Իրաքում 47 ֆրանսիացիների են հարցաքննում «Իսլամական պետության» կատարած հանցագործությունների գործերով

Իրաքի հատուկ ծառայությունները Ֆրանսիայի 47 քաղաքացիների են հարցաքննում այդ երկրում «Իսլամական պետություն» կազմակերպության կատարած հանցագործություններին նրանց ենթադրյալ առնչության գործերով։ «Արմենպրես»-ի հաղորդմամբ՝ այս մասին հայտնում է Agence France-Presse գործակալությունը՝ վկայակոչելով պաշտոնական անձանց։

Նշվում է, որ կասկածյալներին մոտ մեկ ամիս առաջ Իրաքին են փոխանցել Սիրիայի ժողովրդավարական ​​ուժերը։

Աղբյուրը գործակալությանը հայտնել է, որ Իրաքի հատուկ ծառայություններն ունեն իրաքցիների դեմ կատարված հանցագործություններին այդ ֆրանսիացիների առնչության ապացույցներ։ Նրանք կդատվեն Իրաքի օրենքներով։