարեկներն Ազգային ժողովում տուգանել են «Հայաստան» խմբակցության պատգամավոր Գառնիկ Դանիելյանին՝ աշխատասենյակում ծխելու համար: Տուգանքի չափը 50 հազար դրամ է: Պատգամավորը նշեց, որ տուգանքը բողոքարկելու է։

ՄԱԿ կառույցները ունեն պարտավորություն և մենք այստեղ չենք լսելու այն տեքստը, որ  «գիտեք՝ ձեզ հասկանում ենք»։ Մեզ հասկանալ պետք չէ, գործել է պետք. ՄԱԿ-ի երևանյան գրասենյակի դիմաց անցկացվող բողոքի ակցիային դիմելով ՄԱԿ ներկայացուցիչներին՝ հայտարարեց «Ապրելու երկիր» կուսացության համահիմնադիր Մանե Թանդիլյանը։

Դիվանագիտական կապիտուլյացիա՝ այս երկու բառով են փորձագետները բնորոշում այն, ինչ Հայաստանի իշխանությունները համարում են «Խաղաղության պայմանագրի» համաձայնեցում: Դա ընդամենը Հայաստանի նկատմամբ Ադրբեջանի պահանջների փաթեթն է համարում քաղաքագետ Բենիամին Մաթևոսյանը:

«Սա հերթական ձախողումն է ՀՀ իշխանությունների և մասնավորապես՝ դիվանագիտության: Միակ հիմնավորումը, որ ՀՀ արտգործնախարարը բերեց՝ այն էր, որ մեզ անհրաժեշտ է խաղաղություն, ինչը բխում է Հայաստանի շահերից: Այսինքն, Ադրբեջանն ինչ պարտադրել է, այս իշխանությունները համաձայնել են և հիմա այս իշխանությունները շանտաժի են ենթարկում Հայաստանի Հանրապետության ժողովրդին և համայն հայությանը, որ եթե հանկարծ մենք Ադրբեջանի պահանջներին չենթարկվեինք, պատերազմ կլիներ»,- լրագրողների հետ ճեպազրույցում ասաց ԱԺ «Հայաստան» խմբակցության պատգամավոր Արթուր Խաչատրյանը՝ անդրադառնալով Ադրբեջանի հետ խաղաղության համաձայնագրին, որի տեքստի շուրջ Փաշինյանի հայտարարմամբ համաձայնություն է ձեռք բերվել:

Դարիո Վիտալեն դարձել է Versace-ի նոր ստեղծագործական տնօրենը՝ փոխարինելով Դոնաթելա Վերսաչեին, որն այդ պաշտոնը զբաղեցնում էր 1997 թվականից։ Այս մասին հայտարարել է Versace ընկերությունը սոցիալական ցանցերում։

Խաղաղության համաձայնագրի շուրջ Հայաստանի ու Ադրբեջանի միջև ձեռք բերված համաձայնությունը ողջունել է նաև Սլովենիայի արտգործնախարար Տանյա Ֆայոնը:

Համայնքային ոստիկանության գլխավոր վարչությունը տեղեկացնում է, որ հաշվի առնելով սահմանված երթևեկության առավելագույն արագության պահպանման նկատմամբ լուսանկարահանող տեխնիկական միջոցներով վերահսկողության բացակայությունը մեծ թվով վարորդների համար նպաստավոր պայմաններ է ստեղծում երթևեկության առավելագույն արագության գերազանցման համար՝ նպաստելով վթարային իրադրության առաջացմանը, «Ոստիկանության մասին» ՀՀ օրենքի 22-րդ հոդվածի համաձայն՝ Մ-7 միջպետական նշանակության ճանապարհի Գյումրի քաղաքի «Շիրակ» գերեզմանատան հարակից ճանապարհահատվածում տեղադրվել է լուսանկարահանող տեխնիկական միջոց, որտեղ երթևեկության թույլատրելի արագությունը 60 կմ/ժ է։

ԱՄՆ նախագահ Դոնալդ Թրամփը Ուկրաինայում ռազմական գործողությունները դադարեցնելու Վաշինգտոնի առաջարկի վերաբերյալ Ռուսաստանի նախագահ Վլադիմիր Պուտինի հայտարարությունները «խոստումնալից, բայց թերի» է անվանել: ԱՄՆ նախագահը ևս մեկ անգամ հայտարարել է, որ հավատարիմ է ուկրաինական հակամարտության արագ ավարտին, նաև ցանկություն է հայտնել Պուտինին հանդիպելու: Երեկ երեկոյան Պուտինը, արձագանքելով 30-օրյա հրադադար կնքելու Վաշինգտոնի առաջարկին, հայտարարել էր, որ համաձայն է մարտերը դադարեցնել, միայն եթե դա հանգեցնելու է երկարաժամկետ խաղաղության։ Պուտինը չէր բացառել, որ կխոսի ԱՄՆ նախագահի հետ՝ Ուկրաինայի վերաբերյալ համաձայնագրի մանրամասները քննարկելու համար։ Ավելի ուշ Թրամփը նույնպես ցանկություն է հայտնել Պուտինի հետ խոսելու:

Հանրային տրանսպորտից օգտվելիս չվճարելու համար տուգանքների կիրառումը կիրականացվի, երբ ԱԺ–ի կողմից հավանության կարժանանա: Այս մասին այսօր՝ մարտի 14–ին լրագրողների հետ ճեպազրույցի ժամանակ ասաց քաղաքապետի մամուլի խոսնակ Հայկ Կոստանյանը։

Սահմանադրական կարգի ենթադրյալ տապալման վերաբերյալ հակասահմանադրական ճանաչված և վերաբացված դատական նիստի ժամանակ ՀՀ երկրորդ նախագահ Ռոբերտ Քոչարյանը դիմեց դատավոր, նախկին ՔՊ-ական Սարգիս Պետրոսյանին՝ ասելով․

«Երբ մենք վտանգների մասին խոսում ենք, դուք փորձում եք տեղափոխել պատերազմ թե խաղաղության դիսկուրսի մեջ։ Մենք ամեն դեպքում գործ ունենք մի երկրի հետ, ում հետ երկար տարիներ ունեցել ենք կոնֆլիկտ։ Այդ երկրին աջակցում է մի մեծ երկիրը, որը ցեղասպանություն է իրականացրել հայ ժողովրդի նկատմամբ։ Մենք գործ ունենք Ադրբեջանի հետ, որը քնած հային սպանողին հերոսացրել է, ով տարեց դիակներ է պղծել, դրանք հրապարակել և շատ ու շատ այլ բաներ։ Էթնիկ զտման է ենթարկել մեր հայրենակիցներին՝ մինչ այդ շրջափակման մեջ պահելով, սովի մատնելով, ու հիմա շարունակում է ցինիկաբար դատել մեր հայրենակիցներին աշխարհի բոլորի առջև՝ խախտեով մարդու իրավունքները, համամարդկային նորմերը»,- այսպես կոչված «խաղաղության պայմանագրի» վերաբերյալ ասաց ԱԺ «Հայաստան» խմբակցության պատգամավոր Լևոն Քոչարյանը՝ խորհրդարանում քննարկման ժամանակ դիմելով արտաքին գործերի նախարար Արարատ Միրզոյանին։

Ընդդիմությունը ընդդիմանում է ու շարունակելու է ընդդիմանալ Ադրբեջանի բոլոր պահանջները կատարելու ձեր մարմաջին։ Այս մասին, այսօր՝ մարտի 14-ին, ԱԺ-ում հայտարարեց «Հայաստան» խմբակցության պատգամավոր Քրիստինե Վարդանյանը՝ դիմելով արտգործնախարար Արարատ Միրզոյանին: