Լրահոս

Ֆրանսիայի Սենատն առաջին ընթերցմամբ որոշել է կորոնավիրուսով պայմանավորված երկարաձգել երկրում հայտարարված արտակարգ դրության ժամկետը: Բայց մի տարօրինակ բան կա դպրոցները կշարունակեն աշխատել:

Ծարավ Աղբյուրում բազմահարկ նոր շենքի կառուցումը ոտքի է հանել է բնակիչներին: Նրանց խոսքով՝ շենքը պատրաստում են կառուցել գերբնակեցված տարածքում, առանց շինթույլտվության: Դա էլ քիչ է՝ հենց այն տեղում, որ իրենք նախատեսել են դպրոց կառուցելու համար: Տեղի միակ դպրոցը մասնավոր է՝ տարեկան մեկուկես միլիոն դրամ վճարով:

Ղարաբաղյան հակամարտության կարգավորման մասին Լավրովի վերջին՝ սակնադալային պնդումների մասին է խոսել վարչապետ Փաշինյանը: Նա խորհրդարանում այդ թեմայով երեք պատգամավորի հարցերի է պատասխանել, բայց այդպես էլ չի պատասխանել վերջը սեղանին փուլային փոխզիջումների փաստաթուղթ դրված է, թե՞ ոչ հարցին: Պարզվել է՝ խորհրդարանական երկրի օրենսդիրների գործը չեն բանակցությունները: Ինչ պետք է, դա էլ բանակցում ենք, ասել է Փաշինյանը, որը հոգնել է դժվար հանգստացողներին հանգստացնելուց:

Երկու ամսվա դադարից հետո, ուրբաթ կվերսկսվի սահմանադրական կարգի ենթադրյալ տապալման գործով դատական նիստը: Երկրորդ նախագահ Ռոբերտ Քոչարյանի փաստաբանները պահանջում են, որ հենց այդ օրը Աննա Դանիբեկյանը վերջապես քննության առնի Քոչարյանի խափանման միջոց կալանքը փոխելու հարցը:  

Կառավարությունը կոչերին չի արձագանքում, իսկ կորոնավիրուսը արդեն թափանցել է խորհրդարան: Իմքայլական պատգամավոր Նազելի Բաղդասարյանի օգնականին թագավարակ է ախտորովել, պատգամավորը մեկուսացված է: Ու եթե խորհրդարանում պատգամավորներին ապահովում են ձեռնոցներով, դիմակներով, ախտահանող նյութերով, թույլատրում են, որ վախեցողները գործի չգնան, ապա օրենսդիրի դարպասից այն կողմ պարզ քաղաքացիներն են: Կորոնա-սահմանափակումները վերացրել են ու ստիպված աշխատանքի գնացող մարդիկ՝ տաքսիստները, վարսավիրները, մյուսները տնից դուրս են գալիս չիմանալով արժե մի-երկու կոպեկի համար առողջությունը վտանգի տակ դնել:

Առաջին անգամը չէ, երբ Փաշինյանը խոսում է այն մասին, որ տեսնում է անցյալի ստվերը կառավարման համակարգում, նա նաև բազմաթիվ ակնարկներ է արել պետական ապարատում դավաճանների ու հակահեղափոխականների գոյության մասին: Համառ մամուլը վերջին օրերին պնդում է, որ մերձվարչապետական շրջապատը դավաճաններ է գտել նաև Իմ քայլը խմբակցության ներսում: Իմքայլականների ղեկավար Լիլիթ Մակունցը այսօր լրագրողների հետ զրույցում անկեղծացել է՝ եղել են կարգապահական խնդիրներ:

Մեր երկրում կորոնա-վարակակիրների մոտ 14 տոկոսը բուժաշխատողներ են: Նրանցից մեկը նեղացած է հատկապես մարդկանց վերաբերմունքից:

Նիկոլ Փաշինյանն այսօր, ում ասես, չի մեղադրել, որ երկրում կորոնավիրուսի ճգնաժամ է: Մեղավոր չէ ինքը, որ կորոնավիրուսը շան տեղ չէր դնում: Մեղավոր չէ առողջապահության նախարարը, որ վիրուսի դեմ հատուկ միջոցառումների կարիք չէր տեսնում: Մեղավոր է մեկ մարդ, և այդ մեկ մարդը դու ես. հպարտ քաղաքացի, որ լուրջ չես վերաբերվել, որոշ մասնագետների պնդմամբ, խիստ ուշացած սահմանափակումներին: Եվ այսպես՝ բոլորիս հետևից սխալներն ուղղելով 24/7 ռեժիմով աշխատում է վարչապետը: Համենայն դեպս, ինքը պնդում է, որ ճ կլասի մեր երկրում զրոյից իրավապահ համակարգ, արտաքին քաղաքականություն է սարքում:

Մի խոսքով տանը մնալու հորդորը դեռ ակտուալ է: Եթե նման ճոխություն կարող եք ձեզ թույլ տալ, մնացեք տանը և գիրք կարդացեք: Ի դեպ արդեն հասանելի է Սևակ Արծրունիի «Մեր հնարավոր ապագան» գրքի էլեկտրոնային տարբերակը:

Աշխարհում կորոնավարակակիրների թիվը մոտենում է 4 միլիոնի: Մոտ 260 հազար մարդու կյանք խլած հիվանդության դեմն առնող ոչ մի պաշտոնական պատվաստանյութ ու դեղամիջոց դեռ չկա, բայց պետությունների ղեկավարները հրաժարվում են լսել բժիշկների խնդրանքները, ամեն օր ավելի ու ավելի են թեթևացնում սահմանափակումները տնտեսական մեծ ճգնաժամից խուսափելու համար: Մարդկանց առողջության ու տնտեսական կայունության մեծ դիլեմայում աշխարհը դեռ ընտրում է փողը:

Բարձրացված հարցադրումներն ընդհանրապես վերանում են, եթե ուսումնասիրում ենք հիմնադրամի տարեկան հաշվետվությունները, այլ ոչ թե եռամսյակային կամ ամսական: Նշված հաշվետվությունը, որում արտացոլվում են Հիմնադրամի թե մուտքերը և թե ելքերը, Հիմնադրամը պարտադիր հրապարակում է ամեն տարի և հասանելի է յուրաքանչյուր շահագրգիռ քաղաքացու համար:

Մայիսի 8-ին կայանալիք նիստում դատավորը անհապաղ պետք է քննի և բավարարի խափանման միջոցի փոփոխության հարցը` երաշխավորելով Հայաստանի երկրորդ նախագահի` կոնվենցիոն իրավունքների լիաժեք և արդյունավետ իրացումը, առավել ևս արտակարգ դրության պայմանաններում։