Լրահոս

Ադրբեջանի նախագահ Իլհամ Ալիևը հոկտեմբերի 7-ին այցով ժամանել է Ռուսաստան՝ մասնակցելու ԱՊՀ երկրների ղեկավարների հանդիպմանը։

Հոկտեմբերի 7-ին՝ ԱՊՀ երկրների ղեկավարների նիստին ընդառաջ, Մոսկվայում ՀՀ արտաքին գործերի նախարար Արարատ Միրզոյանը մասնակցել է ԱՊՀ մասնակից պետությունների ԱԳ նախարարների խորհրդի նիստին: Այդ մասին հայտնում են ՀՀ ԱԳՆ-ից:

ԱՄՆ դոլարի փոխարժեքն այսօր՝ հոկտեմբերի 7-ին, կազմել է 386.93 դրամ՝ նախորդ օրվա համեմատ նվազելով 0.06 դրամով: Այդ մասին տեղեկանում ենք Կենտրոնական բանկի պաշտոնական կայքից։

«Դոմուս» կահույքի սրահի Իսակովի 29/1 հասցեում վերահսկողական գործառույթներ դեռևս չեն իրականացվել։ Այս մասին հայտնել է ՔՏՀԱ տեսչական մարմնի խոսնակ Ելենա Զոհրաբյանը․

Սևանա լճի մակարդակը սեպտեմբերի 30-ից հոկտեմբերի 6-ն ընկած ժամանակահատվածում իջել է 1սմ-ով և կազմել՝ 1900.51մ (06.10.24թ.), որն անցյալ տարվա նույն օրվա մակարդակից բարձր է 22սմ-ով, իսկ 2024 թվականի հունվարի 1-ի մակարդակից՝ 34սմ-ով։

Ըստ ոստիկանության օպերատիվ հաղորդագրությունների ամփոփագրերի՝ հոկտեմբերի 4-7-ը ՆԳՆ ոստիկանության ստորաբաժանումները բացահայտել են հանցագործության 189 դեպք, որոնցից 3-ը՝ նախկինում կատարված:

ՀՀ էկոնոմիկայի նախարար Գևորգ Պապոյանը հոկտեմբերի 7-ին ընդունել է Համաշխարհային բանկի տարածաշրջանային տնօրեն Ռոլանդ Փրայսի գլխավորած պատվիրակությանը։ Հանդիպմանը ներկա են եղել նաև Համաշխարհային բանկի հայաստանյան գրասենյակի ղեկավար Կարոլին Գեգինատը, նախարարի տեղակալներ Արման Խոջոյանը և Սևակ Միքայելյանը։

Էկոնոմիկայի նախարար Գևորգ Պապոյանը հոկտեմբերի 11-14-ը կգործուղվի Ֆրանսիա (Դիժոն). որոշումը ստորագրել է վարչապետ Նիկոլ Փաշինյանը:

Վլադիմիր Պուտինը վաղը` հոկտեմբերի 8-ին, ԱՊՀ պետությունների ղեկավարների խորհրդի նիստից առաջ, երկկողմ հանդիպումներ կունենա ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ: Այս մասին հայտնել է ՌԴ նախագահի օգնական Յուրի Ուշակովը:

Սահմանադրական դատարանի դատավորների վերջին որոշման դեմ էին Սրբազան անունը ստացած շարժման երեկվա ակցիաները: Կիրակի Հանրապետության հրապարակում կայացած հանրահավաքից հետո քաղաքացիները Բագրատ Սրբազանի կոչով Սահմանադրական դատարան են գնացել: Նրանք Սահմանադրական դատարանի դատավորների նկարներն էին տանում: Ոստիկանությունը փորձել է խոչընդոտել երիտասարդների ակցիան՝ հայտարարելով, թե նախապես չի իրազեկվել: Շարժման մասնակիցներին, այնուամենայնիվ, հաջողվել է ակցիան անել: «Դատավո՞ր, թե՞ ծառա»,- գրվել է ասֆալտին:

Հոկտեմբերի 9-12–ը Հայաստան կժամանի Հունգարիա-Հայաստան բարեկամական խմբի ղեկավար Միհայ Բալլայի գլխավորած պատվիրակությունը։

Խոշոր հրդեհ է բռնկվել Երևանի Իսակովի պողոտայում գտնվող «Դոմուս» հիպերմարկետի պահեստային տարածքում և տարածվել խանութի հատվածում՝ 2500-3000 քմ-ի վրա այրվում է կահույք, շինանյութ և տեխնիկա: ԸՍՏ ՆԳՆ խոսնակ Նարեկ Սարգսյանի՝ տուժածների մասին այս պահին տեղեկություն չկա: Լուրեր կան, թե պայթյուն է եղել հրդեհից առաջ, բայց այդ վարկածը դեռ չեն կարող հաստատել կամ հերքել: Ներքին գործերի նախարարությունը ահազանգը ստացել է 12:57 րոպեին: Դեպքի վայր է մեկնել փրկարար ծառայության 14 մարտական հաշվարկ՝ հրդեհի բարդության երրորդ կանչով:

Ռոդրիգո Մեսսին «Լիոնել Մեսսի մենեջմենթ»-ի տնօրենն է և Play Time Ventures-ի հատուկ խորհրդատու:

Արտակարգ դրություն է Բոսնիա և Հերցեգովինայում: Ջրհեղեղների և սողանքների հետևանքով 18 մարդ է զոհվել այդ երկրի կենտրոնական շրջաններում: Ավելի քան 10 մարդ անհետ կորած է համարվում: Որոնողափրկարարական աշխատանքները շարունակվում են: Ջրի տակ են մնացել հարյուրավոր տներ: Աղետը մի շարք քաղաքներ ու գյուղեր մեկուսացրել է երկրի մնացած հատվածից:

Երևանի քաղաքապետի մամուլի խոսնակ Հայկ Կոստանյանը գրում է․ «Իսակովի պողոտայում գտնվող «Դոմուս» խանութի պահեստային հատվածում բռնկված հրդեհի մարման աշխատանքներին աջակցելու նպատակով Երևանի քաղաքապետ Տիգրան Ավինյանի հանձնարարությամբ համայնքային ենթակայության շուրջ մեկ տասնյակ ջրցան մեքենաներ են հատկացվել, որոնց թիվն ըստ անհրաժեշտության կավելանա»։

Հայլուր 15։30 Խոշոր հրդեհ՝ Երևանում, այրվում է հիպերմարկետի պահեստ. պայթյունի վարկած է քննարկվում

Ամերիկայի Միացյալ Նահանգների արևելքում «Հելեն» փոթորկի զոհերի թիվը հասել է 227-ի: Ամենաշատ մահերը գրանցվել են Հյուսիսային Կարոլինայում՝ 113 մարդ: Զոհեր կան Հարավային Կարոլինայում, Ջորջիայում, Ֆլորիդայում, Թենեսիում և Վիրջինիայում։ Փրկարարները փնտրում են անհետ կորածներին։ Նախնական տվյալներով՝ վնասի չափը 34 միլիարդ դոլար է:

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. հոկտեմբերի 8-ին ժամը 10:30-18:00-ն կդադարեցվի Արմավիրի մարզի Արմավիր քաղաքի՝ Ջիվանի, Հանրապետության, Սահմանապահների, Արարատյան, Աբովյան փողոցների, Սայաթ-Նովայի և Թումանյան փողոցների ու նրբանցքների ջրամատակարարումը:

Հարցին՝ ինչու չի հաջողվում հրդեհը մարել, նա պատասխանեց. «Հրդեհն այս պահին 2500–3000 քմ տարածքի վրա է։ Փրկարար ծառայություն 17 մարտական հաշվարկ է աշխատում։ Կոոպերատիվ 5 մեքենա, 2 ավտոսանդուղք, քաղաքապետարանի 5 ջրատար մեքենա եւ դեռ օգնության են հասնումնոր մարտական հաշվարկներ։

Ուկրաինան հարվածել է Ղրիմում ՌԴ ծովային նավթային տերմինալին: Արտակարգ իրավիճակ է հայտարարվել: Հրդեհն ամբողջությամբ մարել չի հաջողվել: Նախնական տվյալներով՝ վիրավորներ չկան։ Ավելի վաղ, Նիդերլանդները Ուկրաինային է փոխանցել խոստացված 24 F-16 ինքնաթիռների առաջին խմբաքանակը։ Ըստ Նիդերլանդների պաշտպանության նախարար Ռուբեն Բրեկելմանսի հայտարարության՝ մնացածն էլ շուտով կմատակարարվի: