Լրահոս

Ծայրահեղ ծանր սոցիալական վիճակում գտնվողներին կառավարությունը առաջարկում է ուռենու ծառեր տնկել: Հանրապետության բարձրադիր գոտիների բնակչությանը գործադիրը հորդորում է դուրս գալ տներից ու գործ անել: Ամեն տնկված ծառի համար կվճարեն 50 դրամ: Կորոնավիրուսի դեմ ծառատունկով պայքարելու գաղափարը մերոնք, հավանաբար, Բելառուսից են ներմուծել: Այդ երկրի նախագահ Լուկաշենկոն էր այս շաբաթ մարդկան դուրս հանել սոճիներ տնկելու: Նախաձեռնությունը հետո շատերը քննադատեցին, որովհետև կարծում են անհնար է վերահսկել նույն տեղում հավաքված մարդկանց շփումը:

Իսկ Հայաստանում արդեն 3 օր է ինչ ապրում ենք ավելի մեղմ սահմանափակումներով: Կարելի է դուրս գալ զբոսնելու, հեծանիվ քշելու: Բայց Հայլուրի տեսախցիկը այսօր փողոցներում ու այգիներում հանդիպել է բազմաթիվ մարդկանց, որոնք առանձնապես կարիք էլ չեն ունեցել սպասելու կարանտինի մեղմացումներին:

Ազգային ժողովի փոխնախագահը, ամենայն անկեղծությամբ, ֆեյսբուքում պատմել է, թե ինչից հետո է որոշել գլխով հարվածել «Ադեկվադների» ղեկավարի քթին: Սիմոնյանը պդնում է, որ ինքն ընդամենը պատասխանել է Արթուր Դանիելյանի ոչ ավանդական ուղջույնին: Բայց, դեռ ոչ մի հստակություն չկա, թե ի՞նչ պատասխանատվության կարող է ենթարկվել պատգամավորական անձեռնմխելիություն ունեցող պաշտոնյան:

Ալեն Սիմոնյանի նախկին ընկեր Արթուր Վանեցյանի մասին ինտրիգային հայտարարություն է արել Նիկոլ Փաշինյանի աներորդին: Պատգամավոր Հրաչյա Հակոբյանը ֆեյբուքում հարց է տալիս, թե կարո՞ղ է մի օր պարզվել, որ Վանեցյանը պաշտոնից ազատվել է օտարերկրյա հատուկ ծառայության կողմից հավաքագրված լինելու պատճառով: Ավելի վաղ Վանեցյանը ասել էր, որ իր տեղեկությամբ, վարչապետ Փաշինյանն ամեն բան անում է՝ իր վրա քրեական գործ կարելու համար:

Այժմ Հայաստանը ցնցած Գավառի սպանությունների մասին: Քրեական գործով ևս երեք մարդու ձերբակալելու որոշում կա: Մինչեւ այժմ ձերբակալվել էին 15-ը: 7 մարդ էլ բուժ-հաստատություններում է: Հիվանդանոցում վրիժառության թիրախ դարձած եղբայրների վիճակի մասին՝ բոլորը խուսափում են հստակ տեղեկություն հայտնել:Գավառի արյունոտ հաշվեհարդարներից հետո, սկանդալ է հասունանում նաև ոստիկանության շուրջ: Այսպես ասած՝ սորոսական շրջանակները, այդ թվում՝ պետական պաշտոններ զբաղեցնող,, միահամուռ պահանջում են ոստիկանապետի հրաժարականը:

Ու վարակի դեմ հաղթանակը, իրոք, դեռևս խորհրդանշական է: Կարանտինի սահմանափակումները թուլացնելու առաջին փուլից հետո Եվրոպային սպառնում է վարակի ավելի սարսափելի ալիք: Առողջապահության համաշխարհային կազմակերպությունը կոչ է արել չշտապել:

Ծեծկռտուքի փաստով քրեական գործ առայժմ չի հարուցվել, սակայն Հայաստանի գլխավոր դատախազը այսօր խորհրդարանում լրագրողներին ասել է, որ իր հանձնարարությամբ նախապատրաստված նյութերը փոխանցվել են Հատուկ քննչական ծառայություն: Ալեն Սիմոնյանի կուսակիցները կարծում են, որ այս միջադեպը ուղիղ կապ ունի ապօրինի գույքի բռնագանձման օրենքի ընդունման հետ:

Փորքրիկ Համբարձումի ատամնացավին տեղյակ և նրա համար ատամնաբույժ փնտրող վարչապետից արդեն 10 օր է փորձագիտական համայնքը պարզաբանում է ակնկալում Լավրովի սենսացիոն հայտարարության մասին, թե Ղարաբաղյան կարգավորման փուլային տարբերակն է բանակցությունների սեղանին: Ինչպես գիտեք, դա հերքել է Հայաստանի արտգործնախարարությունը: Եվ Արցախում դա ի գիտություն են ընդունել: Այսօր Ազգային ժողովի նիստում Բակո Սահակյանն ասել է, որ վերադարձ անցյալին չի լինելու:

Լավ լուր «5-րդ ալիք» և «5 plus»-ի հետևորդների համար: Շուտով, արդեն մայիսի սկզբներից, կարող եք դիտել մեծ աղմուկ հանած «Թղթե տունը» հայերեն թարգմանությամբ: Մենք գնել ենք Հայաստանում ցուցադրման իրավունքները և այս պահին ֆիլմը վերարտադրվում է մայրենիով:

Ալեն Սիմոնյանը երեկ էլ խորհրդարանում թեժ լեզվակռվի էր բռնվել, Լուսավոր Հայաստան խմբակցության ղեկավարի հետ: Հայհոյել էին միմյանց: Էդմոն Մարուքյանի հասցեին այսօր էլ խորհրդարանական մեծամասնությունը ծանր մեղադրանքներ է հնչեցրել: Իմ քայլի պատգամավորը պնդում է, որ Մարուքյանը իր ելույթներով սոցիալական անկարգություններ է հրահրում երկրում: Պատգամավորը նկատի ունի Մարուքյանի երեկվա հայտարարությունը, թե ինչո՞ւ պետությունը չի բացում խնայողության քսակը եւ աջակցում՝ անապահով քաղաքացիներին:

Բժիշկները նոր անհանգստացնող հայտարարություն են արել կորոնավիրուսի վերաբերյալ: Համարվում է, որ երեխաների համար այս վիրուսը վտանգավոր չէ, սակայն վարակը օրգանիզմում կարող է նպաստավոր պայմաններ ստեղծել մեկ այլ հիվանդության համար: