Լրահոս

Կարոտ, ցավ, մխիթարություն ու հույս՝ Եռաբլուր զինվորական պանթեոնում: 90-ականներին ամուսնուն կորցրած կինը իրեն մխիթարում է, որ Արցախի մի թիզ հողի համար կյանքը զոհած ամուսինը չի տեսել Արցախի կորուստը, Արցախն ազատագրածները վերադարձի հույսեր են փայփայում, իսկ հույսը կորցնող մեծահասականերին պարտավորեցնում է նրանց թոռների հիշողությունը:

Մեր անվտանգության և ինքնիշխանության ամենագլխավոր երաշխավորը հայկական մարտունակ բանակն է։

Քառօրյա պատերազմում անմահացած Ռոբերտ Աբաջյանը այսօրվանից հայրենիքի պաշտպանության համար կյանքը չխնայելու դասեր կտա հարազատ դպրոցի աշակերտներին: Նրա անվամբ՝ համար 147 դպրոցի բակում տեղադրվել է նրա բրոնզաձույլ արձանը:

Տեղեկացնում ենք, որ Արարատյան Հայրապետական թեմի Կոնդի Սուրբ Հովհաննես եկեղեցու հոգևոր հովիվ Տեր Պետրոս ավագ քահանա Մալյանը՝ հովվական ծառայության ծանրաբեռնվածության պատճառով՝ իր դիմումի համաձայն, ս.թ. հունվարի 19-ից ազատվել է Արարատյան Հայրապետական թեմի երիտասարդաց միությունների համակարգողի պարտականություններից: Այս մասին տեղեկանում ենք qahana.am-ից։

Հայլուր 20։30 Ի՞նչ վիճակում է Վարդան Ղուկասյանը. հաշված ժամեր մնացին Երևանին՝ ՄԻԵԴ-ին պատասխան տալու

Միացյալ Նահանգների՝ Հարավային Կովկասի հետ կապված ծրագրերի իրականացման ակտիվացման ֆոնին` Ռուսաստանի արտգործնախարարը հանդիպել է ԱՊՀ անդամ երկրների դեսպանների հետ ու նրանց հետ խոսել տարածաշրջանային անվտանգության մասին: Քաղաքագետների կարծիքով՝ այդ հանդիպման ընթացքում Սերգեյ Լավրովը հստակ ուղերձներ է ուղարկել նաև Հայաստանին՝ հիշեցնելով, որ իրենց ազդեցության գոտին է Հարավային Կովկասը, ինչը հրապարակային ընդունել է նաև Թրամփը:

«Մեր ձևով» ժողովրդական շարժման անդամներն այսօր Եռաբլուրում հարգանքի տուրք են մատուցել հանուն հայրենիքի զոհված հերոսների հիշատակին։ 

Հայաստանի ու Ադրբեջանի միջև 2025 թվականի օգոստոսի 8-ին խաղաղության համաձայնագրի նախաստորագրումը նոր հեռանկարներ է բացել տարածաշրջանային խաղաղության համար, ինչն անչափ կարևոր է։

Երկնային բանակի հիշատակը հարգելու համար երեկ Եռաբլուր բարձրացած քաղաքական վերնախավը, լուռ է երկրային բանակի օրը` չնայած հունվարի 27-ը հայրենիքի պաշտպանության համար զոհվածների հիշատակի օր սահմանելիս նախագծի հեղինակներից ՔՊ-ական Ռուբեն Ռուբինյանը խոստանում էր տոնել այս օրը, այսօր ՔՊ-ականներից Եռաբլուրում են եղել միայն Անդրանիկ Քոչարյանն ու Սասուն Միքայելյանը: Ընդդիմությունն է այսօր ծաղիկներ խոնարհել զոհվածների շիրիմներին՝ արձանագրելով, որ իշխանությունը դիտմամբ է բանակի օրվա նախօրեն հիշատակի օր սահմանել, որ այսօր զինվորական պանթեոն չբարձրանա: «Կարծես արգելված է այդ մարդկանց բանակի, մեր զոհերի, պատերազմի մասին խոսել»,- լրագրողների հետ զրույցում նշել է «Հայաստան» խմբակցության պատգամավոր Քրիստինե Վարդանյանը:

Հունվարի 28-ին Մոսկվայի պատրիարքության արտաքին եկեղեցական կապերի բաժնի նախագահ, Վոլոկոլամսկի միտրոպոլիտ Անտոնին հանդիպել է Հայ առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոսի հետ։ Այս մասին տեղեկանում ենք Մոսկվայի պատրիարքարանի տարածած հաղորդագրությունից։

Հայաստանի վարչապետը շնորհավորել է բանակի օրը ֆեյսբուքյան գրառմամբ, որի 5 պարբերությունն այն մասին է, թե ինչքան փող են ծախսել բանակը բարեփոխելու համար: Ծախսեր, որ ոչ թե բանակի մարտունակության բարձրացմանն են ուղղված՝ այլ պաշտպանունակության, ինչպես հասկանում ենք Փաշինյանի օրվա ուղերձից: Այդ թեզը խիստ քննադատում են ռազմական փորձագետները, դրա տակ տեսնում ոչ թե պատերազմները կանխելու, այլ պատերազմների ժամանակ առավելագույնը պաշտպանվելու պատրաստակամություն: Փաշինյանի հաշվարկները սին են թվում հատկապես այն պայմաններում, որ իշխանությունը ջնջել է Արցախյան պատերազմների մասին էջը՝ Հայոց բանակի գաղափարական, կադրային և մարտական հիմքը:

Հունվարի 28-ը կարմիրով է նշված հայոց տոնացույցում, որովհետև այս օրը ՀՀ մարտական մկրտության օրն է, հայ ժողովրդի՝ սեփական հայրենիքում ազատ ու անկախ ապրելու կամքի արտահայտման օրը:

Այսօր՝ հունվարի 28-ին, արտակարգ դեպք է տեղի ունեցել Արարատի մարզում։ Ժամը 15։00-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մարմարաշենից դեպի Նուբարաշեն տանող ավտոճանապարհին ավտոմեքենա է այրվում, հայտնում է Shamshyan.com-ը։

Հայլուր 18։30 Ռոբերտ Քոչարյանը բանակի ուժն ու ոգին արագորեն վերականգնելու վստահություն է հայտնում

Մենք միշտ կվերհիշենք այն, ինչ դուք արեցիք մեզ համար, Եռաբլուր այցից հետո այս մասին գրել է «Մեր ձևով» շարժման համակարգող Նարեկ Կարապետյանը՝ հրապարակելով լուսանկար։

Միջազգային լեգիտիմությունը դրել ենք բանակից առաջ. Նիկոլ Փաշինյան

Հայ Առաքելական եկեղեցու շուրջ ստեղված իրավիճակի վերաբերյալ ԵԽԽվ-ում Եվրոպական պահպանողականների քաղաքական խմբի ներկայացուցչը  հետևյալ հարցն է հղել Արարատ Միրզոյանին. «Փաշինյանը նշեց, որ ուզում է ՀԱԵ-ն փոխել ազգային կենտրոն ունեցող եկեղեցով, որը չի կարող խառնվել ազգային գործերին: Նա ձերբակալել է մեծ թվով եպիսկոպոսների, մի՞թե սա ժողովրդավարական, կրոնական ազատությունների, խոսքի ազատության իրավունքի խախտում չէ»:

Մոսկվան ուզում է, որ ուկրաինական զորքը դուրս գա Դոնբասից. բանակցային ճնշումներ

Բանակային դիրքերում հերթապահություն իրականացնող զինծառայողների շնորհավորանքը` Հայաստանի Հանրապետության բանակի կազմավորման 34-րդ տարեդարձի առթիվ։

Հունվարի 28-ին՝ ժամը 17:30-ի դրությամբ, ՀՀ միջպետական և հանրապետական նշանակության բոլոր ավտոճանապարհները բաց են: Ճանապարհների սպասարկման համար պատասխանատու կազմակերպությունները շարունակում են ավտոճանապարհների մաքրման և աղ-ավազով մշակման աշխատանքները: