Լրահոս

Մինչ աշխարհը սպասում է ամենաարյունալի հակամարտություններից մեկի հանգուցալուծմանը, հակամարտող կողմերը փորձում են մինչև բանակցությունները առավելագույն շահեկան դիրքեր գրավել ռազմաճակատում: Ռուսական բանակը հայտնում է Դոնեցկի շրջանում Դաչնոյե և Զելենոյե Պոլե բնակավայրերի գրավման մասին: Ուկրաինայի նախագահը այսօր հայտարարել է, թե ռուսական ԱԹՍ-ները Չեռնոբիլի ատոմակայանի ավերված էներգաբլոկին են հարվածել և վնասել պաշտպանիչ սարկոֆագը։ «Հերթական կեղծիք»՝ այսպես է պատասխանել Մոսկվան Կիևին:

Հայաստանի Հանրապետության արտակարգ և լիազոր դեսպան Տիգրան Մկրտչյանը (նստավայրը՝ Աթենք) Կիպրոսի Հանրապետությունում իր դիվանագիտական առաքելության ավարտի կապակցությամբ Ներկայացուցիչների պալատում հանդիպում է ունեցել Արտաքին հարաբերությունների մշտական հանձնաժողովի և Կիպրոս-Հայաստան համագործակցության միջխորհրդարանական հանձնաժողովի նախագահ Հարիս Գեորգիադեսի հետ։

Երևանի քաղաքապետի խոսնակ Հայկ Կոստանյանը տեղեկացնում է, որ հունվարի 1-ից փետրվարի 13-ն ընկած ժամանակահատվածում միասնական տոմսային համակարգի շրջանակում ձեռք է բերվել 123293 տոմսային փաթեթ։

Լիբանանում հակակառավարական ցույցեր են սկսվել այն բանից հետո, երբ իշխանությունն արգելել է իրանական Mahan Air և Iran Air ավիաընկերությունների օդանավերի վայրէջքը Բեյրութի օդանավակայանում: Լիբանանցիները կառավարության այս քայլն ընկալել են որպես ճնշում Իսրայելից: Իրանի աջակից «Հըզբոլլահի» կողմնակիցները փակել են Բեյրութի օդանավակայան տանող ճանապարհը և բողոքի ակցիա կազմակերպել՝ բարիկադներ կառուցելով և անվադողեր այրելով:

ԵՊՀ Արևելագիտության ֆակուլտետի Իրանագիտության ամբիոնի վարիչ Վարդան Ոսկանյանն ընդգծում է՝ մտայնություն է, թե հնարավոր էր առանց ռազմական բաղադրիչի՝ Արցախի հայության անվտանգ գոյությունը Բաքվի բարբարոսական վարչախմբի իշխանության պայմաններում։ Բացի այդ՝ առանց ռազմաքաղաքական հավասարակշռության առնվազն վերականգման, Ադրբեջանի հետ երկարաժամկետ խաղաղությունը ևս անհնար է։   

Երևանում տրանսպորտի ուղեվարձի բարձրացման 14-րդ օրն է, սակայն մարդկանց մեծամասնությունը չի պատրաստվում համակերպվել դրան: Կրքերն այսօր թեժացել են հենց ավտոբուսում: Երևանի ավագանու ընդդիմադիր անդամներն ասում են, որ քաղաքացիներին վճարել ստիպելու իրավասություն չունեն վարորդները: Քաղաքապետարանը դրա համար հսկիչների է գործի ընդունել:

ԳԴՀ դաշնային զինված ուժերի պաշտպանության շտաբի պետ, գեներալ Կարստեն Բրաուերի հրավերով Մյունխենի անվտանգության համաժողովին մասնակցող ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը փետրվարի 14-ին պաշտոնակիցների հետ մասնակցել է կլոր սեղան-փակ քննարկմանը։

Փետրվարի 14-ին, ՀՀ ՆԳՆ ոստիկանության ծառայողները, իրականացնելով հսկայածավալ օպերատիվ հետախուզական միջոցառումներ,կարողացել են հայտնաբերել ու վնասազերծել փետրվարի 12-ին, Երևանում ատրճանակով զինված ավազակային հարձակում կատարող կասկածյալներին։ Այս մասին հայտնում է Shamshyan.com-ը։

Զելենսկին այսօր հայտարարել է, թե կասկածում է, որ Թրամփը խաղաղության որևէ ծրագիր ունի: Իսկ Կիևում սովորական ուկրաինացիները հոգնել են պատերազմից, սակայն հետքայլ անել չեն ուզում:

ՀՀ կրթության, գիտության, մշակույթի և սպորտի նախարարի տեղակալ Ալֆրեդ Քոչարյանը և բարերար Արման Մայիլյանը կնքել են համագործակցության հուշագիր՝ Տավուշի մարզի Չինչին գյուղի Կապտավանք եկեղեցու (12-րդ դ․) ամրակայման և վերականգնման վերաբերյալ:

Իսկ հետաքրքիր է, ինչո՞ւ է պետությունը սեփական հատվածական շահերին ու կապրիզներին ծառայեցնող այս իշխանությունը ստեղծել այդ հակակոռուպցիոն մարմինները, ավելին՝ հակակոռուպցիոն դատարանը, մի՞թե միայն ընդդիմադիրների դեմ ճնշման գործիք բանեցնելու համար, թե՞ կոռուպցիային դեմ գոռալով կոռուպցիան ավելի լավ է ծաղկում ու զարգանում։

Գերմանական Մյունխեն՝ աշխարհի անվտանգությանը սպառնացող հարցեր քննարկելու են ժամանում տասնյակ երկրների ղեկավարներ: Ռուսները Մյունխեն չեն հրավիրվել, բայց համաժողովի նախօրեին Դոնալդ Թրամփը մեկուկես ժամանոց հեռախոսազրույց է ունեցել Ռուսաստանի նախագահ Պուտինի հետ, որը երկու երկրների առաջնորդների առաջին ուղիղ շփումն էր ռուս-ուկրաինական պատերազմից ի վեր: Մյունխենի համաժողովում թե՛ Ուկրաինան, թե՛ դաշնակիցներն ակնկալում են Նահանգներից պարզաբանումներ լսել՝ ինչպես է Թրամփի վարչակազմը պատկերացնում խնդրի կարգավորումը։ Հայաստանի վարչապետը Մյունխեն է գնացել Խաղաղության խաչմերուկի իր թղթապանակով: Անվտանգության համաժողովին Ալիևն իր արտգործնախարարին է ուղարկել:

Այսօր՝ փետրվարի 14-ին, ավտովթար է տեղի ունեցել Կոտայքի մարզում։ Ժամը 15։40-ի սահմաններում Գառնի-Գողթ ավտոճանապարհին բախվել են «Opel Astra» և «Toyota Vits» մակնիշի ավտոմեքենաները։ Այս մասին հայտնում է Shamshyan.com-ը։

Հայ Առաքելական եկեղեցին յուրաքանչյուր տարվա փետրվարին նշում է Տյառնընդառաջը՝ քառասուն օրական Հիսուս Քրիստոսին տաճարին ընծայաբերելու տոնը։

ԵՄ-ին անդամագրվելու մասին քննարկումների ու քարոզչության կարևորագույն հատվածը դրա բիզնես բաղադրիչն է: Քարոզչությունը բիզնես է, որտեղ կան ֆինանսներ, եկամուտներ և կազմակերպչական ցանց:

Հայլուր 20։30 Ադրբեջանի կեղտոտ խաղը. Բաքուն ջրի երես է հանել Ռուբեն Վարդանյանի դեմ մեղադրանքները

Աշխարհաքաղաքական վերադասավորումների զգայուն պահին հնարավո՞ր է Հայաստանի բախտը բերի: Կովկասագետ Կարեն Իգիթյանի կարծիքով՝ քաղաքական խաղերի հնարավորություն այս պահին Հայաստանը չունի, քանի որ իր անվտանգությունը կապել է հավաքական Արևմուտքի հետ: Իսկ ահա Ադրբեջանն իր գզրոցներում Ռուսաստանին սիրաշահելու բավականին հնարքներ ունի և կօգտագործի հարմար պահին՝ էլի ի վնաս Հայաստանի:

Նախարարը նախ Կոտայքի մարզպետ Ահարոն Սահակյանի, ՏԿԵ փոխնախարար Արմեն Սիմոնյանի, համայնքապետ Էդուարդ Բաբայանի հետ շրջայց է կատարել ավտոկայանի տարածքում։ Տեղում նաև «Հայավտոկայարան» ՓԲԸ տնօրեն Կարեն Գրիգորյանի մասնակցությամբ քննարկել են ավտոկայանի գործունեության հետ կապված հարցեր, ավտոկայանի զարգացման ծրագիրը։

Փետրվարի 14-ին՝ ժամը 19:40-ի դրությամբ, Աշտարակի, Էջմիածնի, Բաղրամյանի, Վայքի, Սիսիանի, Արթիկի, Աբովյանի, Հրազդանի, Սևանի տարածաշրջաններում ձյուն է տեղում։

 «Վարչապետ Նիկոլ Փաշինյանը Մյունխենի անվտանգության համաժողովի շրջանակում հանդիպում է ունեցել «Ռասմուսեն Գլոբալ» միջազգային քաղաքական խորհրդատվական կազմակերպության հիմնադիր նախագահ և ՆԱՏՕ-ի նախկին գլխավոր քարտուղար Անդերս Ֆոգ Ռասմուսենի հետ: