Հայաստանի և Ադրբեջանի միջև ստորագրված փաստաթղթերը լիովին ապահովում են Բաքվի շահերը. Ալիև

Հայաստանի և Ադրբեջանի միջև հարաբերությունների կարգավորման գործընթացը գրեթե ավարտված է, և ստորագրված փաստաթղթերը լիովին ապահովում են Բաքվի շահերը: Այս մասին հայտարարել է Ադրբեջանի նախագահ Իլհամ Ալիևը:

«Բաքուն հասել է իր բոլոր նպատակներին, իսկ Մինսկի խումբն ապրում է իր վերջին օրերը և շուտով կդադարի գոյություն ունենալ նույնիսկ իրավական առումով»,- նշել է Ալիևը։

Նա նաև հայտարարել է, որ ապահովվել է ցամաքային մուտքը դեպի «պատմական ադրբեջանական Նախիջևանի մարզ»:

«Նախիջևանի Ինքնավար Հանրապետության երկաթուղին ամբողջությամբ կարդիականացվի, և նոր երթուղիների կառուցումը նախատեսվում է Հայաստանի տարածքում: Երևանը ստանձնել է այս պարտավորությունը, և սա Ադրբեջանի համար ևս մեկ պատմական հաղթանակ է»,- ընդգծել է Ադրբեջանի նախագահը։