Լրահոս

Հինգշաբթի զինված քաղաքացին Երևանում մտավ Էրեբունի պլազա բիզնես կենտրոն, կրակոցներ արձակեց, պատանդառեց մի քաղաքացու ու պահանջեց ցույց տալ Ռոբերտ Քոչարյանի գրասենյակի տեղը: Ոստիկանապետի ժամանակավոր պաշտոնակատարի հետ բանակցությունից հետո, քաղաքացին համաձայնեց հանձնել զենքը, հանձնվել՝ պայմանով, որ իրեն ձեռնաշղթաներ չեն հագցնի: Նա դեպքի վայրից հեռացավ ոստիկանապետի ժամանակավոր պաշտոնակատարի ծառայողական մեքենայով:

Անցած շաբաթ հիվանդներից վարակված չինացի բժիշկը այսօր մահացել է: Նոր կորոնավիրուսը հատել է Չինաստանի սահմանը, վարակակիրներ կան նաեւ Ամերիկայում ու Եվրոպայում: Վիրուսի զոհերի թիվը անցնում է 4 տասնյակը:

Շուշիում վերականգնում են Կովկասում հայտնի թառահար Բալա Մելիքյանի տունը: Տան հայտնի կամարները Շուշիում կամարներ կառուցող հեղինակավոր վարպետն է նորոգում: Թառահարի տունը շվեյցարացիների աջակցությամբ է վերականգնվում:

Արցախում հրազենից վիրավորված Հենրի-Հայկ Սիմոնի Զաքարեանին բժիշկները հրաշքով են փրկել: Պաշտպանության նախարարն այսօր հայտարարել է, որ զինվորն ինքն է իր վրա կրակել: Այլ մանրամասներ Տոնոյանը չի հայտնել:

Կապանում Փաշինյանն ասյօր այդպես էլ հստակ չի ասել, հիմա էլ է կարծում, որ ապրիլյան քառօրյան Ռուսաստանի համաձայնությամբ է եղել: Փաշինյանը այսօր հայտարարել է, որ կշարունակի Արցախի շուրջ բանակցել Սերժ Սարգսյանի թողած կետից, եթե արցախցիները դրան համաձայնեն: Այս հայտարարությունից առաջ հղում տալով մամուլի հրապարակումներին նորից նախկիններին մեղադրել է հողեր հանձնելու համար: ՀՀԿ-ից պատասխանել են Փաշինյանին:

Գեղարքունիքի մարզի լեռներում վատառողջ ռուս դահուկորդը տեղափոխվել է հիվանդանոց: Փրկարարները նրան տարհանել են ահազանգից մեկ օր անց: Մյուս 5 դահուկորդները կշարունակեն վայելել ձմեռը Վարդենյանց լեռնանցքում: Մանրամասները ռեպորտաժում:

Թուրքիայի արևելքում 6,8 մագնիտուդով երկրաշարժ է գրանցվել: 21 մարդ մահացել է, 722-ը տուժել: Մալաթիայում և Էլյազիգում փլատակների տակ են մնացել մի քանի տասնյակ մարդ:

Կապանում վարչապետին բողոքի ցույցով են դիմավորել: Ինչպես գիտեք Նիկոլ Փաշինյանը Սյունիքի շրջկենտրոնում է ասուլիս հրավիրել: Բակում մի խումբ քաղաքացիներ նրանից պահանջել են հեռանալ պաշտոնից, նշելով, որ Փաշինյանը մի շարք հարցերում ստել է: Կա բերման ենթարկված:

Լույս է տեսել քաղաքագետ Էդգար Էլբակյանի ու թյուրքագետ Վարուժան Գեղամյանի համահեղինակած «Ժամանակակից Ադրբեջան» գիրք-շտեմարանը: Ադրբեջանի մասին կարեւոր տվյալներով այս գիրքը հատկապես նրանց համար է, ովքեր ինչ-որ ձեւով առնչվում են այդ երկրի հետ: «Ժամանակակից Ադրբեջան» գիրքը վաճառքում չի լինի, այն տեղեկատվական նպատակներով կտարածվի մասնագետների շրջանում:

Այս պահից սկսած ես ուղիղ 20 օր համբերատար սպասելու եմ, որ Փաշինյանը հրապարակի իր խոսքերն հիմնավորող որևէ օբյեկտիվ փաստ, ցանկացած վստահելի ապացույց։

Իսպանիայում միաժամանակ ձյուն ու անձրեւ է տեղացել, որը հասունացրել է կործանարար մի փոթորիկ: Մոտ մեկ շաբաթ է մարդիկ ստիպված հեռացել են հատկապես ծովափնյա բնակավայրերից: Այստեղ Գլորիա փոթորիկը մարդկային կյանքեր է խլել:

 Մինչեւ Չինաստանը կպարզի կորոնավիրուսի տարածման հեղինակին, աշխարհում հնարավոր է հենց այս պահին էլ մեկ այլ հիվանդություն է հայտնվում: Վերջին տարիներին հատկապես ուղեղային հիվանդություններն են զարգանում: Մեր երկիրը Եվրամիության հետ համատեղ նոր ծրագիր է սկսում, որը հնարավորություն է տալու բժշկական համալսարանին զարգացնել ուղեղի հետազոտությունները:

Այլակարծությունը չհանդուրժելու վտանգավոր մթնոլորտն արդեն մի քանի օր է պղտորել է Ազգային ժողովի դահլիճը: Խորհրդարանում այսօր էլ շարունակել են հարաբերություններ պարզել: Իմ քայլական պատգամավորների թիրախում Լուսավոր Հայաստան խմբակցության ղեկավարն է: Հատկապես իմ քայլական կանայք չեն ներում Էդմոն Մարուքյանին Ազգային ժողովի նախագահի գործողությունները անարդար որակելու համար: