Լրահոս

ԱՄՆ-ն Ուկրաինա է ուղարկում 275 մլն դոլարի չափով լրացուցիչ ռազմական օգնություն, որը ներառում Է մեծ քանակությամբ զինամթերք և բարձր տեխնոլոգիական համակարգեր, որոնք կարող են օգտագործվել անօդաչու թռչող սարքերը հայտնաբերելու և դրանց հակազդելու համար: Այս մասին հայտնում է «Արմենպրես»-ը՝ վկայակոչելով Associated Press գործակալությանը:

Հանրապետության նախագահ Վահագն Խաչատուրյանը ներկա է գտնվել ԳԱԱ Մ. Քոթանյանի անվան Տնտեսագիտության ինստիտուտի կազմակերպած «Սոցիալ-տնտեսական զարգացման արդի հիմնախնդիրները Հայաստանի Հանրապետությունում» խորագրով գիտաժողովին:

Վրաստանի վարչապետի Իրակլի Ղարիբաշվիլիի որոշմամբ՝ մարդասիրական օգնություն տրամադրելու համար Ուկրաինա կուղարկվեն գեներատորներ, հայտնում է Վրաստանի կառավարությունը:

ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը դեկտեմբերի 9-ին հանդիպել է Հայաստանում Ալժիրի Ժողովրդական Ժողովրդավարական Հանրապետության նորանշանակ արտակարգ և լիազոր դեսպան Սմաիլ Բենամարային:

Հայլուր 18։30 Փաշինյանը Պուտինին նորից բողոքել է ռուս խաղաղապահներից

Ադրբեջանի զինված ուժերի կողմից 2020 թ. սեպտեմբերի 27-ից Արցախի Հանրապետության դեմ սանձազերծված՝ միջազգային մարդասիրական իրավունքի կոպիտ խախտումներով զուգորդված ագրեսիվ պատերազմի հանգամանքները քննելու համար Արցախի Հանրապետության իրավապահ մարմինների կողմից հարուցվել են մի շարք քրեական գործեր, որոնց շրջանակում նախաքննական մարմնի կողմից առգրավվել են բազմաթիվ չպայթած արկեր ու արկերի մնացորդներ, նշանակվել են փորձաքննություններ:

Չնայած Ուկրաինայում Ռուսաստանի ծավալած ռազմական գործողություններին՝ Վաշինգտոնը կարողանում է Մոսկվայի հետ շփումներ ունենալ որոշակի հարցերի շուրջ: Այս մասին հայտնել է ԱՄՆ պետքարտուղար Էնթոնի Բլինքենը CBS NEWS-ին տված հարցազրույցի ժամանակ: Այսպես է Բլինքենը մեկնաբանել երկու երկրների միջև բանտարկյալների փոխանակումը, որի շրջանակներում ԱՄՆ բասկեբոլիստ Բրիթնի Գրայները փոխանակվել է, ՌԴ քաղաքացի Վիկտոր Բուտի հետ:

Տաթև-Աղվանի ճանապարհի երթևեկությունը դեկտեմբերի 9-ից 10-ին կկազմակերպվի ընդհատումներով և սահմանափակումներով: 

ՀՀ ազգային ժողովն առաջին ընթերցմամբ ընդունեց կառավարության ներկայացրած օրենսդրական նախաձեռնությունը, որով Պետական պահպանության ծառայությունն առանձնացվում է Ազգային անվտանգության ծառայության մարմիններից, դառնում վարչապետին ենթակա առանձին մարմին:

Շիրակի մարզպետ Նազելի Բաղդասարյանը մարզային իշխանության ներկայացուցիչների հետ այսօր Անիի համայնքապետարանի վարչական շենքում աշխատակազմին և համայնքային ենթակայության կազմակերպությունների ղեկավարներին է ներկայացրել ՀՀ վարչապետի որոշմամբ Անի համայնքի ղեկավարի պաշտոնակատար նշանակված Արման Սարիբեկյանին։

Աշխատանքային այցով Ֆրանսիայի Հանրապետությունում գտնվող Արցախի Հանրապետության նախագահ Արայիկ Հարությունյանի գլխավորած պատվիրակությունը դեկտեմբերի 8-ին այցելել է Լիոն քաղաք, որտեղ տեղի է ունեցել հանդիպում Օվերն Ռոն Ալպ շրջանային խորհրդի փոխնախագահներ Նիկոլա Դարագոնի և Թերի Կովակսի և շրջանային խորհրդի պատասխանատուների հետ:

Հայաստանի Ազգային ժողովի նախագահի տեղակալ Ռուբեն Ռուբինյանը դեկտեմբերի 9-ին ընդունել է մեր երկրում Ֆրանսիայի Հանրապետության արտակարգ եւ լիազոր դեսպան Անն Լույոյին:

Իսպանիայի հավաքականի նախկին մարզիչ Լուիս Էնրիկեն կարող է կարիերան շարունակել «Ատլետիկոյում» կամ «Մանչեսթեր Յունայթեդում», հայտնում է As-ը:

Բրազիլիայի հավաքականի նախկին խաղացող Կական ասել է, որ իր երկրում շատ բրազիլացիներ չեն երկրպագում ազգային թիմին։

Դեկտեմբերի 9-ին՝ ժամը 13։59-ին, Ճգնաժամային կառավարման ազգային կենտրոն տեղեկություն է ստացվել, որ Արարատի մարզի Ռանչպար գյուղի ջրատարում դի է հայտնաբերվել․ անհրաժեշտ է փրկարարների օգնությունը։

ՀՀ քննչական կոմիտեի նախագահի տեղակալ Արսեն Այվազյանն ընդունել է Եվրոպայի խորհրդի գենդերահավասարության բաժնի կարողությունների զարգացման և համագործակցության ծրագրերի ենթաբաժնի ղեկավար Մարթա Բեկերրայի գլխավորած պատվիրակությանը։

Սաուդյան Արաբիան և Չինաստանը մտադիր են ամրապնդել համագործակցությունն իրանական միջուկային ծրագրի խաղաղ բնույթի ապահվման համար: Այդ մասին հաղորդում է «Արմենպրես»-ը՝ վկայակոչելով ТАСС գործակալությանը:

Դեկտեմբերի 4-ին անցկացվեց ձյուդոյի մեծահասակների Հայաստանի Հանրապետության 2022 թվականի առաջնությունը, որին մասնակցել են 91 ձյուդոիստներ Երևանի, Շիրակի, Լոռու, Կոտայքի, Սյունիքի մարզերից և Արցախից։

«Ճանապարհային դեպարտամենտ» հիմնադրամից տեղեկացնում են, որ դեկտեմբերի 9-ին՝ ժամը 17։00-ի դրությամբ, Հալիձորից մինչև Տաթև ճանապարհահատվածին մառախուղ է, տեսանելիությունը՝ 20-30 մետր։

Արցախի Հանրապետության պետնախարար, քաղաքացիական պաշտպանության պետ Ռուբեն Վարդանյանն այսօր հրավիրել է խորհրդակցություն՝ քաղաքացիական պաշտպանության համար պատասխանատու գերատեսչությունների ղեկավարների և պաշտոնյաների մասնակցությամբ: