Լրահոս

Լիոնել Մեսսին խոսել է ԱԱ-2022-ի եզրափակչի մասին.

Հարավային Կորեան և Միացյալ Նահանգները պայմանավորվել են 2023 թ.-ին ավելի ընդլայնել համատեղ զորավարժությունները: «Արմենպրես»-ի փոխանցմամբ՝ այս մասին ասվում է երկու երկրների պաշտպանության նախարարներ Լլոյդ Օսթինի և Լի Չժոն Սոպի համատեղ հայտարարության մեջ:

Միացյալ Նահանգները կարող է միջուկային զենք կիրառել հանուն Հարավային Կորեայի պաշտպանության։ Այս հայտարարությունն արել է Պենտագոնի ղեկավար Լլոյդ Օսթինը: Նրա խոսքով՝ ամբողջ 2022 թվականի ընթացքում Հյուսիսային Կորեան սադրել է Հարավային Կորեային, սպառնացել այդ երկրի անվտանգությանը: Օսթինն ասել է, որ Փհենյանի գործողությունները խարխլում են տարածաշրջանի անվտանգությունը:

ՀՀ աշխատանքային օրենսգրքում նախատեսված փոփոխությունների համաձայն՝ արձակուրդ գնալը դառնալու է պարտադիր: «Արմենպրես»-ի մամուլի սրահում հրավիրված ասուլիսում ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը նշեց, որ եթե աշխատողը երկուսուկես տարի անընդմեջ խուսափում կամ հրաժարվում է իրեն հասանելիք ամենամյա արձակուրդի կամ դրա մի մասի տրամադրումից՝ չներկայացնելով ամենամյա արձակուրդ տրամադրելու մասին դիմում, ապա գործատուն արձակուրդ է տրամադրում առանց աշխատողի դիմումի։

Արցախի Հանրապետության պետական նախարար, Օպերատիվ շտաբի պետ Ռուբեն Վարդանյանի ղեկավարությամբ այսօր տեղի ունեցած շտաբի նիստում քննարկվել են Ադրբեջանի կողմից Արցախի շարունակվող շրջափակման պայմաններում բնակչության կենսագործունեության ապահովմանը վերաբերող մի շարք հարցեր:

Վրաստանի նախկին նախագահ Միխեիլ Սաակաշվիլիին օրհասական վիճակում պալատից տեղափոխում են վերակենդանացման բաժանմունք, ասել է նրա հիմնադրած «Միավորված ազգային շարժում» ընդդիմադիր կուսակցության անդամ Գիորգի Չիլաձեն։

Ոստիկանության Տարոնի բաժնի քրեական հետախույզների ձեռնարկած միջոցառումների արդյունքում հունվարի 30-ին «Զվարթնոց» օդանավակայանում հայտնաբերվել է 43-ամյա Սարգիս Բ.-ն, որը 2017 թ. դեկտեմբերի 1-ից հետախուզվում էր ՀՀ նախկին քրեական օրենսգրքի 173-րդ հոդվածի (Ծնողի կողմից երեխային պահելուց չարամտորեն խուսափելը) մեղադրանքով:

Ադրբեջանի կողմից հունվարի 27–ին հայկական կողմին փոխանցված զոհված հայ զինծառայողի աճյունի մոտ եղել է սեպտեմբերյան մարտերի հետևանքով անհետ կորած զինծառայող Վահե Թորոսյանի զինվորական գրքույկը։ Այս մասին NEWS.am-ի հետ զրույցում ասաց Վահեի հայրը՝ Արամ Թորոսյանը։

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։

Ադրբեջանի ներկայացուցիչ Էլնուր Մամեդովն այսօր Հաագայի դատարանին է ներկայացրել իր երկրի հայցը Հայաստանի դեմ: Մամեդովը փորձել է փաստեր բերել, թե իբր Հայաստանը 2020 թվականի նոյեմբերի 9-ի հայտարարությունից հետո ականներ է տեղադրել Արցախի այն տարածքներում, որոնք այսօր ադրբեջանական վերահսկողության տակ են: Բաքուն ուզում է ապացուցել, որ Հայաստանը ռասսայական խտրականության հիմքով սպանում է ադրբեջանցիներին:

Արցախի Հանրապետության մարդու իրավունքների պաշտպան Գեղամ Ստեփանյանը ՀՀ Ազգային ժողովի «Հայաստան» խմբակցության պատգամավոր Ասպրամ Կրպեյանի հետ միասին Հայ առաքելական եկեղեցու Թեհրանի թեմի Թեմական խորհուրդի (Առաջնորդարան) հրավերով հունվարի 26-30-ը աշխատանքային այցով գտնվում էր Իրանի Իսլամական Հանրապետությունում։

Ազգային ժողովի աշխատակազմի ղեկավար Վահան Նարիբեկյանը չի պատրաստվում հրաժարականի դիմում գրել, քանի դեռ նրան այդ մասին չի ասել ԱԺ նախագահը։ Այս մասին NEWS.am-ի հետ զրույցում ասաց Նարիբեկյանը՝ անդրադառնալով մամուլում շրջանառվող տեղկությանը, որ իշխող «Քաղաքացիական պայմանագիր» խմբակցության փակ նիստում պարգևավճար ստանալ ցանկացող պատգամավորների օգնականների պահանջով որոշում է կայացվել, որ Նարիբեկյանը պետք է հեռանա պաշտոնից։

Ոստիկանության Արտաշատի բաժնի քրեական հետախույզները հունվարի 30-ին օպերատիվ տվյալներ էին ստացել, որ Բաղրամյան գյուղի 27-ամյա մի բնակիչ մոտը զենք-զինամթերք է պահում և այդ պահին գյուղի դաշտերում է:

Երեկ՝ հունվարի 30-ին, մարտաֆիլմ հիշեցնող դեպք է տեղի ունեցել Երևանում։ Shamshyan.com-ի փոխանցմամբ՝ ժամը 23։30-ի սահմաններում ՀՀ ներքին գործերի նախարարության Ոստիկանության Պարեկային ծառայողները Լենինգրադյան փողոցում ծառայություն կատարելու ժամանակ նկատում են, որ Opel մակնիշի ավտոմեքենան չարամտորեն խախտում է երթևեկության կանոնները։ Բարձրախոսով հորդորում են վարորդին, որպեսզի նա կանգնի։ Սակայն վարորդը, չենթարկվելով պարեկների «կանգառ» պահանջին, դիմում է փախուստի։ Սկսվում է հետապնդում։ Այդ ընթացքում պարեկները ներքին կապով օգնություն են խնդրում իրենց գործեընկերներից։ Ու արդեն Կիլիկիա և Վերֆել փողոցների խաչմերուկում կարողանում են շրջափակման մեջ առնել Opel-ին ու կանգնեցնել Opel մակնիշի ավտոմեքենան։

Հայլուր 15։30 Բաքվի գանգատն են լսել Հաագայի դատարանում՝ ընդդեմ Հայաստանի

Արցախի մարդու իրավունքների պաշտպան Գեղամ Ստեփանյանը հարցազրույց է տվել ֆրանսիական «Ouest France» լրատվականին:

«Մանչեսթեր Սիթիի» և Արգենտինայի հավաքականի նախկին հարձակվող Սերխիո Ագուերոն խոսել է Անգլիայի Պրեմիեր լիգայում չեմպիոնական պայքարի մասին։

Ձյան պատճառով կաթվածահար են եղել մարզերից դեպի Երևան եկող ճանապարհները: «Հայլուրի» թղթակիցները աշխատանքի գալիս են նկարահանել կադրերը: Աշտարակ քաղաքում մերկասառույց չկա: Աղ ու ավազ ցանված է, բայց միայն քաղաքում: Աշտարակ խոշորացված համայնքի մյուս բնակավայերի ճանապարհները սառցակալած են: «Հայլուրն» ահազանգեր է ստացել նաև Կոտայքի մարզի բնակիչներից: Մարդիկ ասում են՝ Եղվարդ-Երևան ճանապարհին պարեկներն են ձեռքերով ավազ լցնում: Ապարան-Երևան 50 կիլոմետրանոց ճանապարհահատվածը սահադաշտի է վերածվել: Հայաստանի Ներքին գործերի փրկարար ծառայությունը տեղեկացնում է, որ հանրապետությունում կան փակ ճանապարհներ։

Երևանի քաղաքապետարանից հայտնում են՝ հունվարի 30-ին մայրաքաղաքում ծնվել է 53 երեխա:

Երևանում այսօր ցերեկը, փետրվարի 1-ին, 4-ի երեկոյան ժամերին, 5-ին սպասվում է թույլ ձյուն։