Լրահոս

Ալիևի հայտարարությանը, թե հայերը Հադրութում եկվորներ են՝ փաստերով է հակադարձում «Հադրութի դեօկուպացիա» ՀԿ անդամ Լիանա Պետրոսյանը:

Շվեդիայի Պետական բանկի մրցանակը՝ նվիրված Ալֆրեդ Նոբելի հիշատակին, շնորհվել է կանադա-ամերիկացի տնտեսագետ Դևիդ Քարդին, ամերիկացի  հետազոտողներ Ջոշուա Էնգրիստին և Գվիդո Իմբենսին:

Մոսկվայում կայանալիք Հայաստանի, Ռուսաստանի, Ադրբեջանի հոգևոր առաջնորդների հանդիպման օրակարգում տարածշրջանային մարտահրավերներն են:

«Շնորհավորում ենք մեր հրաշալի խաղացող Բենզեմային՝ հաղթանակի կապակցությամբ․․․ «Ոսկե գնդակ», – ասվում է Մադրիդի «Ռեալի» ուղերձում:

Հոկտեմբերի լույս 11-ի գիշերը Երևանի Կենտրոնում ծառայություն իրականացրած պարեկները Արամի փողոցում նկատել են «Լեքսուս» մակնիշի մի ավտոմեքենա, որի վարորդը թույլ է տվել ճանապարհային երթևեկության կանոնների խախտում։

Այսօրվանից Ադրբեջանի ռազմածովային ուժերը զորավարժություններ են սկսում Կասպից ծովում: Վարժանքներին կմասնակցեն մարտական նավեր և ռազմածովային հատուկ նշանակության ուժեր: Զորախաղերի նպատակը՝ Կասպյան ավազանում էներգետիկ ենթակառուցվածքները պաշտպանելն է:

Ըստ Տոնոյանի փաստաբանների տարածած հայտարարության՝ պաշտպանության նախարարի պաշտոնից ազատվելուց հետո Տոնոյանը ձեռնպահ է մնացել մեկնաբանություններից՝ հաշվի առնելով պետական գաղտնիքը, անվտանգային սպառնալիքներն ու միջպետական շահերը:

Թուրքիայի Պետական խորհուրդը (Danıştay-բարձրագույն վարչական դատարան) հաստատել է «Ակոսի» նախկին խմբագիր Հրանտ Դինքի կնոջ՝ Ռաքել Դինքի, նրանց զավակների՝ Սերա, Դելալ և Արատ Դինքերի 1.5 միլիոն լիրա (շուրջ 168.000 դոլար) փոխհատուցման պահանջը բավարարող Ստամբուլի 6-րդ վարչական դատարանի որոշումը։

Իրանի ԱԳ նախարար Հոսսեյն Ամիր Աբդոլլահիանը մոտ ապագայում կլինի Հայաստանում և Ադրբեջանում: Ինչպես հաղորդում է «Արմենպրես»-ը՝ հղում կատարելով «Mehrnews»-ին, այս մասին Իրանի ԱԳ նախարարը տեղեկացրել է ռուսական հեռուստաընկերությանը տված հարցազրույցում:

Ադրբեջանի նախագահ Իլհամ Ալիևն այցելել է օկուպացված Հադրութ ու հայտարարել, որ «այսօր նոր դարաշրջան է սկսվում Հադրութի և ամբողջ Ղարաբաղի համար»: Պատմական հայկական տարածքը ադրբեջանական է անվանել Ալիևը՝ պնդելով, թե Դիզակում հայերը եկվորներ են և այնտեղ են հայտնվել միայն 19-րդ դարում:

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը հոկտեմբերի 11-ին երկօրյա այցով կմեկնի Մոսկվա (Ռուսաստանի Դաշնություն), ուր հանդիպում կունենա Մոսկվայի և Համայն Ռուսիո Կիրիլ Պատրիարքի հետ և կմասնակցի տարածաշրջանի հոգևոր առաջնորդների եռակողմ հանդիպմանը:

Հացադուլի տասներորդ օրը Վրաստանի նախկին նախագահ Միխեիլ Սաhակաշվիլիի ինքնազգացողությունը վատացել է: Այս մասին հայտարարել է նրա անձնական բժիշկ Նիկոլոզ Կիպշիձեն, որն այսօր նրան այցելել է բանտում:

Ռուս խաղաղապահների հրամանատարությունը հետաքննում է Մարտակերտի խաղաղ բնակչի սպանության դեպքը: Տելեգրամյան ալիքներում լուրեր կան, որ թշնամու դիպուկահարը ձերբակալվել է: Ըստ չճշտված տեղեկությունների՝ Ադրբեջանի նախագահն ու պաշտպանության նախարարը ներողություն են խնդրել ռուսներից ու աշխատանքից ազատել 3 բարձրաստիճան պաշտոնյայի:

Աղջիկ երեխաները մեր կյանքը լցնում են վառ գույներով ու երջանկությամբ, տալիս են կյանքի դժվարությունները հաղթահարելու անսպառ մոտիվացիա։ Չպետք է թույլ տանք, որ մեր աղջիկ երեխաները դառնան մեր թվացյալ վախերի զոհը, որ մեր կարծրատիպերի պատճառով ձախողվի նրանց կյանքի ճանապարհը:

Արգենտինայի հավաքականի հարձակվող Լիոնել Մեսսին կիսվել է իր կարծիքով 2022 թվականի Աշխարհի առաջնության ընտրական փուլի՝ Ուրուգվայի դեմ խաղից հետո (3-0), որում նա խփեց գոլերից մեկը։

Վարչապետ Նիկոլ Փաշինյանը հոկտեմբերի 12-ին աշխատանքային այցով կմեկնի Ռուսաստանի Դաշնություն։ Մոսկվայում տեղի կունենա Նիկոլ Փաշինյանի և Ռուսաստանի Դաշնության նախագահ Վլադիմիր Պուտինի հանդիպումը: Այս մասին հայտնում է վարչապետի աշխատակազմը:

 2021թ հոկտեմբերի 9-ին, ժամը 13։20-ի սահմաններում Մարտակերտի քաղաքային համայնքի վարչական տարածքում տեղակայված վարելահողում գյուղատնտեսական տեխնիկայով աշխատանքներ կատարելիս մոտավորապես մեկ կիլոմետր հեռավորությամբ տեղակայված ադրբեջանական դիրքից արձակված կրակոցից կրծքավանդակի հատվածում վիրավորվել ու տեղում մահացել է Մարտակերտ քաղաքի բնակիչ, 1966թ․ ծնված Արամ Ալեքսեյի Տեփնանցը։

Պետական եկամուտների կոմիտեն, հարկային կարգապահության բարելավման ծրագրի շրջանակում, 2021թ․ 3-րդ եռամսյակի ընթացքում բացահայտել է աշխատողի չձևակերպման ու ՀԴՄ-ի կիրառման կանոնների խախտման դեպքեր: