Կառավարությունը ես եմ, չի կարող որևէ մեկն իմ դիրքորոշմանը հակասող դիրքորոշում ունենա. Փաշինյան

Ո՞վ է ասել, որ կառավարությունն ընդունում է, որ Ստոկհոլմի արբիտրաժային դատարանի որոշումը պարտադիր կատարելի է. ճեպազրույցի ժամանակ ՀՀ վարչապետ Նիկոլ Փաշինյանը:

«Ո՞վ է հայտնել նման դիրքորոշում, ով նման դիրքորոշում հայտնել է, թող դիմում գրի՝ գնա, բացարձակապես նման դիրքորոշում չի կարա լինի»,- ասաց Փաշինյանը:

Լրագրողի դիտարկմանը՝ կառավարությունն է հայտնել, վարչապետը նշեց.

«Կառավարությունը ես եմ, չի կարող որևէ մեկն իմ դիրքորոշմանը հակասող դիրքորոշում ունենա: Ընդհանրապես կառավարությունում եթե մարդիկ կան, որ իմ դիրքորոշմանը հակասող դիրքորոշում ունեն, հենց հիմա թող դիմում գրեն շենքերից դուրս գան, եթե՝ ոչ, ես ինքս նրանց կհանեմ»:

Փաշինյանն ասաց, որ Արբիտրաժային դատարանում կառավարությունը հաղթել է և իրենց դիրքորոշումները պնդել են: