Լրահոս

Կառավարությունն այսօրվա՝ մարտի 5-ի նիստում նախատեսում է ընդունել ապրիլի 1-ից թոշակների բարձրացման որոշումը։ Մոտավորապես 600 000 քաղաքացու թոշակ կբարձրանա ուղիղ 10 000 դրամով։ Կենսաթոշակների, նպաստների չափի ավելացումը պետբյուջեի վրա տարեկան 78.7 մլրդ դրամի կամ ավելի քան 208 մլն դոլարի հավելյալ ծախս է։ Այս ծախսը Կառավարության անդամները մտադիր են կատարել 2025թ. տնտեսական աճի հաշվին, սակայն Ֆինանսների նախարարությունը համաձայն չէ։ Որոշման նախագծի ամփոփաթերթում Ֆինանսների նախարարությունը ռիսկային է համարել թոշակների բարձրացումը, քանի որ «նախագծով հստակ գնահատված չեն ֆինանսական կարիքի ֆինանսավորման աղբյուրները», գրում է «Հետքը»։ «Թոշակառուներն այս որոշման մեջ ունեն որոշակի դերակատարում». վարչապետ Առաջին անգամ թոշակների բարձրացման մասին փետրվարի 25-ին ֆեյսբուքյան իր էջում հայտարարեց վարչապետ Նիկոլ Փաշինյանը։ «Հայաստանում 2025թ. տնտեսական աճը եղել է կանխատեսվածից ավելի բարձր, սա մեզ համար լրացուցիչ հնարավորություն է ստեղծում, և Հայաստանի քաղաքացիները այդ աճի արդյունքը պետք է տեսնեն իրենց կյանքում։ Կարծում եմ՝ հենց իրենք՝ թոշակառուները այս որոշման մեջ ունեն որոշակի դերակատարում, որովհետև հետվճարի համակարգից հետո հատկապես նրանք ավելի ու ավելի շատ են անկանխիկ առևտուր անում՝ այդպիսով նպաստելով, որ ստվերային շրջանառությունը ՀՀ-ում կրճատվի»,- ասաց վարչապետը։ Այնուհետև Հանրային հեռուստաընկերության եթերում Աշխատանքի և սոցիալական հարցերի նախարար Արսեն Թորոսյանը, անդրադառնալով բյուջեի հավելյալ ծախսին, նշեց, որ կա տնտեսական աճի նոր ցուցանիշ 2025թ.-ի համար, որը թույլ է տալիս ավելի համարձակ ֆիսկալ քաղաքականություն վարել։ «Տնտեսության համար ահռելի մեծ թիվ է 2% ավելի տնտեսական աճ ունենալ»,- ասաց նա։ «Բյուջեում այդ փողերը կան». Գևորգ Պապոյան Էկոնոմիկայի նախարար Գևորգ Պապոյանն էլ պնդեց՝ «բյուջեում այդ փողերը կան»։ Կրկին Հանրային հեռուստաընկերությանը տված հարցազրույցում Պապոյանը հայտարարեց՝ եթե կա 200 մլն դոլար, այդ գումարը չի գնում մի քանի օլիգարխների և մի քանի պաշտոնյաների գրպանը, ինչպես սովորաբար, այլ գնում է մոտ 660 000 ՀՀ քաղաքացիների գրպանը։ «Մեր պահուստային միջոցներն են հնարավորություն տվել, դա մեր՝ նախատեսվածից ավելի բարձր տնտեսական աճն է, սա հնարավորություն է տվել ավելի մեծ հարկային միջոցներ հավաքագրել, հնարավորություն է տվել պահուստային միջոցներ ունենալ»,- ասաց Պապոյանը։ «Հստակեցված չեն գնահատված ֆինանսական կարիքի ֆինանսավորման աղբյուրները». Ֆինանսների նախարարություն Չնայած Աշխատանքի և սոցիալական հարցերի, Էկոնոմիկայի նախարարները հավաստիացնում են, որ թոշակների բարձրացումը կատարվում է 2025թ. տնտեսական աճի շնորհիվ, Ֆինանսների նախարարությունը համամիտ չէ։ «Հստակեցված չեն գնահատված ֆինանսական կարիքի ֆինանսավորման աղբյուրները»,- նախագծի ամփոփաթերթում կարծիք է հայտնել Ֆինանսների նախարարությունը՝ առաջարկելով ներկայացնել ոլորտի այլ ծրագրերի օպտիմալացման առաջարկություններ, որոնց տնտեսումների հաշվին հնարավոր կլինի իրականացնել հավելյալ ծախսերի ֆինանսավորումը։ Նախարարությունը միաժամանակ առաջարկել է տարվա ընթացքում կատարված տնտեսումներն ու հավելյալ ռեսուրսներն առաջնահերթ ուղղել արդեն իսկ ստանձնած պարտավորությունների կատարմանը և այսուհետ ձեռնպահ մնալ նոր պարտավորություններ առաջացնող նախաձեռնություններից։ «Հաշվի առնելով ներկայացված առաջարկի քաղաքական և սոցիալական հնչեղությունը, այդուհանդերձ, ֆիսկալ կայունության տեսանկյունից հարկ ենք համարում նշել, որ տվյալ դեպքում խոսքը վերաբերում է 2026թ. և հետագա տարիների համար ընթացիկ ծախսերի էական աճին, ինչը հանգեցնելու է հետագա տարիներին բազային բյուջեի սոցիալական ծախսերի զգալի իներցիոն աճերի և էապես սահմանափակելու է ՀՀ կառավարության՝ այլ ուղղություններով ծախսեր իրականացնելու հնարավորությունները: Եթե վերջինիս ավելացնենք առկա ֆիսկալ սահմանափակումները, ինչպես նաև առողջության համընդհանուր ապահովագրության համակարգից բխող՝ ընթացիկ ծախսերի գծով զգալի ֆիսկալ ճնշումները և բազմաթիվ այլ ուղղություններով գեներացվող հավելյալ ծախսային կարիքները 2026թ. և հետագա տարիների համար, ներկայացված առաջարկը համարում ենք բավականին ռիսկային»,- նշել է Ֆինանսների նախարարությունը։ Պատասխանելով այս դիրքորոշմանը՝ Աշխատանքի և սոցիալական հարցերի նախարարությունը հայտնել է, որ 2026թ. անցած կարճատև ժամանակահատվածը բավարար չէ ընթացիկ տարվա կատարողականը գնահատելու և դրա արդյունքներով ոլորտի այլ ծրագրերի օպտիմալացման առաջարկություններ ներկայացնելու համար. «2026 թվականի ընթացքում առաջացած տնտեսումներն ու հավելյալ ռեսուրսներն առաջնահերթ կուղղվեն արդեն իսկ ստանձնած պարտավորությունների կատարմանը»։ Այսպիսով, թոշակների բարձրացման շուրջ Կառավարությունում հստակ տարաձայնություն կա։ Կառավարության մի շարք անդամներ որոշումը հիմնավորում են 2025թ. կանխատեսվածից բարձր տնտեսական աճով և հավելյալ հարկային մուտքերով։ Մինչդեռ Ֆինանսների նախարարությունը հարցը դիտարկում է ֆիսկալ կայունության տեսանկյունից՝ շեշտելով, որ տարեկան 78.7 մլրդ դրամի մշտական ծախս ավելացնելը, առանց հստակ ֆինանսավորման աղբյուրների, ռիսկային է։ Ֆիննախի մտահոգությունը վերաբերում է ոչ միայն 2026թ. բյուջեին, այլև գալիք տարիներին սոցիալական ծախսերի իներցիոն աճին, որը կարող է սահմանափակել Կառավարության գործողություններն այլ ոլորտներում։ Թոշակների բարձրացումը սոցիալապես ընկալելի և հատկապես նախընտրական շրջանում քաղաքականապես շահեկան քայլ է, սակայն ֆինանսական հաշվարկների ու հստակ աղբյուրների բացակայության պայմաններում կարող է լուրջ բեռ դառնալ պետական բյուջեի համար։

«Ուկրաինական վարչակարգի ձեռքերով Արևմուտքի կողմից նախապատրաստված և ի վերջո սանձազերծված՝ Ռուսաստանի դեմ պատերազմի նպատակն է թուլացնել... ռազմավարական պարտություն հասցնել մեր երկրին։ Եվ բոլոր հիմքերը կան ենթադրելու, որ դրա հետևում թաքնված է... մեր երկիրը փլուզելու առավելագույն ցանկությունը», - ասել է Լավրովը՝ Ուկրաինայի շուրջ իրավիճակի կարգավորման թեմայով դեսպանական կլոր սեղանի ժամանակ։

ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչների կողմից անհատ ձեռնարկատեր Սեդա Աստոյանին պատկանող (Շիրակի մարզ, ք. Արթիկ, Տուֆագործների 39բ) հանրային սննդի օբյեկտում իրականացված ստուգման ընթացքում արձանագրվել են սննդամթերքի արտադրության հետ անհամատեղելի սանիտարահիգիենիկ խախտումներ։ Այս մասին հայտնում են տեսչական մարմնից: «Մասնավորապես՝ - սննդի կառույցի առաստաղին եղել են կեղտի կուտակումներ, չի բացառվել մասնիկների թափվելու հնարավորությունը, - դուռը պատված չի եղել չներծծվող, հեշտությամբ մաքրվող և ախտահանվող նյութով։ Տեսչական մարմնի ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, տնտեսավարողին հանձնարարվել է այն համապատասխանեցնել սահմանված նորմերին, ամրագրվել է վերջնաժամկետ հայտնաբերված խախտումները վերացնելու համար»:

ԱԺ-ում հայտարարեց «Հայաստան» խմբակցության պատգամավոր Արթուր Խաչատրյանը։

Հայլուր 12։30 Թուրքիայի վրա հարձակում չի՞ եղել. պատերազմի 6-րդ օրը

Մարտի 4-ին ժամը 04:00-ից ժամանակավորապես դադարեցվել էր քաղաքացիների անցումը հայ-իրանական սահմանով՝ իրանական կողմում ինտերնետային կապի խափանման պատճառով։

Մամուլի տեսություն 05.03.2026

Այս տրամաբանությունից ելնելով կարծես թե վերջին ժամերին գործի է դրվում նոր «խաղաքարտ»` տարածաշրջանի քրդական գործոնը: Արդեն տարիներ ի վեր Իսրայելը և ԱՄՆ աշխատում ու աջակցում են քրդերին` բառի բուն իմաստով զինելով վերջիններիս: Այժմ, դատելով առկա տվյալներից, հարձակվողների ռազմավարական ծրագիրը մոտապես հետևյալն է. դրդել քրդական տարբեր զինված խմբերին (առաջին հերթին՝ Իրանի ներսում գործող մանր միավորներին) փաստացի զինված ապստամբություն բարձրացնել Իրանի հյուսիս-արևմուտքում (Թուրքիայի սահմանի երկայնքով), որը կհանգեցնի Իրանի ներսում քաոսի, ներէթնիկ բախումների ու արդյունքում կհանգեցնի երկրի փլուզման ու մասնատման։ Կից քարտեզում քրդերի բնակեցման մոտավոր վայրերն են (նարնջագույնով նշված):

Ըստ նրա տեղեկությունների՝ թիրախավորված բազաներում հզոր պայթյուններ են որոտացել։

Մարտի 3-ին՝ ժամը 18:45-ի սահմաններում, ՀՀ ԱՆ «Գորիս» քրեակատարողական հիմնարկի պահակետի ծառայողը նկատել է, որ հիմնարկի ընդհանուր օգտագործման լոգարանի տանիքին առկա է սպիտակ, կպչուն ժապավենով փաթեթավորված ներնետված փաթեթ: Ծառայողները, սահմանված կարգով զննության ենթարկելով փաթեթը, հայտնաբերել են 2 բջջային հեռախոս: Դեպքի առթիվ ձեռնարկվել են համապատասխան միջոցառումներ:

Նա ցանկացել է իմանալ, թե ինչպես և ինչ պայմաններում կավարտվի գործողությունը։ Հրատարակությունը նշում է, որ ամբողջ աշխարհում բազմաթիվ առաջնորդներ, արտգործնախարարներ և պաշտպանական գերատեսչությունների ներկայացուցիչներ մտավախություն ունեն, որ ԱՄՆ վարչակազմը չունի Իրանում գործողության հստակ ծրագիր։

Սոցցանցերում լուրեր են տարածվել, որ Արագածոտնի մարզպետ Սերգեյ Մովսիսյանին պատկանող մի շարք անշարժ գույքեր կան, որոնք նրա հայտարարագրում առկա չեն: Մասնավորապես, այդ տեղեկությունների համաձայն, Մովսիսյանին են պատկանում «Երևանում՝ Սունդուկյան փողոցի բնակարանը, Աշտարակ քաղաքի Սիսակյան փողոց 14 շենքում ունեցած տարածքը, Երևանում Ա.Ավետիսյան փողոցի բնակարանը, Աշտարակում՝ 16-րդ թաղամասում հողատարածքը, Աշտարակում՝ Արտակի փողոցի հողամասերն ու առևտրի սրահը, Տիգրան Մեծ փողոցի սեփականությունը և այլն, ինչպես նաև Աշտարակ քաղաք Արտակի փողոցում հասարակական նշանակության բազմահահարկ շինություն է կառուցվում, որը նույնպես նրան է պատկանում»: Մենք տեղեկությունը ստուգելու ու պարզաբանում ստանալու համար պաշտոնական գրավոր հացմամբ դիմել էինք Սերգեյ Մովսիսյանին՝ հարցնելով, թե թվարկված գույքը իրեն կամ իր մերձավոր ազգականների՞ն են պատկանում: Մարզպետից ստացել ենք հետևյալ պատասխանը. «Ձեր հարցմանն ի պատասխան հայտնում եմ, որ ինձ պատկանող յուրաքանչյուր գույք ներկայացվում է իմ կողմից լրացվող ամենամյա հայտարարագրում»: Սերգեյ Մովսիսյանը հայտարարագել է 3 հողամաս, անհատական բնակելի տուն, բնակարան:

Ազգային ժողովն այսօր՝ մարտի 5-ին, շարունակում է իր հերթական քառօրյա նիստերի աշխատանքը։ Օրակարգում ընդգրկված էր ընդհանուր առմամբ 29 հարց, որոնցից 25-ն արդեն քննարկվել է։ Այժմ ընթանում է Հակակոռուպցիոն կոմիտեի 2025 թվականի գործունեության հաշվետվության մասին հաղորդման քննարկումը։

ՔՊ-ական պատգամավոր Սերգեյ Բագրատյանը բորբոքվեց «Հայաստան» խմբակցության պատգամավոր Քրիստինե Վարդանյանի խոսքից հետո։

ԱԺ-ում հայտարարեց «Հայաստան» խմբակցության պատգամավոր Քրիստինե Վարդանյանը։

Քրեական ոստիկանության թմրամիջոցների անօրինական շրջանառության դեմ պայքարի վարչության ծառայողները ստացել էին օպերատիվ տեղեկություն, որ 25-ամյա մի երիտասարդ Երևան-Սևան ավտոճանապարհին կից տարբեր տեղերում իրացման նպատակով տեղադրում է առանձնապես խոշոր չափերի թմրամիջոց։

Այսօր առավոտյան հրդեհ է բռնկվել Արշակունյաց պողոտայում գտնվող «Երևան մոլ» առևտրի կենտրոնում։ Ինչպես հայտնում է ՀՀ ՆԳՆ փրկարար ծառայությունը, հրդեհի մասին ահազանգը ստացվել է առավոտյան 9։00-ի սահմաններում։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, հրդեհաշիջման և փրկարարական աշխատանքների կազմակերպման բաժնի հերթապահ խումբը։ Փրկարար ծառայությունից հայտնում են, որ մոտ մեկ ժամ անց հրդեհը մարվել է։

Թերթի տվյալներով՝ ԱՄՆ Կենտրոնական հրամանատարությունը Պենտագոնից պահանջել է ռազմական հետախուզության լրացուցիչ անձնակազմ՝ Իրանի դեմ գործողություններին առնվազն 100 օր, իսկ հավանաբար՝ մինչև սեպտեմբեր աջակցելու համար։ Հրատարակության համաձայն՝ խոսքը Տամպայում (Ֆլորիդա նահանգ) գտնվող հրամանատարության շտաբ լրացուցիչ հետախուզության սպաներ ուղարկելու մասին է, որը համակարգում է ԱՄՆ գործողությունները Մերձավոր Արևելքում։ Ինչպես նշում է Politico-ն, սա վարչակազմի կողմից հետախուզական անձնակազմի ընդլայնման առաջին հայտնի հարցումն է՝ կապված Իրանի դեմ պատերազմի հետ։ Այսինքն՝ գործողությունը կարող է տևել զգալիորեն ավելի երկար, քան Թրամփի կողմից ի սկզբանե հնչեցված չորս շաբաթյա ժամկետը։ Պարբերականը հավելում է, որ անձնակազմի և ռեսուրսների հրատապ ավելացումը վկայում է այն մասին, որ «Թրամփի թիմը լիովին չէր կանխատեսել այն պատերազմի մասշտաբային հետևանքները, որն ինքն սկսել է Իսրայելի հետ միասին»։

Այս մասին հայտարարեց ԱԺ «Հայաստան» խմբակցության պատգամավոր Լիլիթ Գալստյանը։

Խորհրդարանը շուրջ երկու տարի է՝ չի կարողանում Կոռուպցիայի կանխարգելման հանձնաժողովի անդամ ընտրել եւ համալրել Հանձնաժողովում առկա թափուր պաշտոնը։ Այս ընթացքում օրենսդիրների դատին բազում թեկնածուներ են ներկայացվել, սակայն՝ մեկը մյուսից ոչ կոմպետենտ, որոնք ծաղրի առարկա են դարձել խորհրդարանում «քննություն» տալու ժամանակ։