Լրահոս

Հայաստանի նախագահը մասնակցել է հարենիքը պաշտպանած տղաների լուսանկարների ցուցադրությանը: Սահմանին վիրավորված տղաներին առողջությունը վերականգնվելուց հետո, նոր մասնագիտություն ձեռք բերել օգնում է Երևան իմ սեր հիմնադրամը:

Ընտրական նոր օրենսգրքով Հայաստանում կանանց ավելի մեծ հնարավորություններ կտրվեն մասնակցելու քաղաքական պրոցեսներին: Այս մասին այսօր խոսել են Երևանում՝ կուսակցությունների մասին նոր օրինագծի քննարկման ժամանակ: Հայաստանում կանանց ավելի լայն իրավունքներով օժտելու մասին ՄԱԿ-ի ամբիոնից խոսել էր նաև Նիկոլ Փաշինյանը` դա համարելով համարձակ քայլ ժողովրդավար Հայաստան կառուցելու ճանապարհին: Ի դեպ, աշխարհում այսօր նշում են աղջիկ երեխաների միջազգային օրը:

Ծխելու դեմ պայքարում հեղափոխական մի քանի գաղափար առաջարկելուց ու հանրային ընդվզման հանդիպելուց հետո, առողջապահության նախարարությունը հիմա էլ այդ գաղափարները օրենսդրական փաթեթով է ներկայացնում: Ծխախոտի ծուխը հանրային վայերում, փակ տարածքներում արգելելու վերաբերյալ մասնագիտների քննարկումը լսելուց հետո, Վաչե Մատինյանը նաև երևանցիների կարծիքն է լսել:

Թուրքմենստանում ԱՊՀ երկրների ղեկավարների հավաքին Հայաստանի վարչապետը կոշտ պատասխանել է Ադրբեջանի նախագահին՝ նրա ելույթը անվանելով հայ ժողովրդի և ԱՊՀ երկրների ղեկավարների նկատմամբ անհարգալից վերաբերմունք: Ադրբեջանի նախագահը ասել էր, թե Հայաստանում հերոսացվում է ֆաշիզմը: Նախկին իշխանությունը Երևանի կենտրոնում կանգնեցրել է Գարեգին Նժդեհի արձանը, և այն կանգուն է մինչև այսօր: Ալիևը դա անվանել է «ցինիկ քայլ»: Հայաստանի վարչապետը հայտարարել է, որ տեղին չի համարում հանդիպման այս ձևաչափն օգտագործել պատմությունն աղավաղելու, կարևոր հանդիպման մթնոլորտը լարելու համար: Ոչ պաշտոնական աղբյուրը հայտնում է, որ այս միջադեպից հետո՝ Նիկոլ Փաշինյանն ու Իլհամ Ալիևը մոտ երկու ժամ առանձանզրույց են ունեցել:

Խոսք եմ տալիս ձեզ «հարգելիներս» շատ շուտով պատասխան եք տալու ինչ որ մեկի կամքին ենթարկվելով արդարադատությունը ոչնչացնելու համար: Չեմ բացառում, որ ռեպրեսիայի մեքենան նոր հոդվածներ վրաս կդնի: Թքած ունեմ, մեկ է բոլորդ պատժվելու եք: Ես մնում եմ նույն կարծիքիս. Հայաստանը զավթվել է օտար ուժերի կողմից և այդ ողջ պրոցեսը ունի մեկ նպատակ` ոչնչացնել մեր հայրենիքը:

Սիրիայում նորից պատերազմ է: Երկրի հյուսիսը երեկվանից հրթիռակոծում է թուրքական զինուժը: Այս պահին ճշտվում են վերջին տեղեկությունները՝ զոհերի, վիրավորների մասին: Սիրիայի հյուսիսում ապրում է մոտ 3000 հայ. բարեբախտաբար այս պահին որևէ զոհի կամ տուժածի մասին տեղեկություններ չկան: Այդ մասին հայտնել է Դամասկոսում Հայաստանի դեսպանատունը: Այստեղ աշխատում են արտակարգ ռեժիմով՝ ամեն րոպե կապի մեջ են Հալեպում Հայաստանի հյուպատոսարանի հետ:

Հռիթակոծված Քամիշլիում վերջին ժամերի իրավիճակի մասին Արամ առաջին կաթողիկոսին հեռախոսով պատմել է տեղի առաջնորդական փոխանորդը: Ըստ նրա՝ որոշ հայ ընտանիքներ սեփական որոշմամբ դուրս են գալիս, բայց Քամիշլիի շրջանում հայերը ապահով են։ Չնայած՝ Սիրիայում ապրող քրիստոնիանները գիտեն, որ թուրքական կրակը իրենց ուղղությամբ էլ է գալու: 

Սիրիայում ապրող գերեզմանափոր եղբայրները, Դեյլի Մեյլի հետ զրույցում վերհիշել են «Իսլամական պետություն» ահաբեկչական խմբավորման տիրապետության տակ ապրած սարսափելի օրերը: Ջավադն ու Յազանը պատմել են իրենց անիրական թվացող երազանքի՝ դպրոց գնալու մասին:

Մայրաքաղաքի տոնը կազմակերպելու համար Երևանի քաղաքապետարանի հայտարարած մրցույթը տապալվել է, սակայն տոն կլինի՝ 190 միլիոն դրամանոց: Կազմակերպիչին կընտրի քաղաքապետարանը: Սա իհարկե առաջին դեպքը չէ, երբ առանց մրցույթի է Երևանի իշխանությունը ծախսում պետության փողերը. այդպես էր նոր տարվա հանդեսին, մայրաքաղաքի աղբը մաքրելու համար կամազներ գնելիս: Երևանի 2801-ամյակը նշելու օրն էլ որոշվել է այսօր կառավարության նիստում:

Ապրիլյան պատերազմի հանգամանքները քննող խորհրդարանական հանձնաժողովը Վիտալի Բալասանյանի չի կանչի հարցաքննության, փոխարենը այսօր, ըստ մամուլի, նիստին եկել է պաշտպանության նախարարության բարձրաստիճան մի պաշտոնյայի, որի անունը գաղտնի է պահվում: Այս հանձանաժողովը, ինչպես գիտեք, ղեկավարում է Մարտի մեկի փաստահավաք խմբի նախկին ղեկավար Անդրանիկ Քոչարյանը, որը այսօր հայտարարել է՝ շաւոտվ կսկսեն լրագրողներին նախապես հայտնել հրավիրվողների մասին: Նրանց մեջ կարող է լինել նաև երրորդ նախագահ Սերժ Սարգսյանը: