Լրահոս

Օրվա ընթացքում մի քանի անգամ գրառում անող Նիկոլ Փաշինյանը այս օրերին ոչ մի ստատուս չի գրել բազմամիլիոնանոց պարգեւավճարների մասին, որ քաղաքացիների վճարած հարկերի հաշվին ստանում են մարդիկ, որոնք դեռ 2 տարի առաջ բյուջեն մսխելու համար պայքարում էին նախորդ իշխանության դեմ: Վերջին լուրը առողջապահության նախարարի 15 միլիոնանոց պարգեւավճարի մասին էր: Նա տարվա ընթացքում 10 անգամ է պարգեւատրվել: Մի քանի հարյուր միլիոն դրամի պարգեւավճարներ են ստացել նաեւ Ազգային ժողովում: Միայն դեկտեմբերին՝ 4 անգամ:

Մոնտենեգրոյում կրոնական ընդվզում է հասունանում: Խորհրդարանի ընդունած նոր օրենքով պետությանը կվերադառնան սերբական եկեղեցիներին պատկանող հողերը: Բողոքի ալիք է բարչձրացել ոչ միայն Մոնտենեգրոյում, այլեւ հենց Սերբիայում: Մոնտենեգրոյի ընդդիմադիր պատգամավորները հացադուլ են հայտարարել:

Կեսգիշերին փոքրիկ բռնապետի մոտ դարձյալ ինչ-որ բան այն չէր: Լկտի եւ հիստերիկ բառապաշարով քաղաքական ընդդիմախոսներին նա անվանել է վնգստացողներ եւ սպառնացել, թե պետք է մոմ վառեն, քանի դեռ ազատության մեջ են:

Հարգելի՜ գործընկերներ պարզվում է՝ երեկ արդարադատության նախարարությունում Վենետիկի հանձնաժողովից ՍԴ շուրջ ստեղծված իրավիճակի կապակցությամբ նամակ է ստացվել, որում ոչ միայն բացատրություններ են հայցվում, այլև բավական միարժեք որակումներ են տրվում իշխանությունների գործողություններին։

Հրայր Թովմասյանին առաջադրված մեղադրանքը հասարակությանը սեւերի ու սպիտակների բաժանած իշխանության հերթական քայլն է սեւերին ճնշելու համար: Երկիր Ծիրանի կուսակցության նախագահ Զարուհի Փոստանջյանը նկատում է սրան սկիզբ դրվեց մայիսին, երբ վարչապետի կոչով դատարանների դռները փակվեցին: Հոգեբան Միհրդատ Մադաթյանը 2019-ը մանիպուլացիաների տարի է համարում:

Եթե նախագահը ստորագրի վարորդներին բալային համակարգով գնահատելու մասին օրենքը, ապա մի քանի օրից վարորդներից մեծագույն ուշադրություն կպահանջվի, որպեսզի չզրկվել վարորդական իրավունքից: Ոստիկանությունում այսօր մ,անրամասն ներկայացրել են, թե որ դեպքերում, ինչ տուգանք է սահմանված խախտում անող վարորդի համար:

Հանրապետության երկրորդ նախագահ Ռոբերտ Քոչարյանի կրտսեր որդին չի բացառում՝ քաղաքականությամբ զբաղվելու հնարավորությունը: 168 էյեմի «Պրեսինգ» հաղորդաշարում Լեւոն Քոչարյանը հիշել է, թե ինչպես էր ժամանակին մամուլը զրպարտում նախագահ Քոչարյանի զավակներին, նրանց վերագրելով չգործած մեղքեր: Այսօր Լեւոն Քոչարյանը նույն ցավն է ապրում, երբ տեսնում է նման վերաբերմունք ՝ այսօրվա իշխանական վերնախավի ընտանիքների նկատմամբ:

Քանի որ Թովմասյանին առաջադրված մեղադրանքը ոչ թե ՍԴ նախագահ, այլ արդարադատության նախարար եղած ժամանակին է վերաբերում նրա անձեռնմխելությունը չի կարող հիմք լինել Թովմասյանի նկատմամբ քրեական գործ չհարուցելու համար: Այսօր հայտարարել է արդարադատության նախարարը:

Արմեն Թավադյանին կալանավորել են քննիչի ստեղծած փաստաթղթի հիման վրա, առանց լուրջ հիմքեր բերելու: Սա է պատճառը, որ Թավադյանի փաստաբանը պնդում է իր պաշտպանյալին կալանավորելով փորձում են խոչընդոտել 5-րդ ալիքի գործունեությունը: «Ժուռնալիստների միության» նախագահ Սաթիկ Սեյրանյանը, Հայաստանում ազատ խոսքի նկատմամբ ոտնձգությունների ֆոնին կանխատեսում է, որ 2020 թվականը լրատվամիջոցների համար լուրջ մարտահրավերների տարի է լինելու:

Մոտ 3 ժամ տեւած հարցաքննությունից հետո Հատուկ քննչական ծառայությունը պաշտոնեական լիազորությունները չարաշահելու հոդվածով մեղադրանք է առաջադրել Հրայր Թովմասյանին: Սահմանադրական դատարանի նախագահը լրագրողների հետ զրույցում հայտարարել է, որ դեռ 6 ամիս առաջ էին իրեն զգուշացրել եթե հրաժարական չտա մեղադրանք կառաջադրեն: Իր դեմ արշավը քաղաքական հետապնդում է համարում Թովմասյանը: Նրա նկատմամբ խափանման միջոց է կիրառվել ստորագրություն չհեռանալու մասին:

Այսօր 5-րդի խմբագրություն անսպասելի այցելել ու նվերներ է բաժանել Ձմեռ պապը: Դե ավելի ճիշտ տարեվրեջին բոլորն են սպասում նրան, բայց օրվա ծանր լրահոսին հետեւող լրագողներս մի պահ մոռացել էինք, որ մի քանի օրից հրաժեշտ ենք տալու 2019 թվականին:

ԱԺ մարդու իրավունքների պաշտպանության մշտական հանձնաժողովի նախագահ Նաիրա Զոհրաբյանն ասում է՝ սրընթաց մոտենում ենք անդառնալիության կետին, որից այն կողմ ատելության հետեւանքները ծանր են լինելու։ «Կանգ առեք, դուք կարող եք սա կանխել»,-իշխանությանն է դիմում պատգամավորը։

ՀՀ գլխավոր դատախազ Արթուր Դավթյանի որոշմամբ 2010թ. դեկտեմբերի 17-ից մինչև 2014թ. ապրիլի 3-ն ընկած ժամանակահատվածում ՀՀ արդարադատության նախարարի պաշտոնն զբաղեցրած Հ. Թ.-ն ՀՀ հատուկ քննչական ծառայությունում քննվող քրեական գործով ներգրավվել է որպես մեղադրյալ: Այս մասին հայտնում են ՀՀ դատախազությունից։