Լրահոս

Նորանշանակ նախարարներին ներկայացնելու համար Նիկոլ Փաշինյանը կառավարական մի շենքից մյուսը շարունակում է գնալ աննախադեպ մեծ թվով անվտանգության աշխատակիցների ուղեկցությամբ: Փաշինյանի հետ նախարարությունների շենք է մտնում Գեղարքունիքի նախկին մարզպետ Գնել Սանոսյանը, որը նշանակվել է տարածքային կառավարման և ենթակառուցվածքների նախարար:

Նոր ԱԺ-ի նիստերը, կադրերը, որը տեսնում է մեր հասարակությունը հեռուստացույցով, իրականում մեր մեջ և մեր շուրջ կատարվող պատմական պրոցեսների մի չնչին տոկոսն են և իրականում չեն արտացոլում պրոցեսների խորությունը։

Վարանդայի (Ֆիզուլի) շրջանում այսօր տեղի ունեցած որոնողական աշխատանքների արդյունում հայտնաբերվել և տարհանվել է ևս մեկ հայ զինծառայողի աճյուն։

Նիկոլ Փաշինյանի կառավարության ամենաերիտասարդ պաշտոնյան արդարադատության արդեն նախկին նախարար Ռուստամ Բադասյանը նշանակվել է պետեկամուտների կոմիտեի նախագահ:

Ընդմիջումից հետո աշխատանքներն է շարունակում Հայաստանի 8-րդ գումարման Ազգային ժողովը,  այս պահին ընթանում է երրորդ փոխնախագահի թեկնածության ներկայացման  գործընթացը: Խորհրդարանի երրորդ փոխնախագահը, ըստ օրենքի, ընդդիմության ներկայացուցիչ պետք է լինի: Իշխան Սաղաթելյանի թեկնածությունն են առաջադրել «Հայաստան» և «Պատիվ ունեմ» դաշինքները:

Ֆրանսիայի նախագահ Էմանուել Մակրոնը հայերենով գրառում է կատարել ֆեյսբուքյան իր էջում։ «Հայերն անցնում են բազում փորձությունների միջով։ Բարեկամաբար և համերաշխությամբ դիմում եմ նրանց. Ֆրանսիան միշտ ձեր կողքին կլինի։ Համավարակին դիմակայելու համար, Ֆրանսիան պատրաստ է պատվաստանյութի 200,000 դեղաքանակ ուղարկել Երևան: Միասին մենք կհաղթահարենք համավարակը»,– գրել է Ֆրանսիայի նախագահը։

Օգոստոսի 4-ին, ժամը 11։00-ի սահմաններում, հայ-ադրբեջանական սահմանի Գեղարքունիքի հատվածում արձանագրվել է հակառակորդի ԱԹՍ-ի՝ ՀՀ օդային տարած մուտք գործելու փորձ։ ՀՀ ԶՈՒ հակաօդային պաշտպանության ստորաբաժանումների գործողությունների արդյունքում փորձը կասեցվել է։

Այս մասին տեղեկացնում են ՀՀ պաշտպանության նախարարությունից։

«Թյուր ընկալումներից խուսափելու համար՝ ի սկզբանե ուզում եմ հստակեցնել, որ իմ թեկնածության առաջադրումը ոչ պաշտոնի ձգտում է, ոչ էլ իշխանության հետ քաղաքական համաձայնությունների, կուլիսային պայմանավորվածույթունների արդյունք, այլ մեր երկրի մայր օրենքի՝ Սահմանադրության 104-րդ հոդվածով սահմանված նորմ, համաձայն որի՝ Աժ նախագահի տեղակալներից մեկն ընտրվում է ընդդիմադիր խմբակցությունների կազմում ընդգրկված պատգամավորների թվից»,- նշեց Իշխան Սաղաթելյանը։

Օգոստոսի 4-ի գիշերը և առավոտյան ժամը 10:00-ի դրությամբ իրադրությունը հայ-ադրբեջանական սահմանին հարաբերականորեն կայուն է, հրադադարի ռեժիմի էական խախտումներ չեն արձանագրվել։

109 կգ քաշային կարգում ծանրամարտիկ Սիմոն Մարտիրոսյանը նվաճել է արծաթե մեդալ: Աշխարհի և Եվրոպայի չեմպիոնը երկրորդ անգամ Է դարձել օլիմպիական փոխչեմպիոն: Նրա ելույթներին մեր նկարահանող խումբը հետևել է Արմավիրի Հայկաշեն գյուղում՝ Սիմոնի հայրական տանը՝ նրա հարազատների հետ:

Մեր հաջորդ պատմությունը Արմավիրում ապրող, 34 տարեկան կույր արջի մասին է: 30 տարի է նրան խնամում է Արմավիրի բնակիչ Արմենը: Իսկ հիմա իր ընտանիքի անդամը դարձած արջին իրենից ուզում են խլել: Բնապահպաններն ասում են, թե պետք է արջի տեսողությունը վերականգնել: Ամենը չի հավատում: Ասում է՝ հոնքն ուղղելու տեղը, աչքն էլ կհանեն:

Աշխարհում կլիմայական ճգնաժամ է ու ըստ փորձգետների՝ Թուրքիան աղետալի վիճակում է: Արդեն 6-րդ օրն է՝ այդ երկիրը պայքարում է հրդեհների դեմ: Կրակը ավերածություններ է արել թուրքական 30 նահանգում:

Այսօր ՔՊ-ի ձայներով Ազգային ժողովի փոխխոսնակ ընտրված Ռուբեն Ռուբինյանը հաստատել է, որ մինչեւ, այսպես կոչված, թավշյա հեղափոխությունը մի քանի ամիս Թուրքիայում է ապրել: Այդ մասին Ռուբինյանը ասել է ոչ թե այն ժամանակ, երբ որպես թեկնածու ներկայացնում էր իրեն, այլ երբ ընդդիմադիր պատգամավորներն են փորձել այդ մասին տեղեկություններ իմանալ: Ռուբինյանն ասել է, թե «Հրանտ Դինքի» անվան հիմնադրամի հրավերով է գնացել Թուրքիա՝ հետազոտություն արել:

Հայաստանի գլխավոր դատախազի տեղակալ Գեվորգ Բաղդասարյանը այսօր հայտատարել է, որ Հայաստան դաշինքի երկու պատգամավորների՝ Մխիթար Զաքթարյանի և Արթուր Սարգսյանի նկատմամբ քրեական հետապնդումը սկսվել է մինչև նրանց պատգամավորի մանդատ ստանալը և նրանց վրա ըստ էության չի տարածվում Սահմանադրությամբ նախատեսված պատգամավորական անձեռնմխելիությունը:

Վերաքննիչ քրեական դատարանում բողոքները շարունակում են քննել ապօրինի ընտրված դատավորները: Մեղրիի նախկին համայնքապետ Մխիթար Զաքարյանի փաստաբանն ահազանգում է ՝ դատավորը իրեն չի ներկայացրել որևէ գրավոր ապացույց իր ընտրության օրինականության վերաբերյալ:

«Հիմք ընդունելով վարչապետի առաջարկությունը` համաձայն Սահմանադրության 150-րդ հոդվածի. Կարեն Անդրեասյանին նշանակել արդարադատության նախարար»: