Լրահոս

Երկրորդ նախագահ Ռոբերտ Քոչարյանի աջակիցները շարունակում են մեր երկրի դատաիրավական ոլորտի մասին իրազեկման ակցիաները; Այսօր նամակ են հանձնել Հայաստանում Գերմանիայի դեսպանին:

Ի՞նչ արդյունք տվեցին Իջևանի դեպքերը, երբ փայտի գործով զբաղվողները փակեցին միջպետական ճանապարհը, բախվեցին իրավապահների հետ, 10-նյակ մարդիկ բերման ենթարկվեցին, իսկ նրանց մի մասը դեռ ազատ չի արձակվել:
Արդյո՞ք հիմա Իջևանի անտառներից անօրինական փայտ չեն հանում: Համառ լուրեր կան, որ անտառից կտրվել է միայն հազիվ օրվա հաց վաստակող ու ձմռանը տունը գոլ գցող մարդկանց ոտքը, իսկ խոշոր փայտագործների բիզնեսը շարունակում է ծաղկել:

Տնտեսական մանիպուլյացիների մասին: Ինչպե՞ս է երկրում գործազուրկների թիվը կրճատվել, եթե եղած միակ վիճագրությամբ՝ գործազուրկները ավելացել են: Տնտեսագետները մեղադրում են վարչապետ Փաշինյանին վիճակագրական ծառայությունից առաջ ընկնելու ու աղմկոտ՝ ականջահաճո հայտարարություններով երկրի վիճակագիրներին թվեր պարտադրելու համար:

Ադրբեջանում հայտնված զինծառայող Արայիկ Ղազարյանի գործով որևէ ձերբակալված չկա: Քննաչական կոմիտեն է այս մասին հայտնում՝ արձագանքելով տարածվող լուրերին, թե զինվորի՝ զորամասից հեռանալու գործով ութ սպա է բերման ենթարկվել ռազմական ոստիկանություն:

Հանուն քաղաքի աղբահանության խնդրի լուծման բազմիցս ասֆալտին փռվելու պատրաստակամություն հայտնած Սոնա Աղեկյանին նորից բերման են ենթարկել: Երևանի ավագանու նախկին անդամն այս անգամ քաղաքապետարան էր տարել Աղյուսագործների փողոցի կոյուղաջրերը, առաջարկել քաղաքապետարանի Կոմունալ տնտեսության վարչության պետին շնչել գարշահոտությունը:
 

2019 թվականի օգոստոսի 14-ին Հայաստանի Հանրապետության Վայոց Ձորի մարզի դատախազությունում որոշում է կայացվել խուլիգանության և ինքնիրավչության դեպքի առթիվ ՀՀ քրեական օրենսգրքի 258-րդ հոդվածի 1-ին մասի և 322-րդ հոդվածի 1-ին մասի հատկանիշներով քրեական գործ հարուցելու մասին: 

Պետական եկամուտների կոմիտեի մաքսանենգության դեմ պայքարի վարչությունը շարունակում է պայքարը թմրամիջոցների և հոգեմետ նյութերի` ՀՀ սահմանով անօրինական տեղափոխման ուղղությամբ:

Այսօր առավոտից բնապահպանները բողոքի ակցիա էին անում նաև Կառավարության մոտ: Նրանց խոսքով, հանքակերների փոփոխությունից՝ իրենց դիրքորոշումը չի փոխվելու: Թեև Քննչական Կոմիտեն հայտնել է, որ Լիդիանի նկատմամբ քրեական հետապնդման հիմքեր չկան, բայց հանքի հետագա շահագործումը թույլատրելու կամ արգելելու որոշումը՝ կայացնելու է կառավարությունը:  

Արդարադատության նախարարը խոսելով աղմուկ հանած Ստամբուլյան կոնվենցիայի մասին՝ նշել է, թե իր վրա որևէ պատասխանատվություն չկա Ստամբուլյան կոնվենցիան ամեն կերպ վավերացնելու համար: Նախարարի խոսքը տրամաբանության մեջ է դնում՝ վերջին օրերին մամուլում շրջանառվող լուրերը՝ թե իշխանությունը մտափոխվել է ու աշնանը Ստամբուլյան կոնվենցիան չի վավերացվելու:  

Հայաստանի պատմության մեջ ամենախոշոր ամերիկա- բրիտանական ներդրման ճակատագիրը կարծես որոշակիանում է: Ամուլսարի հանքի շահագործումը ավելի քան մեկ տարի արգելափակվելուց հետո՝ միջազգային փորձաքննությունը, ըստ էության, վերահաստատեց, որ հանքարդյունաբերական այս բիզնես-ծրագիրը շրջակա միջավայի համար վտանգավոր չէ: Այս փորձաքննության համար  կառավարությունը հարկատուներիս հաշվին՝ միջազգային կազմակերպությանը վճարել է մոտ չորս հարյուր հազար դոլար: Իսկ ինչ արժեցավ Լիդիանի համար՝ մեկ տարվա պարապուրդն ու Հայաստանի համար՝ աշխարհում ներդրումային համբավը: 

Հատուկ քննչական ծառայությունը նոր մանրամասներ է տարածել ՀՀԿ փոխնախագահ Արմեն Աշոտյանի օգնական եւ վարորդ Արամ Բարսեղյանի ձերբակալության վերաբերյալ: Հիշեցնում են, որ 2009-ից 2016 թվականներին, երբ Կրթության և Գիտության նախարարը Արմեն Աշոտյանն էր՝ Բարսեղյանը գրացնված է եղել մի քանի պետական կառույցներում, բայց աշխատանքի չի ներկայացել: ՀՔԾ-ն երեկ էր ձերբակալել Աշոտյանի օգնականին: Նա կասկածվում է առանձնապես խոշոր չափերի գույքի հափշտակությանն օժանդակելու համար: Իր օգնականի ձերբակալման հարցում՝ Արմեն Աշոտյանը քաղաքական ենթատեքստ է տեսնում: Ըստ նրա, իշխանությունները նման քայլով իրեն են հետապնդում:

Ամուլսարի շահագործման նվտանգ լինելու վերաբերյալ Քննչական Կոմիտեի հայտարարությունից հետո ու բնապահպանների՝ Ջերմուկը փրկելու կոչերի տակ՝ Կառավարությունը այժմ պետք է որոշի հանքի հետագա ճակատագիրը: 
Իսկ Ջերմուկում երեկվանից բնապահպանական երթ է: Մասնակիցները հիշել են Փաշինյանի՝ իրենց տված խոստումը, թե երբ փորձաքննության արդյունքները պատրաստ լինեն, պապկան կդնի թևի տակ, կգա Ջերմուկ՝ քննարկելու:

Քիչ առաջ «Արմավիր» քրեակատարողականում էի: Ինչպես միշտ, հանդիպում ու երկար զրույցներ դատապարտյալների և կալանավորների հետ: Ինչպես միշտ` բողոքներ պայմանական վաղակետ ազատման հանձնաժողովից ու նոր ներմուծված բալային համակարգից, որը դեռ կքննակենք նոր նախարարի հետ: