Ասֆալտին փռեց մեր պաշտպանությունը. Ալիևը դուշման է ասում, Փաշինյանը Կիկոսի մահն է հիշում

Հայաստանի ու Ադրբեջանի միջև արդեն հաստատված խաղաղության մասին պնդումներ անող հայ պաշտոնյաները չեն խոսում այն մասին, թե ինչու է Ադրբեջանը շարունակում զինվել, իսկ Հայաստանը կրճատել՝ ռազմական բյուջեն եկող տարի: Փաշինյանն այսօր ասել է, որ էականորեն չի ավելանա պաշտպանական բյուջեն ու առհասարակ չի փոփոխվի, այնինչ ֆինանսների նախարար Վահե Հովհաննիսյանը խոստովանել էր, որ կրճատվելու են պաշտպանական ծախսերը՝ խաղաղության համաձայնություններով պայմանավորված: Վերլուծաբանները կասկածներ ունեն, որ վստահության մթնոլորտ ստեղծելու համար է Հայաստանը պատրաստվում կրճատել ռազմական բյուջեն: