Հրատապ․ ադրբեջանցիները փորձել են ահաբեկել Արցախի Նորշեն գյուղի բնակիչներին  

Ադրբեջանցի զինվորականներն այսօր կրկին հայերեն լեզվով բարձրախոսով պահանջում էին Արցախի Նորշեն գյուղում գյուղատնտեսական աշխատանքներով զբաղված բնակիչներից՝ լքել իրենց տարածքը:

Համացանցում տեսանյութ է տարածվել, թե ինչպես են նրանք նույնիսկ օդ կրակում՝ դրանով վախեցնելով բնակիչներին։  

Չնայած ռուս խաղաղապահների ներկայությանը, նրանք սկսել են օդ կրակել և պահանջել դադարեցնել գյուղատնտեսական աշխատանքները։

Խաղաղապահները ադրբեջանական դիրքերի ուղղությամբ ուղղել են հետևակի մարտական մեքենայի թնդանոթը, խաղաղ բնակիչներին կոչ են արել ուշադրություն չդարձնել և շարունակել աշխատանքը՝ խոստանալով ապահովել նրանց անվտանգությունը։