Ո՞ւմ են թաքցնում Հայաստանն ու ԱՄՆ-ը Սյունիքի ճանապարհին. Միրզոյանի պարզաբանումները

Փաշինյանից առաջ վաշինգտոնյան բանակցությունների շուրջ աղմուկը հանդարտեցնելու առաքելությունը ստանձնել է Հայաստանի դիվանագիտության պատասխանատուն: Արարատ Միրզոյանը «Հանրային հեռուստաընկերության» հետ զրույցում վստահեցրել է, որ ամերիկյան հուշագրերի ամբողջ բովանդակությունը բացահայտված է, թեև հրապարակված չեն թղթերը: Բոլոր պայմանավորվածությունները հիմնված են փոխադարձության ու փոխշահավետության վրա: Միրզոյանը բացառել է, որ ճանապարհը կարող է հանձնվել ինչ-որ մեկին սեփականության սկզբունքով: